Աղբիւր (ամսագիր, Երեւան)

«Աղբիւր», Հայաստանի մէջ լոյս տեսնող մանկապատանեկան ամսագիր։

Աղբիւր
Տեսակ	հանդէս
Լեզու	հայերեն
Խմբագիր	Թադևոս Տոնոյան
Երկիր	Կաղապար:ՀԽՍՀ→ Կաղապար:ARM
Հրատարակման վայր	Երևան

Պատմութիւն

Առաջին անգամ լոյս տեսած է 1923 թուականին ՀԽՍՀ-ի մէջ։ Ամսագրի անունը սկիզբը եղած է «Պատկոմ», ապա՝ «Պիոներ», իսկ Խորհրդային Միութեան փլուզումէն յետոյ ամսագիրը վերանուանուած է «Աղբիւր»։

«Աղբիւրը» երեխաներուն կը դաստիարակէ հայրենասիրութեան ոգիով, անոնց մէջ սէր կ՜արթնցնէ ուսման ու աշխատանքի, գիտութեան ու տեխնիկայի, գրականութեան, արուեստի ու ընթերցանութեան նկատմամբ։

Առաջին համարին մէջ հանդէսը կոչով դիմած է դպրոցականներուն ու անոնց ծնողներուն՝ ապաստան տալ եւ օգնել որբ երեխաներուն, որոնց զգալի մասը Մեծ եղեռնէն փրկուած գաղթականներ էին։ Նոյն համարին մէջ կար մէկ այլ հաղորդագրութիւն այն մասին, որ տասնհինգամեայ Վիքտոր Համբարձումեանը հանդէս եկած է Ալպերթ Այնշթայնի յարաբերականութեան տեսութեան մասին հրապարակային դասախօսութեամբ։

Հանդէսի խմբագրական խորհուրդի կազմին մէջ էին Եղիշէ Չարենցը, Ստեփան Զօրեանը եւ ուրիշներ։

Հանդէսն մէջ ճանցչուած հեղինակներու գործերու կողքին կը տպագրուին նաեւ պատանի ստեղծագործողներու ոտանաւորներ, պատմուածքներ, յօդուածներ, նկարչական աշխատանքներ, թարգմանութիւններ արտասահմանեան մանկական գրականութենէն։ «Աղբիւր»ը կ՜անդրադառնայ հայ եւ աշխարհի ժողովուրդներու պատմութեանն ու մշակոյթին, ազգագրութեան, հրապարակում նաեւ զուարճալի նիւթեր, մաթեմատիկական հետաքրքիր խաղեր ու խնդիրներ, օգտակար խորհուրդներ։ «Աղբիւրը» առաջիններէն է լուսաբանած 1988-ի հայ ազգային-ազատագրական շարժումը, հրապարակած նիւթեր Հայաստանի եւ Արցախի պատմութենէն։ Հանդէսը կը շարունակէ տպագրել Հայաստանի Հանրապետութեան առօրեան արտացոլող, հայ դեռահասներուն յուզող հարցերու վերաբերեալ հրապարակումներ։