Բացել գլխավոր ցանկը

Ժինէթ Նըւէօ (ֆր.՝ Ginette Neveu, 11 Օգոստոս 1919(1919-08-11)[1][2][3][4][5][6], Փարիզ28 Հոկտեմբեր 1949(1949-10-28)[1][2][3][5][6], Ազորյան կղզիներ), յայտնի ֆրանսացի ջութակահար։

Ժինէթ Նըւէօ
Բնօրինակ անուն ֆր.՝ Ginette Neveu
Ծնած է 11 Օգոստոս 1919(1919-08-11)[1][2][3][4][5][6]
Փարիզ, Ֆրանսա
Երկիր Flag of France.svg Ֆրանսա
Մահացած է 28 Հոկտեմբեր 1949(1949-10-28)[1][2][3][5][6] (30 տարեկանում)
Ազորյան կղզիներ, Պորտուգալիա
Մասնագիտութիւն ջութակահար
Գործիքներ ջութակ
Շրջանաւարտ Փարիզի երաժշտության ու պարի բարձրագույն դպրոց

ԿենսագրութիւնԽմբագրել

Նըւէօ ծնած է երաժշտական ընտանիքի մէջ եւ ջութակի առաջին դասերը ստացած է մօրմէ։ Ան առաջին համերգը տուած է Փարիզի Գաբրիէլ Փիեռնէի նուագախումբին հետ երբ եօթը տարեկան էր։ 11 տարեկան հասակին աւարտելով Փարիզի երաժշտանոցը Ժինէթ Նըւէօ կը շարունակէ կատարելագործել իր վարպետութիւնը, սկիզբը՝ Ճորճէ Էնեսքուի, ապա՝ Քարլ Ֆլէշի մօտ։ 1935 թուականին Վենիաւսքիի անուան ջութակահարներու մրցոյթին յաղթելով (Տաւիտ Օյսթրախին երկրորդ տեղը ձգելով) Նըւէօ միջազգային համբաւ ձեռք կը բերէ[7]։ Այդ օրուընէ կը սկսի անոր մենահամերգներու շրջանը։ Մեծ յաջողութեամբ կ՛անցնին Լեհաստանի, Գերմանիոյ (1935), Խորհրդային Միութեան մէջ (1936), ԱՄՆ-ի եւ Քանատայի (1937) մենահամերգները։ Երկրորդ համաշխարհային պատերազմի սկզիբը խանգարեց այս համերգաշարը, սակայն արդէն 1945 թուականին ան ելոյթ ունեցաւ Լոնտոնի մէջ։ Երկու տարի անց Նըւէօ ելոյթներ ունեցաւ ԱՄՆ-ի եւ Հարաւային Ամերիկայի մէջ։ 1949 թուականի հոկտեմբեր 28-ին Փարիզէն ԱՄՆ թռիչքի ժամանակ օդանաւը, որով կը թռէին Ժինէթ Նըւէօ եւ իր եղբայրը Ազորեան կղզիներու մօտ ենթարկուեցաւ վթարի[8]։ 48 ուղեւորներէն ոչ ոք փրկուեցաւ։

Ժինէթ Նըւէօյի կատարողական արուեստը առանձնացած է ոճի սուր զգացումով եւ վիրթուոզութեամբ։ Չնայած կարճ ստեղծագործական կեանքին, երաժշտական քննադատները զայն ընդունած են որպէս իր ժամանակի լաւագոյն կատարողներէն մէկը։

ԾանօթագրութիւններԽմբագրել

ԳրականութիւնԽմբագրել

  • M.-J. Ronze-Neveu։ Ginette Neveu. - Paris, 1952