Բացել գլխավոր ցանկը

Գէորգ Պետիկեան

հայ հրապարակագիր եւ արձակագիր

Գէորգ Պետիկեան (ծնած է Հալէպ, Սուրիա 27 Յունուար, 1943-ին), հրապարակագիր, արձակագիր, Հայ լեզուի ու միտքի հանրածանօթ մշակ, երկարամեայ տնօրէն եւ դաստիարակ, հայ մամուլի ու յատկապէս «Ասպարէզ»ի աշխատակից, հայ մշակոյթի եւ հասարակական գործիչ: Հայաստանի Գրողներու Միութեան Անդամ:

Գէորգ Պետիկեան
Ծննդավայր Հալէպ
Կրօնք Առաքելական
Երկեր «Մայթերու անցորդը» պատմուածք, «Անգոյն տերեւներ» եւ «Գրադարանս» հատորները
Մասնագիտութիւն Քիմիագիտութիւն, Հայագիտութիւն
Աշխատավայր Մանկավարժ, հրապարակագիր, արձակագիր
Ամուսին Լիզա Պայրամեան Պետիկեան
Ծնողներ Դեղագործ Հրանդ եւ Ազատուհի
Երեխաներ Մեծը՝ Հրանդ - հաշուապահ,Պզտիկ տղան՝ Արամ -Chiropractor

ԿենսագրութիւնԽմբագրել

Գէորգ Պետիկեան ծնած է Հալէպ: Նախնական ուսումը ստացած է Հալէպի ազգ. «Հայկազեան» վարժարանէն ուր չորրորդ դասարանի հայերէն լեզուի ուսուցիչը եղած է Գէորգ Գանտահարեանը։ իսկ երկրորդականը՝ տեղւոյն «Քարէն Եփփէ» ազգ. ճեմարանէն, ուր եւ պաշտօնավարած է ընթացաւարտ ըլլալէ ետք: Ուսանած է քիմիագիտութիւն՝ Դամասկոսի պետական համալսարանին մէջ: 1970-ին հաստատուած է Պէյրութ եւ աւարտած տեղւոյն Սէն Ժոզէֆ համալսարանի հայագիտական բաժինը:

1975-ին ընտանիքին հետ հաստատուած է Ամերիկայի Միացեալ Նահանգներ, նախ Տիթրոյիթ եւ ապա 1980-ին՝ Կլէնտէյլ:

Դամասկոսի, Հալէպի, Պէյրութի եւ Միացեալ Նահանգներու մէջ շուրջ քառասուն տարիներ ուսուցչական իր ասպարէզին առընթեր ունեցած է նաեւ ազգային, հանրային եւ հրապարակագրական բեղուն գործունէութիւն:

  Եթէ կենսագրութիւնը մարդու մը դիմանկարն է», շարունակեց Պետիկեան, «անոր անցած ճամբան, ապա ուրեմն յոբելենական թուականները անկիւնադարձային հետեւանք ունենալով հանդերձ՝ կ՛ապահովեն նոյն այդ անհատին գոյութիւնը, յարատեւութիւնը, բարգաւաճումն ու կենսունակութիւնը:[1]
- Գէորգ Պետիկեան
 


Գէորգ Պետիկեանի մտքի պարտքըԽմբագրել

Գէորգ Պետիկեան պարզօրէն կը բնութագրէ իր տարած աշխատանքը ըսելով՝ «իմս՝ պարզապէս սրտի, խղճի եւ մտքի պարտքս է, որ կը կատարեմ։ Տղոցս միշտ ըսած եմ.- «Եթէ Լիզան կինս է, ապա գիր կամ գրականութիւնը՝ սիրուհիս։»

Հայ Մամուլի հետ աշխատակցութիւններԽմբագրել

Ան համեստ աշխատակիցն է հայ մամուլին եւ յատկապէս՝ «Ասպարէզ» օրաթերթին, Քանատայի «Հորիզոն» շաբաթաթերթին եւ Պէյրութի «Բագին» գրական պարբերաթերթին:

Կրթական պաշտօնավարութիւնԽմբագրել

1981-1997 իբրեւեւ տնօրէն եւ հայերէն լեզուի ուսուցիչ պաշտօնավարած է ՀՕՄի Փասատինայի «Սօսէ» մասնաճիւղի Շաբաթօրեայ վարժարանէն ներս: 1997էն ի վեր նոյն պաշտօնը կը վարէ ՀՕՄի Քրեսէնթա Հովիտի «Թալին» մասնաճիւղի հովանաւորած Շաբաթօրեայ վարժարանին մէջ:

ԳրականութիւնԽմբագրել

Երկեր, Պատմուածքներ, ԹատերախաղերԽմբագրել

Գէորգ Պետիկեան Ուսուցչական ասպարէզի կողքին ան միշտ զբաղած է գրականութեամբ:

  • 1997-ին հրատարակած է «Մայթերու անցորդը» պատմուածքներու անդրանիկ հատորը եւ ապա
  • 2001-ին՝ «Անգոյն տերեւներ» եւ 2004-ին՝ «Գրադարանս» հատորները:
  • Ունի անտիպ գործեր՝ «Անէծք» վէպը, ինչպէս նաեւ թատերախաղեր:
  • 2003-ին Լոս Անճելըսի մէջ քանի մը անգամներ մեծ յաջողութեամբ բեմականացուած է Գ. Պետիկեանի «Փոթորիկ՝ գաւաթ մը ջուրին մէջ» թատերախաղը:

Գէորգ Պետիկեանի «Բարեւ Հալէպ» նոր երկի գինեձօնըԽմբագրել

5 Սեպտեմբեր 2008-ին, Կլէնտէյլի հանրային գրադարանին մէջ տեղի ունեցաւ Գէորգ Պետիկեանի «Բարեւ Հալէպ» նոր երկի գինեձօնը:

Օրուան բանախօսն էր Հալէպէն այս գինեձօնին համար յատուկ ժամանած հրապարակագիր եւ գրող, մեծարեալին նախկին աշակերտուհի Պերճուհի Աւետեանը: Ան գծեց Գէորգ Պետիկեանի անհատական ուրուագիծը՝ 1968էն սկսեալ, երբ երիտասարդ հեղինակը ոտք կոխած է ուսուցչական աշխատանքի սեմը. ան պատմեց Պետիկեանի լրջութեան եւ միաժամանակ զուարթ նկարագրի, խորիմաստ թելադրանքներու եւ կատակախօսութիւններու մասին:

Մանրամասնութիւններ պատմելով Գինեձօնուած երկին մասին՝ Աւետեան ներկայացուց, թէ գիրքը կ՛ընդգրկէ 21 արձակ եւ 4 չափածոյ կտորներ, (ոչ բոլորը, բայց) մեծ մասամբ նուիրուած 40 տարի բաժանումէ ետք հեղինակին Հալէպ այցելութիւն-ուղեւորութեան՝ վերադարձին դէպի այդ պարզունակ կեանքը եւ պարզունակ բայց շատ մարդասէր բնակիչները:

Գիրքին մէջ տեղ գտած են նաեւ ամերիկեան միջավայրէն քաղուած միջադէպեր եւ մտորումներ: Նկարագրութիւններուն յուզականութիւնը խորապէս տպաւորիչ դարձուցած է գիրքին բոլոր կտորները: Աւետեան իր ելոյթը եզրափակեց, ըսելով. ««Բարեւ Հալէպ»ը ջերմացուց Սփիւռքի գրականութեան գորշ երկինքը»:

ԳԷՈՐԳ ՊԵՏԻԿԵԱՆԻ »ԴԻՄԱՏԵՏՐՍ« ԳԻՐՔԻՆ ՇՆՈՐՀԱՀԱՆԴԷՍԸԽմբագրել

19 Դեկտեմբեր, 2012-ի, երեկոյեան ժամը 7-ին, Ազգային Առաջնորդարանի »Տիգրան եւ Զարուհի Տէր Ղազարեան« սրահին մէջ, »Ասպարէզ« օրաթերթի խմբագրութեան եւ Ազգային Առաջնորդարանի Մշակութային-Դաստիրակչական Յանձնախումբին կազմակերպութեամբ, տեղի ունեցաւ ծանօթ հրապարակագիր, ուսուցիչ ու գրող Գէորգ Պետիկեանի նորագոյն գիրքին՝ »Դիմատետրս« հատորին ողջունահանդէսը: Ձեռնարկը կը վայելէր Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի հովանաւորութիւնն ու ներկայութիւնը: Ներկայ էին Կրօնական Ժողովի ու Ազգային Վարչութեան անդամներ, գրողներ, մշակոյթի գործիչներ եւ մեծ թիւով գրասէր հասարակութիւն։ Հատորին ներկայացման կողքին, կիրարկուեցաւ գեղարուեստական յայտագիր։

Առաջնորդ Սրբազանը նկատել տուաւ, որ Գէորգ Պետիկեանի ծննդավայր Հալէպը կարեւոր տեղ ունի ո՛չ միայն անոր գրականութեան մէջ, այլ նաեւ յետ-եղեռնեան մեր կեանքին մէջ, եղած է բազմաթիւ այլ հայօճախներու մայրը եւ աւիշի աղբիւրը։

Հալէպ՝ Մեր Հէքեաթային Քաղաքը

  Խօսի՛լ Հալէպի մասին, կը նշանակէ, խօսի՛լ Արեւելքի մասին։ Անմեղութեան շքեղութիւն եւ շքեղ անմեղութիւն։ Միլիոնաւոր մարդոց հին ու նոր յիշատակներու խառն բուրում։ Քաղաք մը, որուն պատերն ու ճամբաներն իսկ դեռ չպատմուած հէքեաթներ ունին։ Հոն, կարծես տպաւորիչ ու անզուգական խորհուրդ մըն ալ կայ, որ կապուած է մեր անցեալին հետ, իբրեւեւ անուշ շարական, իբրեւեւ՝ աւանդապաշտ ոգիով գրուած պարզ գիրք։[2]
- Գէորգ Պետիկեան
 


ԳԷՈՐԳ ՊԵՏԻԿԵԱՆԻ «Ես Տեսայ Անին» ԳԻՐՔԻՆ ՇՆՈՐՀԱՀԱՆԴԷՍԸԽմբագրել

Հինգշաբթի, 25 Յուլիս, 2019-ի կէսօրէ ետք ժամը 3-ին, Երեւանի «Ա. Իսահակեան»ի անուան գրադարանի սրահին մէջ տեղի ունեցաւ Ամերիկաբնակ ծանօթ գրող, մտաւորական եւ կրթական մշակ Գէորգ Պետիկեանի նոր լոյս ընծայած՝ «Ես Տեսայ Անին» հատորի շնորհանդէսը։ Ձեռնարկին, հեղինակին եւ իր կնոջ կողքին ներկայ էին Պետիկեանի Երեւանաբնակ նախկին աշակերտ-աշակերտուհիներէն շատեր, Հալէպի Ազգ. Քարէն Եփփէի ճեմարանականներ, հայրենի մտաւորականներ եւ հալէպցի ու հայրենի մշակութասէրներու հոծ բազմութիւն մը։

Պէտք է նշել, որ երեկոն նախաձեռնած էին Ա. Ի. անուան գրադարանի տնօրէնուհի՝ Յասմիկ Կարապետեանը, Բանասիրական Գիտութիւններու Դոկտոր՝ Մարգարիտա Խաչատրեանն ու ծանօթ մտաւորական Գէորգ Եազըճեան՝ միասնաբար։ Իբրեւ օրուան յայտագիր նախ Այիդա Ասատուրյան ընթերցեց հատորէն «Խոստովանանք» պատմուածքը, յետոյ յաջորդաբար խօսք առին Գէորգ Եազըճեանը, Ջուլիետա Գալստեանը, լրագրողներու միութեան անդամ՝ Մարիամ Ստեփանեանը եւ ապա Դոկտոր Խաչատրեանը։ Բոլոր խօսք առնողներն ալ հատորէն յատուկ պատմուածքներ կարդացին եւ միեւնոյն ժամանակ վեր առին Պետիկեան արեւմտահայ գրողի տաղանդն ու ոճը, անոր սահուն եւ հիւմուրոտ լեզուն, անոր կեանքն ու ցարդ հրատարակած 7 հատորներէն բխող սփիւռքահայ գրողի արժէքը։

Վերջին՝ սրտի իր խօսքով ելոյթ ունեցաւ հեղինակ Գէորգ Պետիկեան՝ մեծապէս տպաւորելով ներկաները, որմէ ետք մակագրեց իր նուիրած բոլոր հատորները։

Գէորգ Պետիկեան՝ Հայաստանի Գրողներու Միութեան ԱնդամԽմբագրել

«Ասպարէզ»ի տարիներու աշխատակից, շարք մը գիրքերու հեղինակ Գէորգ Պետիկեան 2015թ. դարձած է Հայաստանի գրողներու միութեան անդամ։

Պարգեւ՝ «Մայրենի Դեսպան»ի շքանշանԽմբագրել

17 Մայիս, 2015-ի,նախաձեռնութեամբ Ամերիկայի Խարբերդ մշակութային միութեան, իր յիսնամեայ վաստակին առ ի գնահատանք եւ երախտագիտութիւն, յատուկ հանդիսութեամբ պարգեւատրուեցաւ ՀՀ սփիւռքի նախարարութեան «Մայրենի Դեսպան»ի շքանշանով:

ՀՀ Լոս Անճելըսի գլխաւոր հիւպատոսութեան ներկայացուցիչ Վալերի Մկրտումեան իր կարգին, նախ բեմ հրաւիրեց յոբելեար Գէորգ Պետիկեանը եւ ապա իր սրտի խօսքով շեշտեց հայ մշակոյթի արժէքն ու անոր անհրաժեշտութիւնն ու էականութիւնը մեր ժողովուրդի կեանքին մէջ: Մկրտումեան նաեւ մեծապէս գնահատեց հայ մշակոյթի սպասարկու եւ խնկարկու Պետիկեանի խոնջէնքը եւ յատկապէս անոր հայ գրողի, մտաւորականի եւ հայ ուսուցիչի վաստակը, ապա սրահի խանդավառ մթնոլորտին եւ ծափողջոյններու տարափին մէջ, անոր կուրծքը զարդարեց ՀՀ սփիւռքի նախարարութեան «Մայրենի Դեսպան»ի շքանշանով՝ ընթերցելէ ետք անոր համապատասխան վկայագիրը:

  «Շնորհուած այս շքանշանը մեծարանք ըլլալէ աւելի պատգամ ալ է», ըսաւ Պետիկեան, եւ աւելցուց, թէ «հպարտանք ըլլալէ աւելի, նաեւ միտքին նոր հոսք եւ ներշնչում առաքող մըն ալ է»:[1]
- Գէորգ Պետիկեան
 


Ձեռնարկին, Վաչէ արք. Յովսէփեանի կողքին, ներկայ էին նաեւ թեմակալ երկու առաջնորդներու ներկայացուցիչները, ՀՀ Լոս Անճելըսի գլխաւոր հիւպատոսի ներկայացուցիչ Վալերի Մկրտումեան, Լոս Անճելըսի քաղաքապետական խորհուրդի անդամ Փօլ Գրիգորեան, Կլենտէյլի քաղաքապետ Արա Նաճարեան, հայ մամուլի ներկայացուցիչներ, Մաշտոց քոլեճի հիմնադիր-տնօրէն դոկտ. Կարպիս Տէր Եղիայեան, գաղութիս Համազգայինի ինչպէս նաեւ Մարաշի, Պէյլանի, Այնթապի եւ Հաճընի հայրենակցական, մշակութային միութիւններու, նաեւ ՀՕՄի ներկայացուցիչներ եւ Պետիկեանի ընտանեկան պարագաներն ու ազգականները, Հալէպի ճեմարանական անոր ընկերներն ու աշակերտ-աշակերտուհիները, շրջանէն մտաւորականներ, անոր դասընկերները, վարժարաններու ուսուցիչներն ու ուսուցչուհիները եւ շուրջ 250 հիւրեր եւ մշակութասէրներ:

ԳնահատագիրերԽմբագրել

17 Մայիս, 2015-ի, Գէորգ Պետիկեանի յիսնամեայ վաստակին առ ի գնահատանք եւ երախտագիտութիւն, Լոս Անճելըսի քաղաքապետութեան անդամ Փօլ Գրիգորեան նախ արտասանեց իր սրտի խօսքը՝ վեր առնելով Խարբերդն ու Պետիկեան խարբերդցիին արժանիքները, ապա անձամբ կարգով յանձնեց հետեւեալ գնահատագրերը՝

  • S.S. House of Representative Adam B. Schiff-էն
  • County of Los Angeles 5 Supervisors-ներու ստորագրութեամբ,
  • Board of Supervisors County of Los Angeles Michael D. Antonovich-էն,
  • City of Los Angeles-Paul Krikorian-էն,
  • California State Senate-Carol Sue-էն,
  • California Legislature, Assembly, Khatchik H. Katcho Achadjian-էն
  • California Legislature, Assembly, Make Gatto-էն
  • Mashdots College Lifetime Achievement Award, Garbis Der Yeghiayan, PhD-էն,
  • City of Glendale, Mayor Ara Najarian-էն։ Այս վերջինը՝ Կլենտէյլի քաղաքապետ Արա Նաճարեան իր սրտի խօսքէն ետք անձամբ յանձնեց:

ԱղբիւրներԽմբագրել

ՊատկերասրահԽմբագրել

Ծան0թագրութիւններԽմբագրել

Արտաքին յղումներԽմբագրել