Բացել գլխավոր ցանկը

Արկադի Ղուկասեան

Արկադի Արշաւիր Ղուկասեան (ծն.՝ 22 Յունիս 1957(1957-06-22), Ստեփանակերտ, Լեռնային Ղարաբաղի Ինքնավար Մարզ) Հ.Հ. եւ Արցախի պետական եւ քաղաքական գործիչ։ Լեռնային Ղարաբաղի երկրորդ նախագահ։ Պաշտօնը զբաղեցուցած է 1997-2007 թուականներուն:

Արկադի Ղուկասեան
Արկադի Ղուկասեան.jpg
Ծնած է 22 Յունիս 1957(1957-06-22) (62 տարեկան)
Ծննդավայր Ստեփանակերտ, Լեռնային Ղարաբաղի Ինքնավար Մարզ, ԱԽՍՀ, Խորհրդային Սոցիալիստական Հանրապետութիւններու Միութիւն
Քաղաքացիութիւն Flag of the Soviet Union.svg Խորհրդային Սոցիալիստական Հանրապետութիւններու Միութիւն
Flag of Artsakh.svg Արցախի Հանրապետութիւն
Ազգութիւն Հայ
Կրօնք Հայ Առաքելական Եկեղեցի
Ուսումնավայր Երեւանի Պետական Համալսարան
Մասնագիտութիւն քաղաքական գործիչ
Վարած պաշտօններ Արցախի նախագահ
Պարգեւներ եւ
մրցանակներ
Արցախի հերոս Երեւանի պատուաւոր քաղաքացի «Տիգրան Մեծ» շքանշան
Կուսակցութիւն չկա

ԿենսագրութիւնԽմբագրել

Արկադի Ղուկասեան ծնած է 22 Յունիս 1957-ին, Ստեփանակերտ: 1974-ին աւարտած է Ստեփանակերտի թիւ 8 Միջնակարգ դպրոցը, 1979-ին` Երեւանի պետական համալսարանի ռուսերէնի եւ գրականութեան հիմնարկը: Աշխատանքային գործունէութիւնը սկսած է 1980-ին «Սովետական Ղարաբաղ» թերթին մէջ` սկիզբը որպէս թղթակից, իսկ 1981-էն` գլխաւոր խմբագիրի տեղակալ: 1988-էն ղարաբաղեան շարժման գործօն մասնակից է: 1992-ին Արկադի Ղուկասեան ընտրուած է Լեռնային Ղարաբաղի Հանրապետութեան առաջին գումարման խորհրդարանի պատգամաւոր: Սեպտեմբեր 1992-ին Արկադի Ղուկասեանը կը նշանակուի Լ.Ղ.Հ. Պաշտպանութեան Պետական Կոմիտէի (Պ.Պ.Կ.) նախագահի քաղաքական հարցերով խորհրդական: Միաժամանակ ան կը կատարէ Մինսքի խումբի հովանիին ներքոյ Ազրպէյճանի հետ հակամարտութեան կարգաւորման բանակցութիւններուն մէջ Լեռնային Ղարաբաղի պատուիրակութեան ղեկավարի գործունէութիւնները:

Յուլիս 1993-ին Լ.Ղ.Հ.-ի մէջ կը ստեղծուի արտաքին գործերու նախարարութիւն, եւ այդ գերատեսչութեան առաջին ղեկավար կը նշանակվուի Արկադի Ղուկասեանը: Անոր` Լ.Ղ.Հ. Ա.Գ.Ն. ղեկավար աշխատելու ժամանակ, ղարաբաղեան դիւանագիտութիւնը բանակցային գործընթացին մէջ հասած է Լ.Ղ.Հ.-ի համար լուրջ դրական արդիւնքներու: Յատկապէս նշանակալի է Ղուկասեանի ներդրումը Լեռնային Ղարաբաղի` որպէս հակամարտութեան կողմի, փաստացի միջազգային ճանաչման գործին մէջ: Սեպտեմբեր 1997-ին տեղի ունեցած Լ.Ղ.Հ. արտահերթ նախագահական ընտրութիւններուն Ղուկասեան ձայներու ճնշող մեծամասնութեամբ կ'ընտրուի Լեռնային Ղարաբաղի Հանրապետութեան նախագահ: 11 Օգոստոս 2002-ին կայացած նախագահական ընտրութիւններուն ան վերընտրուած է Լեռնային Ղարաբաղի Հանրապետութեան նախագահ:

Արկադի Ղուկասեան շարք մը միջազգային ակադեմիաներու, մասնաւորապէս՝ Անվտանգութեան, պաշտպանութեան եւ իրաւապահպանութեան հարցերով ակադեմիայի, Միջազգային յարաբերութիւններու գիտութիւններու ակադեմիայի, Բնութեան եւ հասարակութեան մասին գիտութիւններու ակադեմիայի, Ազգային անվտանգութեան հիմնախնդիրներու մասին գիտութիւններու ակադեմիայի եւ Ժողովուրդներու հոգեւոր միասնութեան ակադեմիայի պատուաւոր անդամ է: Լ.Ղ.Հ. երկրորդ Նախագահ՝ Արկադի Ղուկասեան արժանացած է «Արցախի հերոս» Լեռնային Ղարաբաղի Հանրապետութեան բարձրագոյն կոչման եւ պարգեւատրուած «Ոսկէ Արծիւ» շքանշանով:

ԿրթութիւնԽմբագրել

  • 1979-ին աւարտած է Ե.Պ.Հ. լեզուի եւ գրականութեան հիմնարկը։

Աշխատանքային գործունէութիւնըԽմբագրել

  • 1980-1981 թուականներ - «Խորհրդային Ղարաբաղ» թերթի թղթակից։
  • 1981-1991 թուականներ - «Խորհրդային Ղարաբաղ» թերթի գլխաւոր խմբագիրի տեղակալ։
  • 1992-1993 թուականներ - Լ.Ղ.Հ. պաշտպանութեան պետական կոմիտէի քաղաքական հարցերով խորհրդական։
  • 1992-1997 թուականներ - Լ.Ղ.Հ. արտաքին գործերու նախարար։
  • 1997-2007 թվականներ - Լ.Ղ.Հ. Նախագահ։
  • 16 Մարտի 2009-ին Հ.Հ. Նախագահի հրամանագիրով նշանակուած է յատուկ յանձնարարութիւններով դեսպան[1]:
  • 2010-ին ընտրուած է «Հայաստան» համահայկական հիմնադրամի հոգաբարձուների խորհուրդի նախագահի տեղակալ։

ԿոչումներԽմբագրել

ԾանօթագրութիւններԽմբագրել