Մամմա Մի՛ա! (ժապաւէն)

«Մամմա Մի՛ա» (անգլերէն՝ Mamma Mia!), շարժարուեստի ամերիկեան/անգլիական ժապաւէն, 2008-ի արտադրութիւն:

Մամմա Մի՛ա!
Մամմա Մի՛ա! ժապաւէնին գլխաւոր դերակատարներն ու ABBA
Mamma Mia!
Բեմադրիչ	Ֆիլիտա Լոյտ
Արտադրիչ	Universal Pictures
Երաժշտութիւն	Պենի Անտերսըն, Պիորն Իւլվաես
Մոնտաժ	Լեզլի Ուոքըր
Արտադրող ընկերութիւններ	Littlestar Productions,Playtone,Relativity Media
Թողարկման թուական	(առաջին) 30 Յունիս 2008 (Մեծն Բրիտանիա), 3 Յուլիս 2008 (Յունաստան) եւ 18 Յուլիս 2008 (Ա․Մ․Ն․)
Տեւողութիւն	108 վայրկեան
Երկիր	Մեծն Բրիտանիա եւ ԱՄՆ
Լեզու	Անգլերէն
Պիւտճէ	52 միլիոն տոլլար

Բեմադրիչն է՝ Ֆիլիտա Լոյտ, իսկ գլխաւոր դերակատարներն են՝ Մերիլ Սթրիփ, Փիրս Պրոսնըն, Քոլին Ֆըրթ, Սթելան Սքարսգարտ, Ճիւլի Ուոթըրս, Տոմինիք Քուփըր, Ամանտա Սայֆրիտ եւ Քրիստին Պարանսքի։

Ժապաւէնը ամբողջութեամբ նկարահանուած է Սքոփելոս կղզիին մէջ (Սփորատես, Յունաստան), Օգոստոս եւ Սեպտեմբեր 2007-ի ամիսներուն ընթացքին։

«Մամմա Մի՛ա» ժապաւէնը համանուն տիտղոսով Ուեսթ Էնտի եւ Պրոտուէյի երաժշտական ներկայացման պատշաճեցումն է, հիմնուած «ԱՊՊԱ» (ABBA) նուագախումբին երգերուն եւ առաւել անոր մէկ անդամին՝ Պենի Անտերսընին յօրինումներուն վրայ։

Միջազգային համագործակցութեան արտադրութիւն մըն է՝ Գերմանիոյ, Միացեալ Թագաւորութեան եւ Ա․Մ․Ն․ միջեւ, ինչպէս նաեւ (Littlestar Productions ու Playtone) արտադրող ընկերութիւններուն միջեւ։

«Մամմա Մի՛ա!» Պրոտուէյի դերակատարները, բեմին վրայ

«Մամմա Մի՛ա» առաջին անգամ մեծ յաջողութեամբ կը ցուցադրուի Լոնտոնի մէջ, 30 Յունիս 2008-ին։ Կը յաջորդէ Սթոքհոլմի (Շուէտ) մէջ ցուցադրութիւնը՝ 4 Յուլիս 2008-ին, ուր ներկայ գտնուած են նաեւ «ԱՊՊԱ» (ABBA) նուագախումբին անդամները՝ Պենի Անտերսըն, Պիորն Իւլվաես, Անի-Ֆրիթ Լինկսթատ եւ Ակնեթա Ֆալցքոկ։

Այիոս Իոանիս մատուռ, Սքոփելոս․ հոն, ուր Սոֆիին հարսանիքը տեղի ունեցած է:

Ժապաւէնին նիւթը

Մեծ թիւով մարդիկ կ'այցելեն յունական Սքոփելոս կղզին եւ կը մնան Villa Donna-ին մէջ, ներկայ գտնուելու համար պանդոկին տանտիրուհիին՝ Տոնա Շերիտանին 20 տարեկան աղջկան՝ Սոֆիին հարսանիքին։ Սակայն Տոնային համար անակնկալ է ներկայութիւնը երեք տղամարդոց, որոնց հետ ան 20 տարի առաջ յարաբերութիւններ ունեցած է։ Սոֆի զանոնք չէր ճանչնար, սակայն կարդալէ ետք մօրը օրագիրը, կը յայտնաբերէ, թէ մայրը յղի մնացած է, երբ միաժամանակ անոնց հետ յարաբերութիւն ունեցած է։ Սոֆի կ'ուզէ իմանալ անոնցմէ ո՞վ է հայրը, որպէսզի ան, ամուսնութեան օրը զինք եկեղեցի առաջնորդէ․․․։

«Մամմա Մի՛ա» ժապաւէնին նիւթին գործողութեան ընթացքին, այս ծովափին վրայ տեղի ունեցած են բաւական նկարահանումներ

Նուագակցութիւն

«Մամմա Մի՛ա» ժապաւէնին մէջ կը լսուին հետեւեալ յօրինումները (ժապաւէնին ալպումը հանրութեան ներկայացուած է 25 Նոյեմբեր 2008-ին)․

Դէպի Այիոս Իոանիս մատուռ, Սքոփելոս․

• «Երազ մը ունիմ» («I Have a Dream»)
• «Սիրելի՛ս, սիրելի՛ս» («Honey, Honey»),
• «Դրա՛մ, դրա՛մ, դրա՛մ» («Money, Money, Money»),
• «Մամմա Մի՛ա» («Mamma Mia»),
• «Փոքրիկ աղջիկ» («Chiquitita»)
• «Պարող թագուհին» («Dancing Queen»)
• «Մեր վերջին ամառը» («Our Last Summer»),
• «Քու ամբողջ սէրդ ինծի տուր» («Lay All Your Love on Me»),
• «Գերազանց դերասանը» («Super Trouper»),
• «Մարդ մը կէս գիշերէն ետք» («Gimme! Gimme! Gimme! (A Man After Midnight)»
• «Կը փափաքի՞ք» («Voulez-Vous?»)
• «ԷՍ Օ ԷՍ» («SOS»),
• «Մայրդ գիտէ՞» («Does Your Mother Know?»),
• «Մատներուս մէջէն սահելով» («Slipping Through My Fingers»),
• «Շահողը բոլորը կ'առնէ» («The Winner Takes It All»)
• «Այո՛, այո՛, այո՛, այո՛, այո՛» («I Do, I Do, I Do, I Do, I Do»),
• «Երբ ամէն ինչ ըսուած եւ կատարուած է» («When All Is Said and Done»),
• «Ինձմով բախտդ փորձէ՛» («Take a Chance on Me»)
• «Ջախջախիչ պարտութիւն» («Waterloo»),
• «Շնորհակալութիւն երաժշտութեան համար» («Thank You for the Music»)

Արտաքին յղումներ

1. Մամմա Մի՛ա․ պաշտօնական կայքէջ(անգլերէն)
2. IMDb - Մամմա Մի՛ա ժապաւէնը(անգլերէն)