Ատոնիս Սամարաքիս

Ատոնիս Սամարաքիս, յուն․՝ Αντώνης Σαμαράκης (Աթէնք 16 Օգոստոս 19198 Օգոստոս 2003, Փիլոս, Մեսինիա, Պելոպոնես)․ միջազգային համբաւի արժանացած յոյն արձակագիր։

Կենսագրական գիծերԽմբագրել

Ատոնիս Սամարաքիս ծնած է Աթէնք 1919-ին։  Սամարաքիս երբ կ՛ աւարտէ Վարվաքիօ Դպրոցը, ուսումը կը շարունակէ Աթէնքի համալսարանը, ուր իրաւաբանութիւն կ՛ ուսանի։ 

Գերմանական գրաւման ընթացքին (Բ․ Համաշհարհային Պատերազմ) յունական ընդիմութեան մաս կազմած է։  1944-ին գերմանացիները զայն կը ձերբակալեն եւ մահուան կը դատապարտեն, սակայն կը յաջողի փախչիլ։ 

1954-ին «Յոյս կը փնտռուի» Ζητείται ελπίς պիտակին տակ կը հրապարակէ իր առաջին բանաստեղծութիւնները։  Շնորհիւ իր ջանքերուն կը հիմնուի Պատանիներու Խորհրդարանը․ անպաշտօն ժողովահաւաքներ, որոնք կը կատարուին Յունաստանի Խորհրդարանի կեդրոնական դահլիճին մէջ եւ ուր բոլոր երիտասարդները խօսքի իրաւունքը ունին։

1963-ին կ՛ ամուսնանայ Էլենի Քուրեպանային հետ։

Եունիսեֆի Բարիկամեցողութեան դեսպանԽմբագրել

Մ․Ա․Կ․-ի «Աշխատանքի Միջազգային Ընկերութեան» իբրեւ փորձագէտ կ՛ աշխատի տարբեր երկիրներու մէջ եւ 1989-ին Եունիսեֆի Բարիկամեցողութեան դեսպան կը յայտարարուի։

ԳործերԽմբագրել

Ատոնիս Սամարաքիսի գործերուն մէջ նշմարելի է հասարակութեան, ընկերութեան գանգատի, պահանջի տարրը, որ կը պատկերացնէ իր անձնական մտահոգութիւնները ժամանակակից ընկերութեան ներկայ եւ ապագայ վիճակին համար։  Անոր գործերը թարգմանուած են 30-է աւելի լեզուներու։  Գլխուոր գործերն են՝

  • Յոյս կը փնտռուի Ζητείται Ελπίς (1954)
  • Ահազանգ Σήμα κινδύνου (1959)
  • Կը մերժեմ Αρνούμαι (1961)
  • Գաղափարներու գրասենեակ Γραφείον Ιδεών (1962)
  • Սխալը Το λάθος (1965)
  • Անցագիրը Το Διαβατήριο (1973)
  • Բանավէճը Η Κόντρα (1992)
  • Ինքնակենսագրութիւն Αυτοβιογραφία (1919-1996)

ՄրցանակներԽմբագրել

  • Վիպագրութեան Պետական Մրցանակ, 1962, «Գաղափարներու գրասենեակ» (Γραφείον Ιδεών) գործին համար
  • Գոստաս Ուրանի Մրցանակ, 1966, «Սխալը» (Το λάθος) գործին համար
  • Ֆրանսայի Ոստիկանական Գրականութեան Մեծ Մրցանակ, 1970, «Սխալը» (Το λάθος) գործին համար
  • Europalia, 1982, իր գործերուն համար
  • Գիրերու եւ Արուեստի Ասպետի Խաչ, 1995
  • Արուեստի եւ Գրականութեան Պետական Մրցանակ, 1995, Ֆրանսա

[1] [2] [3] [4]

ԾանօթագրութիւններԽմբագրել

Արտաքին յղումներԽմբագրել

  1. Եունիսեֆ(յունարէն)