Այնթապ

Այնթապ
Գիւղ
	Այնթապ
Երկիր	Հայաստան
Մարզ	Արարատի
Տարածութիւն	8,8 քմ²
ԲԾՄ	912,5±43,5 մեթր
Պաշտօնական լեզու	հայերէն
Բնակչութիւն	9550 մարդ
Ազգային կազմ	Հայեր
Ժամային գօտի	UTC+4։00
Անուանուած է	Այնթէպ

Այնթապ, գիւղ Հայաստանի Արարատի մարզին մէջ, մարզի կեդրոնէն՝ 25 ք․մ․ հեռաւորութեան վրայ։ Կը գտնուի Երեւան քաղաքէն հարաւ-արեւելք։ Նախապէս ունեցած է Այնթապ նոր, Պէյպուտապատ, Թազագիւղ, Թազաքենդ, Նորագեղ անուանումները։

Պատմութիւն

Այնթապ վերանուանուած է 1970 թուականին, ի յիշատակ Կիլիկիոյ Այնթապ քաղաքին։ Նորագիւղ անունով Այնթապը յիշատակուած է 1465 - 1466 թթ.։ 1679 թուականին՝ Երեւանի աւերիչ երկրաշարժի հետեւանքով, գիւղն ամբողջովին աւերուած է եւ ամայացած։ Յետագայ տարիներուն վերակառուցուածէ Խոյ գաւառէն եկած վերաբնակիչներու կողմէ։

Կլիման

Գիւղը տեղադրուած է Արարատեան դաշտին՝ ծովի մակարդակէն 865 մ․ բարձրութեան վրայ։ Կլիման չոր, խիստ ցամաքային է։ Ձմեռը կը սկսի Դեկտեմբերի կէսերուն, Յունուարեան միջին ջերմաստիճանը կը տատանուի 30-50։ Ամառը տեւական է՝ Մայիսէն մինչեւ Հոկտեմբեր, օդի միջին ամսական ջերմութիւնը կը հասնի 24-էն 26, իսկ առաւելագոյնը՝ 42։ Յաճախ կ'ըլլային խորշակներ, որոնք զգալի վնաս կը հասցնէին գիւղատնտեսութեան։ «Մթնոլորտային» տարեկան տեղումներու քանակը 250-300 մ․մ․ է։

Բնական լանտշաֆթները կիսանապատներ են, որոնք ոռոգման ընթացքին վերացուած են կուլտուր-ոռոգելի լանտշաֆթի։ Կլիմայական ցանքի (Ագրոկլիմայական) տեսակէտէն, համայնքն ինկած է բացարձակ ոռոգման գօտին։

Բնակչութիւն

Տարի	1831	1873	1914	1967	1975	1979	2001	2004	2011
Բնակիչ	866	827	1255	5001	5746	6608	7712	7200	9550

Տնտեսութիւն

Բնակչութիւնը կը զբաղի բանջարապոսթանային կուլտուրաներու մշակութեամբ եւ այգեգործութեամբ։ Գիւղն ունեցած է եկեղեցի մը՝ Սուրբ Գրիգոր, որուն կից կը գործէր փոքր վարժարանը (Նորագեղ, Թազագիւղ)։

Արտաքին յղումներ

Այնթապ Archived 2014-09-12 at the Wayback Machine.
Արարատի մարզպետարան Archived 2012-04-13 at the Wayback Machine.