Եսայի Կարապետեան
Կարապետեան (Գըրմըզգոլանյան) Եսայի, արեւմտահայ բժիշկ, ծնած է 1894 թուականին, Եդեսիոյ նահանգի կեդրոն՝ Եդեսիա քաղաքին մէջ։
 | |
|---|---|
|
Պատկեր:Հայ բժիշկներ.jpg | |
| Ծնած է | 1894 |
| Ծննդավայր | Եդեսիա |
| Քաղաքացիութիւն |
.svg){kind=small} Օսմանեան Կայսրութիւն |
| Կրօնք | քրիստոնէութիւն |
| Մասնագիտութիւն | բժիշկ |
Կենսագրութիւնը
ԽմբագրելԾնած է 1894 թուականին Եդեսիոյ նահանգի կեդրոն՝ Եդեսիա քաղաքին մէջ։ 1908 թուականին Օսմանեան սահմանադրութեան վերահաստատումէն յետոյ, բազմաթիւ եդեսահայ երիտասարդներու հետ միասին, մեկնած է Կ.Պոլիս` կրթութիւն ստանալու։ 1908-15 թուականներուն ուսանած է Կ.Պոլսոյ Օսմանեան կայսերական բժշկական վարժարանէն ներս։ 1915 թուականին՝ Առաջին աշխարհամարտի ժամանակ, զօրակոչուած է Օսմանեան բանակ եւ ծառայած՝ որպէս զինուորական բժիշկ։ 1918 թուականին, պատերազմն աւարտվելուն պէս, աճապարած է Կ.Պոլսէն հեռանալու դէպի իր ծննդավայրը` Եդեսիա։ Ճամաբորդութեան ընթացքին այցելած է Ատանա, ուր Ազգային միութիւնը եւ ընկերները նրան յորդորած են Հաճըն երթալ։ Անսալով յորդորներուն, մեկնած է Հաճըն՝ բժիշկ աշխատելու։
Սպանութիւնը
ԽմբագրելԿիլիկիոյ քեմալական շարժումներու ընթացքին Հաճընը լքուած ու մեկուսացած մնացած էր։ 1920 թուականի Մարտին, Հաճընը շրջապատուելով քեմալական զօրքերով, կտրուած է արտաքին աշխարհէն։ Չստանալով Ֆրանսայէն ակնկալած օգնութիւնը, հաճընցիները դիմած են ինքնապաշտպանութեան ու հերոսաբար կռուած իրենց ազատութեան համար։ Այդ հերոսամարտի ընթացքին՝ բժիշկը, անգնահատելի ծառայուիւններ մատուցած է հաճընցիներուն։ 1920 թուականին նահատակուած է Հաճընի ինքնապաշտպանական կռիւներու ընթացքին։ 1920 թուականի Հոկտեմբեր 15-ին թուրքերը ներխուժած են քաղաք եւ կոտորած են անզէն բնակիչները։ Փրկուած հաճընցիները տարագրուած ու բնակութիւն հաստատած են տարբեր երկրներու մէջ, ինչպէս նաեւ՝ Խորհրդային Հայաստանի մէջ։