Եոաքիմ Կաուք

Եոաքիմ Կաուք (24 Յունուար 1940(1940-01-24)[1][2][3][…], Ռոսթոք, Mecklenburg, Նացիական Գերմանիա, Գերմանական ռայխ[4][5]), գերմանացի քաղաքական գործիչ, գրող եւ լրագրող։ 2012-էն 2017 Գերմանիոյ նախագահ։

Եոաքիմ Կաուք
գերմաներէն՝ Joachim Gauck
2012-06-05 Bundespraesident Joachim Gauck Berlin.jpg
Ծնած է 24 Յունուար 1940(1940-01-24)[1][2][3][…] (82 տարեկան)
Ծննդավայր Ռոսթոք, Mecklenburg, Նացիական Գերմանիա, Գերմանական ռայխ[4][5]
Քաղաքացիութիւն Flag of Germany.svg Գերմանիա
Մայրենի լեզու գերմաներէն
Կրօնք Լուտերականութիւն
Ուսումնավայր Ռոսթոքի Համալսարան
Մասնագիտութիւն քաղաքական գործիչ, Պատուելի, ոչ գեղարվեստական գրող, համալսարանի դասախօս, լրագրող
Վարած պաշտօններ Գերմանիայի նախագահ?[5][6], Federal Commissioner for the Stasi Records?, Գերմանական Բունդեսթագի անդամ?[2] եւ ԳԴՀ Ժողովրդային պալատի անդամ?[7]
Կուսակցութիւն Նոր ֆորում?
Ամուսին Գերհիլդ Գաուկ?
Ծնողներ հայր՝ Վիլհելմ Յոախիմ Գաուկ?, մայր՝ Օլգա Գաուկ?
Ստորագրութիւն
Joachim Gaucks signature.svg

ԿենսագրութիւնԽմբագրել

Եոաքիմ ծնած է 1940-ին Արեւելեան Գերմանիոյ Ռոսթոք քաղաքին մէջ, Նացի ծնողքէ: Հայրը` նաւապետ, համայնավար իշխանութեան օրօք իր քով արեւմտեան նաւային ամսաթերթ մը ունենալուն պատճառով 3 տարի Սիպերիա աքսորուած է (երբ Եոաքիմ 11 տարեկան էր), եւ ենթարկուած չարչարանքի, որուն հետեւանքով անկարող դարձած է: Այս պատճառով Եոաքիմ դարձած է բուռն հակահամայնավար:

Ուսանած է կրօնի ճիւղը, հակառակ անոր որ փափաքած է լրագրութիւն ուսանիլ, սակայն հակահամայնավար ըլլալուն համար անոր արգիլուած է, ուստի դարձած է բողոքական լուտերական հովիւ Մեքլենպուրկի մէջ: Ան միեւնոյն ժամանակ եղած է քաղաքական գործիչ, ոչ գեղարուեստական գրող, լրագրող, փրոֆեսէօր եւ ուսուցանող:

Եղած է 1989-ի հակահամայնավար «Նիւ Ֆորում» շարժումին համանախագահներէն, ջատագովը խաղաղ յեղափոխութեան` տապալելու համար համայնավար վարչակարգը: 1990-ին, Գերմանիոյ վերամիացումէն ետք, ընտրուած է խորհրդարանի անդամ, սակայն անմիջապէս հրաժարած է, երբ խորհրդարանը զինք նշանակած է համայնավար շրջանի տխրահռչակ գաղտնի սպասարկութեան` «Սթազի»-ի արխիւներուն վերակացու` դաշնութեան մարդու իրաւանց մասնայատուկ յանձնակատար, որ վարած է մինչեւ 2000` բացայայտած է անոնց կատարած անմարդկային արարքները:

Նախագահութեան տարիներԽմբագրել

2012-ին ձայներու մեծ առաւելութեամբ ընտրուած է Գերմանիոյ նախագահ, որ վարած է մինչեւ 2017` մերժելով վերընտրուիլ: Ան կոչ ուղղած է` աւելցնելու Եւրոպայի մէջ համայնավարութեան յանցագործութիւններուն մասին գիտակցութիւնը, ինչպէս նաեւ, խորհրդային ժամանակաշրջանը անվաւեր` ապօրինի հռչակելու անհրաժեշտութեան մասին[8]:

Իբրեւ նախագահ, ան «գիտակից հակահամայնավարութեան» կողմնակից եղած է, եւ շեշտած՝ Արեւելեան Գերմանիոյ համայնավար կառավարման հակաօրինական ըլլալը:

ՀրատարակութիւններԽմբագրել

Համահեղինակն է շարք մը գիրքերու, ներառեալ «Համայնավարութեան սեւ գիրքը»-ին:

Իր 2012-ի «Ազատութիւն` պահանջք մը» գիրքով, կոչ ուղղած է աշխարհի տարածքին պաշտպանելու ազատութիւնը եւ մարդու իրաւունքները:

ԲնորոշումներԽմբագրել

  • Գերմանիոյ վարչապետ Անկելա Մերքել զայն կոչած է «Ժողովրդավարութեան իսկական ուսուցիչ» մը եւ «Ազատութեան, ժողովրդավարութեան եւ արդարութեան անխոնջ` չյոգնող ջատագովը»:
  • «Ուոլ սթրիթ ճըրնըլ»-ը զայն որակած է իբրեւ «իր տեսակին վերջինը` բողոքի շարժումներու առաջնորդներ «Երկաթէ վարագոյրի» ետին, որոնք 1989-էն ետք իրենց երկիրները ղեկավարեցին»:

ՄրցանակներԽմբագրել

Ան արժանացած է ազգային եւ միջազգային շարք մը (36) մրցանակներու,  ներառեալ 1997-ին «Հաննա Արտենթ մրցանակ»-ին (Hannah Arendt Prize), որ միջազգային դատական կազմի մը կողմէ կը տրուի քաղաքական տեսագէտներուն:

Ցեղասպանութիւնը եւ ԿաուքըԽմբագրել

Հայոց ցեղասպանութեան 100-ամեակին առիթով 23 ապրիլ 2015-ին Գերմանիոյ նախագահ Եոաքիմ Կաուք Պերլինի մայր տաճարին մէջ, միջեկեղեցական, ոչ յարանուանական կրօնական արարողութեան աւարտին ունեցած ելոյթով «Ցեղասպանութիւն»[9] կոչեց Օսմանեան պետութեան ջարդերը` հայերուն:

Գերմանիոյ խորհրդարանը 2 Յունիս 2016-ին գրեթէ միաձայնութեամբ` միայն մէկ դէմ եւ մէկ ձեռնպահ, ընդունած է օսմանեան շրջանին հայերուն ջարդերը` իբրեւ ցեղասպանութիւն[8]։

ԾանօթագրութիւններԽմբագրել

  1. 1,0 1,1 Person Profile // Internet Movie Database — 1990.
  2. 2,0 2,1 2,2 Stammdaten aller Abgeordneten des Deutschen Bundestages
  3. 3,0 3,1 Discogs — 2000.
  4. 4,0 4,1 4,2 Գերմանիոյ Ազգային Գրադարան, Պերլինի Պետական Գրադարան, Պաւարիոյ Պետական Գրադարան եւ ուրիշներ Record #119323710 // Gemeinsame Normdatei — 2012—2016.
  5. 5,0 5,1 5,2 5,3 Bundespräsident Joachim GauckBPrA.
  6. Joachim GauckBT, 1996.
  7. http://volkparl.bundestag.de/G/gauck-joachim/ — 1996.
  8. 8,0 8,1 «Հայոց Ցեղասպանութեան 100-ամեակը Եւ Գերմանիոյ Նախագահը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2020-04-24։ արտագրուած է՝ 2020-06-12 
  9. «Գերմանիոյ Նախագահը Ճանչցաւ Հայոց Ցեղասպանութիւնը»։ Asbarez - Armenian (en-US)։ 2015-04-23։ արտագրուած է՝ 2020-06-12