Ֆրանք Ռուպիօ
Ֆրանսիսքօ Ռուպիօ, (11 Դեկտեմբեր, 1975), ամերիկացի թռիչքային վիրաբուժ, ԱՄՆ բանակի գնդապետ, ուղղաթիռի օդաչու, եւ ՆԱՍԱ-ի տիեզերագնաց։ Ան մրցանիշ մը արձանագրած է` անջրպետին մէջ ամէնէն երկար ժամանակ մնացող ամերիկացին դառնալով՝ 371 օր[1][2]:
| Ֆրանք Ռուպիօ | |
|---|---|
 | |
| Ծնած է | 25 Յունուար 1975 (49 տարեկան) |
| Ծննդավայր | Լոս Անճելըս, Քալիֆորնիա, Ամերիկայի Միացեալ Նահանգներ |
| Քաղաքացիութիւն |
 Ամերիկայի Միացեալ Նահանգներ |
| Ուսումնավայր |
Q25406700? Uniformed Services University of the Health Sciences? Miami Sunset Senior High School? |
| Մասնագիտութիւն | տիեզերագնաց, flight surgeon, ռազմական բժիշկ, բանակի սպա, ուղղաթիռի օդաչու |
| Անդամութիւն | NASA Astronaut Group 22? |
Մրցանիշին պատմութիւնը
ԽմբագրելՌուպիօ եւ ռուս աստղանաւորդներ Սերկէյ Փրոքոփիեւ եւ Տմիթրի Փեթըլին դէպի անջրպետ կ'ուղղուին «Սոյուզ ՄՍ-22» անջրպետանաւին մէջ, 21 Սեպտեմբեր 2022-ին: Սկզբունքով խմբակը վեց ամիս պիտի անցընէր «Այ Էս Էս» միջազգային անջրպետի կեդրոնին մէջ եւ երկիր պիտի վերադառնար Փետրուար 2023-ին:
Սակայն Դեկտեմբեր 2022-ին անջրպետին մէջ շրջող լքուած եւ այլեւս անպէտք առարկաներէն կտոր մը կը զարնուի կանգ առած «Սոյուզ» անջրպետանաւին: Այս արկածը վնասներ կը հասցնէ անջրպետանաւին, եւ հետեւաբար մասնագէտներ կը յայտնեն, որ ան ապահով չէ աստղանաւորդները երկիր վերադարձնելու համար:
Հետեւաբար երեք աստղանաւորդները երկիր վերադառնալու համար ստիպուած կ'ըլլան սպասել մինչեւ աստղանաւորդներու երկրորդ խումբ մը պատրաստ ըլլայ զիրենք փոխարինելու:
Անոնք երկիր կը վերադառնան 23 Սեպտեմբեր 2023-ին` անջրպետին մէջ անցընելով 371 օր, 180 օրուան փոխարէն:
Ռուպիօ կը կտրէ ամերիկացի աստղանաւորդ Մարք Վանտը Հէյի 355 օրուան մրցանիշը, որ արձանագրուած էր 2022-ին:
Սակայն անջրպետին մէջ ամէնէն երկար ժամանակ մնացողի մրցանիշը կը մնայ ռուսերուն կողմէ 1990-ական թուականներուն կէսուն արձանագրուած 437 օրը:
Ծանօթագրութիւններ
Խմբագրել- ↑ Ֆրանք Ռուպիօ
- ↑ Garcia Mark (7 Փետրուար,2018)։ «Astronaut Frank Rubio» (անգլերեն)։ NASA։ արտագրուած է՝ 20 Յուլիս,2021