Ճոն Կրին (անգլերէն՝ John Green, 24 Օգոստոս 1977(1977-08-24)[1][2][3][…], Ինտիանափոլիս, Ամերիկայի Միացեալ Նահանգներ[3][4]
Օրլանտօ, Ֆլորիտա, Ամերիկայի Միացեալ Նահանգներ), ամերիկացի գրող, պատանիներու գիրքերու հեղինակ, իր վէպերէն նշանաւոր են «Մեղաւոր են աստղերը» (2012), «Ալասքայի փնտռտուքներով» (2005) եւ «Թուղթէ քաղաքներ» (2008) վէպերը։ Վիէօպլոկըր է եւ առցանց ուսուցողական տեսերիզներու հեղինակ։

Ճոն Կրին
անգլերէն՝ John Green
John Green 2020 (C6txQ5yn5S8).jpg
Ծննդեան անուն անգլերէն՝ John Michael Green
Ծնած է 24 Օգոստոս 1977(1977-08-24)[1][2][3][…] (43 տարեկան)
Ծննդավայր Ինտիանափոլիս, Ամերիկայի Միացեալ Նահանգներ[3][4]
Օրլանտօ, Ֆլորիտա, Ամերիկայի Միացեալ Նահանգներ
Քաղաքացիութիւն Flag of the United States.svg Ամերիկայի Միացեալ Նահանգներ[5][6][1][…]
Կրօնք Episcopal Church?
Ուսումնավայր Քենիոն Քոլէճ
Ինտյըն սփրինկզ վարժարան
Lake Highland Preparatory School?
Ազդուած է Ժերոմ Տէյվիտ Սելինճըր, Ուոլթ Ուիթմըն եւ Ֆրանսիս Սքոթ Ֆիթսժերալտ
Երկեր/Գլխաւոր գործ Ալյասկայի որոնումներում?, Բազմաքանակ Կատերիններ?, Թղթե քաղաքներ?, Թող ձյուն գա?, Ուիլլ Գրեյսոն, Ուիլլ Գրեյսոն?, Մեղավոր են աստղերը? եւ Turtles All the Way Down?
Տեսակ դեռահասական գրականություն?, դաստիարակչական վեպ?, Ռոմանական լեզուներ?, Ռադիո? եւ videotape recording?
Մասնագիտութիւն գրագէտ, վիպասան, գործարար, ժապաւէն արտադրող, յություբեր, գրաքննադատ, պոդքաստեր, մանկագիր, քննադատ, լրագրող, խմբագիր, երգիչ, վիդեո բլոգեր, Հեռատեսիլի յայտագիրներ արտադրող
Աշխատավայր Booklist?
Քենիոն Քոլէճ[2]
Անդամութիւն Վլոգբրազերս? եւ Գրին բրազերս?
Ամուսին Սարա Ուրիստ Գրին?
Կայքէջ johngreenbooks.com(անգլերէն)[7]
johngreenbooks.com
Ստորագրութիւն
John Green's signature ( Will Grayson, Will Grayson).svg

Կրին արժանացած է Printz մրցանակին (2006) իր առաջին «Ալասքայի փնտռտուքներով» վէպին համար, իսկ իր վերջին՝ «Մեղաւոր են աստղերը» վէպը գրաւած էր «Նիւ Եորք Թայմզ»-ի «best seller»ներու ցանկի առաջին տեղը՝ Յունուար 2012-ին։ Համանուն ֆիլմը, հրապարակուած է 2014-ին, դառնալով ԱՄՆ-ի թիւ 1-ը հաւաքելով $124 438 000։ 2014-ին Կրինը կը ներառուի «Աշխարհի 100 ամենաազդեցիկ մարդիկը» ցուցակի մէջ, ըստ «Time» ամսագիրի տուեալներուն։

Բացի գրական գործունէութենէն, Կրին ծանօթ է նաեւ իր աշխատանքով համացանցի ոլորտին մէջ։ 2007-ին ան կը գործարկէ YouTube-ի Vlog Brothers ալիքը, իր եղբօր՝ Հանկ Կրինի հետ միասին։

Ան իրականացուցած է նաեւ առցանց նախագիծեր, ինչպէս՝ «Հրաշալի» եւ VidCon։ Եղբօրը հետ ստեղծած է տասնմէկ ուսուցողական նախագիծեր, որոնք իրենց մէջ կը ներառեն համաշխարհային պատմութիւն, կենսաբանութիւն, աշխարհագրութիւն, քիմիագիտութիւն, հոգեբանութիւն եւ այլ նիւթեր։

Երիտասարդութիւնը եւ ասպարէզըԽմբագրել

Ճոն Կրին ծնած է Ինտիանափոլիս, Ինտիանա, Մայք եւ Սինի Կրիններու ընտանիքին մէջ։ Իր ծնելէն երեք շաբաթ ետք ընտանիքը տեղափոխուած է Միշիկըն, ապա Պիրմինկհըմ, Ալապամա, եւ, վերջապէս, Օրլանտօ (Ֆլորիտա)։ Ճոնը նախնական ուսումը ստացած է Օրլանտոյի Հայլենտ Նախապատրաստական դպրոցին մէջ (Lake Highland Preparatory School), ապա Indian Springs School Պիրմինկհըմ քաղաքին մէջ, որու շրջապատը հետագային ան օգտագործած է իբրեւ իր «Ալասքայի փնտռտուքներով» վէպին գործողութիւններուն զարգացման գլխաւոր վայր։

2000-ին Ճոն Կրին աւարտած է Քենյըն-Քոլէճը (Kenyon_College) անգլերէն գրականութեան եւ կրօնական ուսումնասիրութիւններու կրկնակի վկայականով։

Քոլէճը աւարտելէ ետք, հինգ ամիս աշխատած է որպէս քահանայի աշակերտ մանկական հիւանդանոցի մը մէջ։ Այդ ժամանակ ան մտադիր էր դառնալ եպիսկոպոսական քահանայ, բայց ծանր հիւանդութիւններով տառապող երեխաներու հետ աշխատանքը կ'ոգեշնչէ զինք, եւ ան կ'որոշէ դառնալ գրող, իսկ ապագային այդ նիւթով ան կը ստեղծէ «Մեղաւոր են աստղերը» վէպը։

Քանի մը տարի Կրին կ'ապրի Շիքակօ, ուր կ'աշխատի որպէս Booklist ամսագիրի խմբագիրի օգնական, կը գրէ ակնարկներ, եւ կը շարադրէ «Ալասքայի փնտռտուքներով» վէպը։ Այս ընթացքին ան կը գրէ հարիւրաւոր գիրքերու մասին ակնարկներ։ Նաեւ կը վերանայի գիրքերու «Նիւ Եորք Թայմզ»-ի համար եւ կը ստեղծէ իւրօրինակ ռատիօ խոյզ- աշխատանքներ Շիքակոյի հանրային ձայնասփիւռի կայանին համար։ Աւելի ուշ, Կրին երկու տարի կ'ապրի Նիւ Եորք, մինչ իր կինը կ'ուսանէր ասպիրանդուրայի մէջ։

ԱշխատանքներըԽմբագրել

 
Ճոն Կրինը եղբոր՝ Հանքի հետ:

Կրինի առաջին վէպը՝ «Ալասքայի փնտռտուքներով», որ լոյս տեսած է 2005 թուականին, դպրոցական պատմութիւն է, կամ դեռահասական վէպ, որ հեղինակի Indian Springs School դպրոցի մէջ իր անցուցած օրերուն ոգեշնչման արդիւնքն է։ Վէպը պարգեւատրուած է Մայքլ Լ. Պրինցի ամենամեայ մրցանակով Ամերիկեան Գրադարանային Միութեան կողմէ, որպէս «տարուան լաւագոյն գիրքը, գրուած դեռահասներու համար»։ Վէպը ներառուեցաւ Ալապամայի ամենամեայ «10 լաւագոյն գիրքեր դեռահասներու համար» ցուցակի մէջ։ 2005 թուականին էքրանաւորման իրաւունքը գնեց Paramount ընկերութիւնը, բայց հինգ տարի անց Կրինը յայտնեց իր երկրպագուներուն, որ ինք շահագրգռուած չէ Paramount-ի նախագծի հանդէպ։ Վէպի աճող վաճառքի ֆոնին Կրինը մտահոգութիւն յայտնեց էկրանաւորման գաղափարին վերաբերեալ. ընտ անոր էկրանաւորումը կրնար խանգարել «կարդացողի եւ պատմութեան միջեւ անմիջական եւ անձնական կապը»։ 2012 թուականին վէպը ներառուեցաւ «Նիւ Եորք Թայմզ»-ի պէսթ թրէլլըրներու ցուցակին մէջ, մանկական փափուկ կազմով գրքերու համար։

Կրինի երկրորդ վէպը՝ «Բազմաթիւ Կատերինաներ» (2006), գրաւեց երկրորդ տեղը Պրինցի ամենամեայ մրցանակաբաշխութեան մէջ եւ Los Angeles Times-ի գիրքի մրցանակաբաշխութեան մէջ դարձաւ ֆինալիստ։ 2008 թուականին Ճոն Կրինի երրորդ՝ «Թուղթէ քաղաքներ» վէպը թողարկուած է Նիւ Եորք Թայմզի պեսթրելլերներու ցուցակի հինգերորդ համարի ներքեւ, իսկ էկրանաւորման իրաւունքը գնուած է «Mandate Pictures» կինոընկերութեան կողմէն, որ Կրինը հրաւիրած է որպէս սենարիստ։ 2009 թուականին «Թուղթէ քաղաքներ»վէպը պարգեւատրուած է Էդգարի մրցանակով որպէս «դեռահասներու համար լաւագոյն վէպ» եւ ստացած է «Corine Literature Prize» գրականական մրցանակը 2010 թուականին։ 2015 թուականին վէպը էքրանաւորուած է «20th Century Fox» կինոընկերութեան կողմէ։ Համաշխարհային պրեմիերան կայացած է 2015 թուականի Յունիսի 4-ին։ Գլխաւոր դերերում ստանցնած են Քառա Դելեվինը (Մարգո) եւ Նաթ Վուլֆը (Քիւ)։

Ապա, Կրինը իր ընկեր եւ սկսնակ գրող Տէյվիտ Լեւանթոնի հետ համատեղ գրած է «Ուիլլ Գրեյսոն, Ուիլլ Գրեյսոն» վէպը(2010), որ ստացած է Stonewall Book Award մրցանակը։

Կրինի նոր՝ «Սիքվել» վէպը, որու ստեղծման մասին ան յայտնած էր 2009 թուականի Օգոստոսին, չէր աւարտած, իսկ աւելի ուշ փոխակերպուած էր «Մեղաւոր են աստղերը» վէպին, որ հրապարակուեցաւ 2012 թուականին։ Կրինը յետոյ բացատրեց, որ «Սիքվել»-ի որոշ մասեր տեղափոխուած են «Մեղաւոր են աստղեր»-ը հաորին մէջ։ 2014 թուականին վէպը էկրանաւորուած է եւ վաճառքի է հանուած 2014 թուականի Յունիսին (ԱՄՆ)։

2013 թուականի վերջին Կրինը յայտարարեց, որ սկսած է գրել է նոր գիրք մը «Ռակետկա» անունով։

Անձնական կեանքըԽմբագրել

Ճոն Կրինը կ՛ապրի Ինտիանապոլիս, իր կնոջ՝ Սառա Ուրիսթ Կրինի եւ երկու երեխաներուն՝ Հենրիի եւ Ալիսի հետ։ Ճոնը ամուսնացած է 21 Մայիս, 2006-ին։ Կրին զոյգը, Google Hangouts վիտէօ-զրոյցի ժամանակ YouTube-ի վրայ, ԱՄՆ-ի ներկայ նախագահ Պարաք Օպամայի կարթիքը առած են, որպէսզի որոշեն, թէ իրենց դուստրը անուանեն, Էլյոնոր, թէ Ալիս։ Կրինի որդին՝ Հենրի Աթիքուս Կրինը ծնած է 21 Յունուար, 2010-ին, իսկ դուստրը Ալիս Գրեյս Կրինը՝ 4 Յունիս,2013 -ին։

Ճոն Կրինը յայտարարել է, որ ինքը եպիսկոպոսական եկեղեցիի հետեւորդ է։ Ան, ինչպէս իր առաջին վէպի հերոս Մայլզը, կը հաւաքէ մահամերձ յայտնի մարդոց խօսքերը։ Իսկ ինք կը սիրէ է Օսկար Ուալտի վերջին խօսքերը։ Ճոնը Լիվըրբուլ ֆութպոլի ակումբին երկրպագու է եւ հրապարակայնօրէն կը քննարկէ անգլիական ֆութբոլը։

ՄատենագրութիւնԽմբագրել

ՎեպերԽմբագրել

Պատկեր:The Fault in Our Stars.jpg
Մեղաւոր են աստղերը
  • Ալասքայի փնտռտուքներով (2005) (ISBN 0-525-47506-0)
  • Բազմաթիւ Կատերինաներ (2006) (ISBN 0-525-47688-1)
  • Թող ձիւն գայ՝ Երեք տօնական պատմութիւն։ Մորին Ճոնսընի եւ Լորէն Միրաքլի հետ միասին (2008) (ISBN 0-142-41214-7)
  • Թուղթէ քաղաքներ (2008) (ISBN 0-525-47818-8)
  • Ուիլլ Կրէյսըն, Ուիլլ Կրէյսըն։ Տէյվիտ Լեվանթոնի հետ (2010) (ISBN 0-525-42158-0)
  • Մեղաւոր են աստղերը (2012) (ISBN 0-525-47881-7)

ՊատմուածքներԽմբագրել

  • «Քարոլայնի սիրոյ մօտաւոր արժէքը» (2006)
  • «Մեծ ամերիկական Morp» (2007)
  • «Freak the Geek» (2009)
  • «Պատճառներ» (2011)
  • «Կրկնակի անգամ ըստ պահանջի» (2011)

ԱյլԽմբագրել

 
Ճոն Կրին, VidCon 2012
  • Thisisnottom վէպ (2009)
  • Zombicorns, առցանց պատմութիւն զոմբիներու մասին (2012)
  • «Պայքար Պանքս կղզիին համար», Zombicorns-ի շարունակութիւնը։ Ուղարկուած է ելեկտրոնային փոստով այն մարդոց, ովքեր գումար նուիրած էին «Հրաշալի» ծրագրի համար (2012)

Մրցանակներ եւ անուանակարգերԽմբագրել

Թուական Մրցանակ
Մրցանակաբաշխութիւն
Աշխատանք Բաժամունք Արդիւնք Հղում
2006 Մայքլ Լ. Պրինց մրցանակաբաշխութիւն (Michael L. Printz Award) Ալյասքայի փնտրտուքներով Կաղապար:N/a Յաղթած [8]
2007 Բազմաթիւ Կատերինաներ Կաղապար:N/a Առաջադրուած [9]
2009 Էտգար Ալան Պոն Մրցանակաբաշխութիւն (Edgar Allan Poe Award) Թղթէ քաղաքներ Լավագոյն վէպ դեռահասներու համար Յաղթած [10]
2010 Գրականական մրցանակ (Corine Literature Prize) Թղթէ քաղաքներ Դեռահասներու համար վէպ Յաղթած [11]
2012 Ինտիանայի Հեղինակներու Մրցանակաբաշխութիւն (Indiana Authors Award) Կաղապար:N/a Ազգային Հեղինակ Մրցնակաբաշխութիւն (National Author Award) Յաղթած [12]
2013 Երեխաներու Ընտրութիւն Մրցանակաբաշխութիւն (Children's Choice Book Awards) Մեղաւոր են աստղերը Տարուայ դեռահասներու գիրք Յաղթած [13]
2013 Լոս Անճելըս Թայմզ Գիրքի Մրցանակաբաշխութիւն (Los Angeles Times Book Prize) Կաղապար:N/a Ինովացիոն Մրցանակաբաշխութիւն Յաղթած [14]
2014 mtvU Fandom Awards Կաղապար:N/a Հեռատես Մրցանակաբաշխութիւն Յաղթած [15]

ԾանօթագրութիւններԽմբագրել

  1. 1,0 1,1 1,2 http://web.archive.org/web/20170324040107/http://jeugdliteratuur.org/auteurs/john-green
  2. 2,0 2,1 2,2 Library of Congress AuthoritiesLibrary of Congress.
  3. 3,0 3,1 3,2 3,3 3,4 Person Profile // Internet Movie Database — 1990.
  4. 4,0 4,1 4,2 Babelio — 2007.
  5. http://www.bbc.co.uk/news/entertainment-arts-29235996
  6. http://www.nytimes.com/2013/08/25/books/review/inside-the-list.html
  7. https://musicbrainz.org/artist/3111a3ff-8083-4ee9-bc71-2f2b63288dce
  8. «2006 Printz Award»։ Young Adult Library Services Association։ American Library Association։ արտագրուած է՝ May 15, 2013 
  9. «Michael L. Printz Winners and Honor Books»։ Young Adult Library Association։ American Library Association։ արխիւացուած է բնօրինակէն-էն՝ February 17, 2011-ին։ արտագրուած է՝ May 15, 2013 
  10. http://web.archive.org/web/20120827143408/http://www.mysterywriters.org/files/2009_Edgar_Winners.pdf
  11. «Margos Spuren»։ Bayerische Buchpreis (German)։ Bayerischen Staatsministerium für Wirtschaft und Medien, Energie und Technologie։ արտագրուած է՝ 24 March 2014 
  12. «2012 Indiana Authors Award Recipients Honored»։ PR Newswire։ October 26, 2012։ արտագրուած է՝ May 15, 2013 
  13. «Jeff Kinney, VlogBrother win Children's Choice Book Awards»։ Global Post։ Agence France-Presse։ May 14, 2013։ արտագրուած է՝ May 15, 2013 
  14. Carolyn Kellogg (April 11, 2014)։ «Jacket Copy: The winners of the Los Angeles Times Book Prizes are ...»։ LA Times։ արտագրուած է՝ April 14, 2014 
  15. Wickman Kase (July 21, 2014)։ «John Green To Be Honored With ‘The Visionary Award’ At This Year’s Fandom Awards»։ MTV։ արտագրուած է՝ August 7, 2014 

Արտաքին յղումներԽմբագրել