Արամ Mp3
Արամ Սարգսեան (5 Ապրիլ 1984[1], Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն): Ծանօթ է Արամ MP3 (Արամ Էմ-Փի երեք) անունով, հայ երգիչ-երգահան, զուարթախոհ եւ դերասան: Մայիս 2014-ին Դանիոյ մայրաքաղաք Քոփընհակընի մէջ, կը ներկայացնէ Հայաստանը՝ Եւրոտեսիլ 2014 երգի մրցոյթին իր «Not Alone» երգով եւ կը գրաւէ 4-րդ հորիզոնականը:
| Արամ Mp3 |
|---|
.jpg)
Կեանքը
ԽմբագրելԱրամ Աւետիք Սարգսեան ծնած է 5 Ապրիլ 1984-ին Երեւանի մէջ, Հայաստան: Փոքր տարիքէն մասնակցած է շարք մը երգչախումբերու եւ թատերական ներկայացումներու։ Թէեւ միշտ երազած է մեծ բեմի մասին, սակայն իբրեւ մասնագիտութիւն ընտրած է դեղագործութիւնը` աւարտելով Երեւանի պետական բժշկական համալսարանը:
Ասպարէզ
ԽմբագրելՈւսանողական տարիներուն Արամ կը մասնակցի «Քա Վէ Էն» զաւեշտային ծրագիրի ներկայացումներուն: 2006-ին կը դառնայ «32 ատամ» զաւեշտային ակումբին անդամը, ուր իր գործընկերներէն մէկը զինք կ'անուանէ MP3, իսկ ինք կ'որոշէ այդ ածականը դարձնել իր բեմական կեղծանունը[2]: 2007-ին Արամ հանրային հեռուստաընկերութեան «2 աստղ» մրցոյթին ախոյեանը կը հանդիսանայ:
Համագործակցելով «Շանթ» հեռուստաընկերութեան հետ` կը վարէ այդ հեռուստաընկերութեան «Էքս-ֆեքթըր», «Հայ Սուփըրսթար», «Իմ անունն է», «10-ի ուժը» եւ այլ նախագիծեր: Ներկայիս ան կը հանդիսանայ «Վիթամին ակումբ» զաւեշտային նախագիծին անդամ, որ կը հեռարձակուի իւրաքանչիւր շաբաթ, Շանթ հեռուստաընկերութենէն:
Եւրոտեսիլ 2014 Երգի Մրցոյթ
Խմբագրել31 Դեկտեմբեր 2013-ին Հանրային հեռուստաընկերութեան Ամանորի գլխաւոր ծրագիրին ընթացքին կը յայտարարուի, որ ներքին որոշումով Արամ ընտրուած է Եւրոտեսիլ 2014 երգի մրցոյթի Հայաստանի ներկայացուցիչ[3][4]: 14 Մարտին կը յայտարարուի, թէ ան պիտի ներկայացնէ «Not Alone» երգը[5]: 6 Մայիսին Քոփընհակընի «B&W Hallerne» արենային մէջ կայացած Եւրոտեսիլ 2014-ին առաջին կիսաեզրափակիչի քուէարկութենէն ետք, Արամ հեռուստադիտողի եւ դատակազմի քուէարկութեան արդիւնքով 4-րդ հորիզոնականով կ'անցնի եզրափակիչ հանգրուան[6]: 10 Մայիսին մրցոյթին եզրափակիչ հանգրուանին քուէարկութեան արդիւնքով ան կը զբաղեցնէ 4-րդ հորիզոնականը՝ 174 միաւորով:
Անձնական Կեանք
Խմբագրել2008-ին ամուսնացած է Աննա Մարգարեանին հետ: Յունիս 2011-ին զոյգը ունեցած է իր առաջին երեխան[7]:
Սկաւառակագրութիւն
ԽմբագրելՄենակատարումներ
Խմբագրել- «Shine» (2013)
- «If I Tried» (2013)
- «Just Go On» (2013)
- «Not Alone (2014)
- «Help» (2014)
- «Magic» (2014)
- «You're My Sunshine» (2015)
ծանօթագրութիւններ
Խմբագրել- ↑ Discogs — 2000.
- ↑ «Արամ mp3-ն նախապէս չէր սիրեր իր անունը»։ The Armenian Times։ 9 Դեկտեմբեր 2008-ին։ արտագրուած է՝ 2 Յունուար 2014-ին:[permanent dead link]
- ↑ Omelyanchuk Olena։ «Aram Mp3 to represent Armenia in Copenhagen»։ European Broadcasting Union։ արտագրուած է՝ 1 Յունուար, 2014-ին:
- ↑ «Eurovision 2014's Armenian representative's song is chosen»։ Panorama.am։ արտագրուած է՝ 21 Փետրուար, 2014-ին:
- ↑ Brey Marco։ «Aram MP3 to sing "Not Alone" for Armenia»։ European Broadcasting Union։ արտագրուած է՝ 14 Մարտ, 2014-ին:
- ↑ Roxburgh Gordon։ «The ten winners from tonight's show»։ European Broadcasting Union։ արտագրուած է՝ 6 Մայիս, 2014-ին:
- ↑ «արամ MP3»։ Bravo.am։ June 2011: