Կաթնապուր

Կաթնապուր, ապուրի տեսակ։

Կաթնապուր
Ենթատեսակ	ապուր
Բաղադրամասեր
Հիմնական	կաթ

Բաղադրիչներ

Կաթնապուրի պատրաստութեան համար անհրաժեշտ են՝ եգիպտական բրինձ գաւաթ կաթ, գաւաթ շաքար, եգիպտացորենի ալիւր, վանիլլա, փոշի կասիա, Հալէպի պիստակ` զարդարանքի համար։

Պատրաստութեան եղանակ

Կաթնապուրին հիմնական բաղադրիչները կարելի է ըսել բրինձն ու կաթն են, շաքարը՝ անհրաժեշտ, իսկ վանիլն ու ծաղիկի ջուրը՝ երկրորդական, ըստ նախընտրութեան:

Նախ բրինձը լուալ, կաթսայի մէջ փոխադրել եւ ջուրին մէջ եփել, մինչեւ որ կիսով չափ փափկանայ ու ջուրը քաշուի:

Բրինձին աւելցնել կաթը եւ թեթեւ կրակի վրայ եփել, մինչեւ որ ամբողջութեամբ փափկանայ: Եփի ժամանակ խառնուրդը մերթընդմերթ խառնել, որպէսզի կաթսային յատակին չփակչի:

Քիչ մը ջուրի մէջ լուծել եգիպտացորենի ալիւրը, աւելցնել խառնուրդին. վերջապէս, աւելցնել վանիլլան եւ շաքարը եւ քիչ-քիչ խառնել, մինչեւ որ խառնուրդը թանձրանայ:

Լեցնել փոս ամաններու մէջ եւ սպասել, որ քիչ մը պաղի: Մատուցելու ժամանակ երեսը զարդարել փոշի կասիայով եւ պիստակով:

Հայկական սովորութիւններ

• Անցեալին Համբարձման օրը բոլոր տուներուն մէջ առտու կանուխ կաթնապուր կ'եփէին: Ոմանք կաթնապուրի կաթսային տակ վառող կրակին մէջ կ'այրէին եօթը աղօթքով հանգուցուած ձեռքի կապը:
• Հայաստանի որոշ շրջաններու մէջ կաթնապուրը կ'եփէին խմբովի` արտերուն մէջ եւ քանի մը շերեփ կաթնապուր կը թափէին արտերուն շուրջը` բերքի առատութիւն ապահովելու եւ արտը կարկուտէն ու վնասակար միջատներէն պաշտպանելու համար:
• Համբարձման օրուան կաթնապուրը մատաղ էր. անիկա կը բաժնուէր առնուազն եօթը տուն:
• Կարգ մը ընտանիքներ Զատիկէն մինչեւ Համբարձում կաթնապուր չէին ուտեր, որպէսզի կովերուն կաթը չպակսէր, իսկ Համբարձման օրը առաջին անգամ եփուող կաթնապուրը յատուկ հանդիսութեամբ կ'ուտուէր: