Ուիքիփետիա

Համպուրկի Միջազգային Ծովային Թանգարան

Համպուրկի Միջազգային Ծովային Թանգարան (գերմաներէն՝ Internationales Maritimes Museum Hamburg), մասնաւոր թանգարան Գերմանիոյ Համպուրկ քաղաքի ՀաֆէնՍիթի շրջանը: Թանգարանին մէջ կը գտնուի Փիթր Թամի նաւերու հաւաքածոն, շինարարական ծրագիրներ, համազգեստներ եւ ծովային արուեստի նմուշներ, որոնք կը կազմեն աւելի քան 40000 գործ եւ աւելի քան մէկ միլիոն լուսանկար: Թանգարանը բացուած է 2008-ին, նախկին պահեստի տեղը:

Համպուրկի Միջազգային Ծովային Թանգարան
Տեսակ ծովային թանգարան?
Երկիր Գերմանիա Գերմանիա
Տեղագրութիւն Համպուրկ
Վայր ՀաֆենՍիթի?
Նստավայր Kaispeicher B, Համբուրգ Միտտե, Համպուրկ, Գերմանիա
Հասցէ Koreastraße 1, Kaispeicher B, 20457 Hamburg[1]
Հիմնադրուած է 25 Յունիս 2008
53°32′36″N 10°00′00″E / 53.543344°N 10°E / 53.543344; 10
Կայքէջ imm-hamburg.de
Քարտէս
Քարտէս

Պատմութիւն Խմբագրել

 
Փիթր Թամ
 
Առաջին նաւու նախատիպը

Թանգարանին սեփական հաւաքածոն սկսած է հաւաքել Axel Springer SE տպագրական ընկերութեան խորհուրդի նախկին նախագահ Փիթր Թամը 1934, երբ ընդամէնը վեց տարեկան էր[2][3]: Ինչպէս Թամ պատմած է, թանգարանի ստեղծման նախնական պատմութիւնը սկսած է, երբ մայրը իրեն նուիրած է առաջին նմոյշը[4]: Նախքան ՀաֆէնՍիթի շրջանին բացումը, հաւաքածոն կոչուած է «Wissenschaftliches Institut für Schifffahrts- und Marinegeschichte» (Առեւտրական նաւերու եւ ռազմածովային պատմութեան ակադեմիական ինստիտուտ)՝ տեղակայուած Էլպշոսէ փողոցին մէջ գտնուող առանձնատան մէջ եւ այցելուներուն համար բաց եղած է միայն նախօրօք պայմանաւորուելով[5]: 2004-ին Համպուրկի խորհրդարանը ընդունեց ՀաֆէնՍիթի շրջանին մէջ նոր թանգարան ունենալու դրամաշնորհը[4]: 25 Յունիս 2008-ին Գերմանիոյ նախագահ Հորստ Քէօլերը կատարեց թանգարանին բացումը[6]:

Ճարտարապետութիւն Խմբագրել

Kaispeicher B (նաւամատոյց B) Համպուրկի ամենայայտնի պահեստը, որ 1878 եւ 1879 թուականներուն կառուցած են ճարտարապետներ Պեռնհարտ Գէորգ Յակոբ Հանսենը եւ Վիլհելմ Էմիլ Միրուայնը: Այն կառուցուած է փայտի եւ պողպատէ սիւներու օժանդակ կառուցուածքով, աղիւսներու արտաքին պատերով: Շէնքը նախագծուած է նոր կոթական ոճով եւ օգտագործուած է իբրեւ հացահատիկներու մեքենայացուած շտեմարան եւ փաթեթաւորուած ապրանքներու պահեստ: 1890-ին Համպուրկի քաղաքը գնած է պահեստը եւ զայն անուանած է Kaispeicher B: 2000-ին շէնքը ընդգրկուած է մշակութային ժառանգութեան ցանկին մէջ, սակայն մինչեւ 2003-ի վերջ օգտագործուած է իբրեւ ապրանքներու պահեստ[7]: 2008-ին տեղի կ՛ունենայ վերանորոգուած թանգարանին վերաբացումը: Միրիանա Մարկովիչը (MRLV Architekten) նախագծած է վերանորոգումը եւ Architekten- und Ingenieurverein Hamburg-ի կողմէ արժանացած մրցանակի:

Ներքին յարդարանքներ, հաւաքածոյ Խմբագրել

 
Թանգարանի ներսէն վերանորոգուած՝ նախքան 2008-ի բացումը

Թանգարանին հաւաքածոն կը ներառէ Փիթր Թամի անձնական հաւաքածոյէն նմուշներ։ Այն մամուլին կողմէ խիստ քննադատութեան արժանացած է Ատլանտեան ովկիանոսի համար ճակատամարտի, Ատլանտիկայի ճակատամարտի եւ Երկրորդ Համաշխարհային Պատերազմի ընթացքին Գերմանիոյ գաղութային պատմութեան հանդէպ պատմական իրազեկութեան պակասին համար[2][4][5][6][8][9][10][11][12]: Որոշ քննադատներ աւելի ուշ փոխեցին իրենց կարծիքը[13]:

Թանգարանին մէջ շրջագայութիւնը կը սկսի Էլպա գետին մէջ յայտնաբերուած 3000-ամեայ մակոյկով[12]: Նաեւ կը ցուցադրուի 1946-ին Berliner Zeitung թերթին մէջ Նիւրենպերկեան դատավարութեան մասին յօդուածին մէջ տպագրուած Ատմիրալ Քարլ Տէօնիցի (1891-1945) մարշալական մականը: Յոդուածը կը նկարագրէ նացիական պատերազմի յանցագործներուն դէմ դատավճիռները:

Ցուցադրութիւնը կը ներառէ նաեւ ծովային կամ ռազմածովային թեմաներ, կէտերու փղոսկրէ պատրաստուած նաւերու նմոյշներ, զէնքեր, համազգեստներ եւ զարդարանքներ[12]: Կը ցուցադրուի նաեւ Ճէյմս Քէյրտի ուղեւորութեան վերարտադրութիւնը[14][15]: Թանգարանին արխիւը կը ներառէ նաեւ Տրաֆալկարի ճակատամարտին իր յաղթանակով հանրածանօթ Հորացիոյ Նելսոնի 47 բնօրինակ նամակները[12]:

12000 մ 2 տարածութեան վրայ ներկայացուած 36000 նմուշներէ բաղկացած հաւաքածոն ունի հետեւյալ բաժանումները[2][8]՝

  • 10-րդ յարկ՝ «10-րդ երկայնություն» մշակութային ֆորում, հատուկ ցուցահանդեսներ
  • 9-րդ յարկ՝ նաւերու նմոյշներու մեծ աշխարհը, ջրային մարզաձեւեր
  • 8-րդ յարկ՝ ծովային արուեստ (պատկերասրահ եւ «գանձարան»)
  • 7-րդ յարկ՝ ծովային հետազօտութիւններ եւ ձկնորսութիւն
  • 6-րդ յարկ՝ առեւտրային նաւեր, նաւարկութիւններ եւ նաւահանգիստներ
  • 5-րդ յարկ՝ աշխարհի ռազմածովային նաւատորմերը (սկսած 1815-էն)
  • 4-րդ յարկ՝ կեանքը նաւատորմին մէջ, նաւերու սպառազինութիւն
  • 3-րդ յարկ՝ նաւաշինութեան եւ ճարտարագիտութեան բարելաւում
  • 2-րդ յարկ՝ ծովագնացութեան նաւակներ՝ հին ժամանակներէն մինչեւ Hanse Sail, Cape Horniers եւ ծովահէնութիւն
  • 1-ին յարկ՝ հետազոտողներ, նաւարկութիւն, հաղորդակցութիւն եւ փոքրիկներու տարածք
  • Ներքնայարկ՝ ֆուայէ, ընդունարան, ճաշարան եւ թանգարանային խանութ

Բացի մշտական ցուցադրութենէն՝ թանգարանը նաեւ կը ներկայացնէ քանի մը յատուկ ցուցադրութիւններ, օրինակ, viking-ներու մասին ցուցադրութիւնը[9][16]:

Պատկերասրահ Խմբագրել

Այցելուներ Խմբագրել

Թանգարանին նիւթական շահոյթը կը հաշուարկուի տարեկան 150,000 այցելուով[8]: 2008-ին թանգարանը առաջին անգամ մասնակցած է «Tag des offenen Denkmals» («Բաց ժառանգութեան օր») ամէնամեայ համազգային միջոցառման, որ կը հովանաւորէ Deutsche Stiftung Denkmalschutz-ը[17]: Թանգարանը կը մասնակցի նաեւ Համպուրկի թանգարանային գիշեր ծրագրին[16]:

Սեփականատէրեր Խմբագրել

Թանգարանը կը պատկանի Peter Tamm Sen. Stiftung հիմնադրամին: Շէնքին վերակառուցումը իրականացուած է Համպուրկ քաղաքի 30 միլիոն եւրոյի դրամաշնորհով[6][8]:

Տեղայնք Խմբագրել

թԹանգարանը կը գտնուի Համպուրկի նավահանգստին վրայ՝ Շպայխերշտատթի մէջ (պահեստային տարածք): Համպուրկի սենատին կողմէ շէնքը վարձավճարով 99 տարիով տրամադրուած է հիմնադրամին[4][8]:

Գրականութիւն Խմբագրել

  • Möwe, Friedrich (2005). Tamm-Tamm : eine Anregung zur öffentlichen Diskussion über das Tamm-Museum (in German). Informationskreis Rüstungsgeschäfte in Hamburg. Hamburg: GNN, Gesellschaft für Nachrichtenerfassung und Nachrichtenverbreitung. ISBN 978-3-938372-03-6.
  • Meyer, Jürgen (1976). Schiffe aus Knochen und Elfenbein : Sammlung Peter Tamm und anderer Besitz : Altonaer Museum in Hamburg, Norddeutsches Landesmuseum, 22. September bis 21. November 1976. Hamburg: Altonaer Museum. OCLC 17110417.

Ծանօթագրութիւններ Խմբագրել

  1. ↑ https://www.imm-hamburg.de/
  2. ↑ 2,0 2,1 2,2 Dake Swantje (2008-06-26)։ «Hoher Besuch und ungebetene Gäste» (German)։ Hamburger Morgenpost։ արտագրուած է՝ 2009-08-29 [permanent dead link]
  3. ↑ «Hamburg In Your Pocket»։ Berlin: In Your Pocket GmbH։ September–October 2008։ էջ 10 
  4. ↑ 4,0 4,1 4,2 4,3 Walden Hans։ «Musealer Militarismus Das Tamm-Museum in Hamburg»։ Wissenschaft & Frieden։ 2008-4: Friedenswissenschaft – Friedensbewegung – Friedenspolitik (Bonn)։ արխիւացուած է բնօրինակէն-էն՝ 2011-07-19-ին։ արտագրուած է՝ 2019-01-30 
  5. ↑ 5,0 5,1 Nording Werner (2005-09-27)։ «Keine Distanz zur Hitler-Zeit»։ Deutschlandfunk 
  6. ↑ 6,0 6,1 6,2 «Maritimes Museum in Hamburg eröffnet»։ Hamburger Morgenpost։ 2008-06-25 
  7. ↑ Berndt Michael։ «Der Kaispeicher B im Hamburger Hafen» (German)։ lostplaces.de։ արխիւացուած է բնօրինակէն-էն՝ 2012-08-04-ին։ արտագրուած է՝ 2019-01-30 
  8. ↑ 8,0 8,1 8,2 8,3 8,4 Briegleb Till։ «Distanzlos»։ Süddeutsche Zeitung 
  9. ↑ 9,0 9,1 Axster Felix, Bergermann Ulrike։ «Maßstäbe. Von Größenordnungen und Modellierungen im Internationalen Maritimen Museum Hamburg»։ THE THING Hamburg։ արխիւացուած է բնօրինակէն-էն՝ 2009-02-26-ին։ արտագրուած է՝ 2019-01-30 
  10. ↑ «Kulturratschlag im Rathaus: Gibt’s was Neues im Internationalen Maritimen Museum Hamburg?»։ Die Linke, parliamentary group in the Hamburg Parliament 
  11. ↑ Schellen Petra։ «Museum ohne Ethos Kopflose Nazi-Uniformen als Touristenattraktion»։ Hamburg: Die Tageszeitung։ էջ 22 
  12. ↑ 12,0 12,1 12,2 12,3 Peter Christopher։ «Auf der Suche nach Tiefgang»։ Der Spiegel 
  13. ↑ «Tamm-Museum: Rolf Becker nimmt Kritik zurück»։ Hamburger Abendblatt 
  14. ↑ Arved Fuchs։ «SHACKLETON 2000»։ արխիւացուած է բնօրինակէն-էն՝ 2008-09-19-ին։ արտագրուած է՝ 2019-01-30 
  15. ↑ Buhr Lirona։ «Museen locken mit Sinn und Sinnlichkeit»։ Die Welt 
  16. ↑ 16,0 16,1 «Lange Nacht der Museen Internationales Maritimes Museum Hamburg»։ Der Museumsdienst Hamburg։ արխիւացուած է բնօրինակէն-էն՝ 2009-08-22-ին։ արտագրուած է՝ 2019-01-30 
  17. ↑ «Tag des offenen Denkmals 2008»։ Behörde für Kultur, Sport und Medien (Ministry of Culture, Sports and Media) 

Արտաքին յղումներ Խմբագրել

Վերցուած է «https://hyw.wikipedia.org/w/index.php?title=Համպուրկի_Միջազգային_Ծովային_Թանգարան&oldid=215839» էջէն