Ազնիւ Պետրոսեան

Ազնիւ Պետրոսեան (8 Յունուար, 1903, Վան, Վանի վիլայէթ, Օսմանեան կայսրութիւն - 27 Դեկտեմբեր, 1971, Երեւան, Հայկական ԽՍՀ, ԽՍՀՄ), կենսաբանական գիտութիւններու տոքթէօր եւ ՀԽՍՀ մանրէաբանութեան հիմնադիրներէն։ ԽՄԿԿ անդամ 1942 թուականէն։ Պարգեւատրուած է «Լենինի շքանշան»ով։

Ազնիւ Պետրոսեան
Ծնած է	8 Յունուար, 1903
Ծննդավայր	Վան, Արեւմտեան Հայաստան
Մահացած է	27 Դեկտեմբեր, 1971
Մահուան վայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Օսմանեան Կայսրութիւն  Խորհրդային Միութիւն
Ազգութիւն	հայ
Ուսումնավայր	Երեւանի Պետական Համալսարան
Կոչում	փրոֆէսոր
Մասնագիտութիւն	հայ կենսաբանական գիտութիւններու տոքթէօր
Աշխատավայր	Երեւանի Պետական Համալսարան Հայկենսատեխնոլոգիա գիտաարտադրական կենտրոն? Հայաստանի ազգային ագրարային համալսարան?
Կուսակցութիւն	Խորհրդային Միութեան համայնավարական Կուսակցութիւն

Կենսագրական գիծեր

Երեւանի Պետական Համալսարան

Ազնիւ Պետրոսեան, ծնած է Վան, Արեւմտեան Հայաստան, 8 Յունուար 1903-ին։ Եղեռնի օրերուն ծնողքը կը կորսնցնէ եւ որբ կը մնայ։ 1925-ին աւարտած է Երեւանի պետական համալսարանի գիւղատնտեսութեան բաժինը։

1923-ին սկսած է աշխատիլ համալսարանի կեդրոնական գիտահետազօտական փորձագիտական աշխատանոցին մէջ։ 1944-ին կը կազմակերպէ ՀԽՍՀ ԳԱ երկրագործութեան հիմնարկը։ 1932-1952 թուականներուն դասախօսած է Երեւանի համալսարանին եւ Հայկական գիւղատնտեսական Հիմնարկին մէջ։ 1950-1971 թուականներուն Հայաստանի Գիտութիւններու Ակադեմիայի մանրէակենսաբանութեան հիմնարկութեան պատասխանատուներէն է։

Անոր գիտական աշխատանքները կը վերաբերեն Հայաստանի տարածքին հողերու մանրէաբանական հետազօտութիւնները, հողի պարունակութեան բարելաւման, կենսաբանական, բնագիտական ե ուրիշ առանձնայատկութիւններու ուսումնասիրութիւններ։

Երկեր

Գրած էր աւելի քան 60 գիտական աշխատութիւններ՝ նուիրուած հողի եւ գիւղատնտեսութեան մանրէակենսաբանութեան հարցերուն:

1942-ին լոյս կը տեսնէ «Բակտերեալ պարարտանիւթերը եւ անոնց կիրառումը» գործը, Երեւան։

Պարգեւատրում

Պարգեւատրուած է «Լենինի շքանշան»ով։

Աղբիւրներ

• Հայկական սովետական հանրագիտարան, տպ․ 1983, Երեւան, հատոր 9, էջ 261
• «Ազատ Օր» օրաթերթ, 18-1-2022, էջ 8