Խաչիկ Ճանոյեան

Խաչիկ Ճանոյեան (Ծնած է Մուսուլ, Իրաք): Համայնքային գործիչ, խմբագիր, Լոս Անճելըսի Իրաքահայերու միութեան ատենապետ եւ հիմնադիրներէն մէկը: Հիմնադիր եւ ղեկավար Հայ Ընտանեկան Շաբաթօրեայ վարժարանին:

Խաչիկ Ճանոյեան
Ծննդավայր	Մուսուլ, Իրաք
Ազգութիւն	Հայ
Կարողութիւն	Լոս Անճելըսի Իրաքահայերու միութեան ատենապետ
Մասնագիտութիւն	Լեզուագիտութիւն՝ Սպաներէն, Հայագիտութիւն:
Աշխատավայր	Ուսուցիչ, Ղեկավար Հայ Ընտանեկան Շաբաթօրեայ վարժարանին
Երեխաներ	երեք զաւակ եւ հինգ թոռնիկ:

Կենսագրութիւն

Խաչիկ Ճանոյեան շատ փոքր տարիքէն կը կորսնցնէ մայրն ու հայրը: 1956-ին կը տեղափոխուի Պաղտատ, Իրաք: 1966-ին կ՛աւարտէ Պաղտատի պետական համալսարանը, վկայուելով լեզուագիտական Քոլէճի սպաներէնի բաժինէն:

Պաղտատի մէջ եղած է գործօն անդամ ՀԲԸՄ-ի:

1968-ին անցնելով Պէյրութ, Լիբանան հայագիտական ուսումը կը ստանայ Երուանդ Հիւսիսեան հայագիտական հիմնարկէն եւ նոյն տարիներուն:

1972-ին կը վերադառնայ Պաղտատ, որպէս հայերէնի ուսուցիչ:

1973-ին կ՛անցնի Արժանթին, ուր կը վարէ ՀԲԸՄ-ի Պուէնոս Այրեսի մասնաճիւղի վարիչ քարտուղարի պաշտօնը:

1975-էն ի վեր կ՛ապրի եւ կը գործէ Լոս Անճելըսի մէջ:

35 տարի շարունակ հիմնած եւ ղեկավարած է անվճար Հայ Ընտանեկան Շաբաթօրեայ վարժարանը:

1979թ. ապրիլին հիմնուեցաւ Իրաքահայերու միութիւնը Լոս Անճելըսի մէջ։ Միութեան գլխաւոր նպատակն էր, եւ մինչեւ այսօր կը գործէ նոյն համոզումով, ծառայել հայ ժողովուրդին ուր որ կարիքը կայ. մեր նիւթական եւ բարոյական միջոցներով: Որովհետեւ մենք խորապէս կը հաւատանք, որ հայկական միութիւնները կեանքի կը կոչուին եւ իրենց կեանքը կիմաստաւորեն ծառայութիւններ մատուցանելով: Այսպէս, 1979թ. ի վեր մինչեւ այսօր միութիւնը կե պահէ ԱՆՎՃԱՐ շաբաթօրեայ վարժարան մը: 38 տարիներու ընթացքին 1600-է աւելի փոքրիկներ մեր դպրոցը յաճախած են եւ հայերէն լեզու, երգ, պար, եւ ասմունք սորված են: - Խաչիկ Ճանոյեան

Մեծապէս նպաստած է գաղութահայ մշակութային եւ գրական կեանքին: Ամուսնացած է, ունի երեք զաւակ եւ հինգ թոռնիկ:

Լոս Անճելըսի Իրաքահայերու միութիւն

Խաչիկ Ճանոյեան, հիմնադիրներէն է եւ ատենապետը 1979-ին հաստատուած Իրաքահայերու միութեանը:

Պատուագիր

2010-ին, Խաչիկ Ճանոյեան՝ Լոս Անճելըսի Իրաքահայերու միութեան ատենապետ յատուկ պատուագիր մը կը ստանայ Հայաստանի կառավարութեան սփիւռքի նախարարութենէն, անոր եւ միութեան հայրենաշէն գործունէութեան եւ Հայաստան-Սփիւռք կապերը ամրապնդելուն համար:

Ան նաեւ արժանացած է շարք մը այլ գնահատագիրներու:

Պատուոյ քաղաքացիութիւն

1996-ին, Հայաստանի իշխանութիւնները, Խաչիկ Ճանոյեանի 60րդ տարեդարձին առիթով, անոր շնորհած են Հայաստանի պատուոյ քաղաքացիութիւն:

Անդամակցութիւն

1969էն ի վեր անդամակցած է ՌԱԿին: Ան նաեւ անդամ է ՀԲԸՄին: Խաչիկ շատ գործօն տարր մըն է Լոս Անճելըսի մէջ։ ՀԲԸՄ-էն, ԹՄՄ-էն եւ ՌԱԿ-էն ներս տարած է եւ կը տանի բազմաբեղուն աշխատանք:

Ուսուցչական ասպարէզ

1968-ական տարիներուն, Խաչիկ Ճանոյեան Պէյրութ, Լիբանանի մէջ կը զբաղի ուսուցչութեամբ: Խաչիկ Ճանոյեան եղած է ՀԲԸՄ վարժարաններուն մէջ ուսուցիչ ու հայկական բաժնի պատասխանատու: Ան ատենապետն է «Թէքէեան»ի Հայ ընտանեկան միութեան Շաբաթօրեայ վարժարանի հոգաբարձութեան

1972-ին, Պաղտատին մէջ կը պաշտօնավարէ որպէս հայերէնի ուսուցիչ:

1973-ին, Խաչիկ Ճանոյեան մաս կը կազմէ Արժանթինի Մարի Մանուկեան վարժարանի հիմնադրմանը դառնալով անոր հիմնադիրներէն մէկը:

Խրճիթներէն Մինչեւ բազմայարկ շէնքեր Արժանթինահայ վարժարաններուն ծագումն ու զարգացումը Վարդան Մատթէոսեան

Տարիներով պարապ մնացած եռայարկ դպրոցաշէնքը հիմք դարձաւ, որ 1973-ին Ռամկավար Ազատական Կուսակցութեան Հարաւային Ամերիկայի շրջանակը իր գործունէութեան օրակարգի նիւթ դարձնէր «Բարեգործականի միջոցաւ ամէնօրեայ դպրոց մը բանալու հարցը», ինչպէս վկայած է ՀԲԸՄի օրուան վարիչ քարտուղար Խաչիկ Ճանոյեանը: Նիւթական ու կազմակերպական մտահոգութիւններով ընդդիմացող շրջանակին առարկութիւնները յաղթահարելէ ու կազմակերպական անհրաժեշտ աշխատանքներէ ետք, Մարտ 1975-ին իր դռները բացաւ ՀԲԸՄի Մարի Մանուկեան Կրթական Հաստատութիւնը՝ երկրորդական բաժնով, որուն յետագային կցուեցան մանկապարտէզի եւ նախակրթարանի բաժինները: Այսպէսով Պուէնոս Այրեսի համայնքը ունեցաւ երկու՝ նոյն փողոցին վրայ ու դէմ դիմաց գտնուող հայկական ամբողջօրեայ վարժարաններ: - ՀԲԸՄի օրուան վարիչ քարտուղար Խաչիկ Ճանոյեան

Խմբագրական աշխատակցութիւններ

Խաչիկ Ճանոյեան խմբագրած է Հարաւային Ամերիկայի, Պուէնոս Այրեսի ՀԲԸՄ միութեան եռամսեայ «Լուսաբաց» պաշտօնաթերթը: Ան կ՛աշխատակցի «Նոր Օր» եւ «Նոր Կեանք» թերթերուն: Ան եղած է «Նոր Օր»ի վարչական պատասխանատու, խմբագիրի օգնական եւ խմբագրական կազմերու անդամ:

«Հայաստան» համահայկական հիմնարկ

Խաչիկ Ճանոյեան մաս կը կազմէ «Հայաստան» համահայկական հիմնարկին:

1979-ին հաստատուած Լոս Անճելըսի Իրաքահայերու միութիւնը, ղեկավարութեամբ Խաչիկ Ճանոյեանի, միշտ օժանդակութեան ձեռք երկարած է Հայաստանին, ներառեալ ՀՀ Սփիւռքի նախարարութեան «Արի տուն» ծրագիրին:

Աղբիւրներ

• Խրճիթներէն Մինչեւ բազմայարկ շէնքեր Արժանթինահայ վարժարաններուն ծագումն ու զարգացումը Վարդան Մատթէոսեան էջ 305 Archived 2019-04-07 at the Wayback Machine.
• Ներգաղթի մեծ աշխատանքը փոքր գաղափարներէ եւ աշխատանքներէ կրնայ ծնունդ առնել եւ պտուղներ տալ Archived 2017-07-26 at the Wayback Machine.
• Խաչիկ Ճանոյեան Կը Պարգեւատրուի Archived 2019-04-07 at the Wayback Machine.
• Խաչիկ Ճանոյեան Archived 2017-10-28 at the Wayback Machine.
• Երեխաներու Հիմնադրամի Տարեկան 17-րդ Թելեթոնը
• ՍՈՒՐԻՈՅ ՀԱՅՈՒԹԵԱՆ ԳՈՐԾՆԱՊԷՍ ՆՊԱՍՏԵԼՈՒ ՀԱՄԱՐ Archived 2019-04-07 at the Wayback Machine.
• Իրաքի Հայերը Գիտաժողով Conference on Armenians of Iraq Խաչիկ Ճանոյեան, «Իրաքահայերը Մ. Նահանգներու մէջ»