Մարթին Ահարոնեան

Մարտիրոս (Մարթին) Վարդգէսի Ահարոնեան (24 Մարտի 1954 Երեւան), հայ երգահան, կիթառահար, նկարիչ, ՀՀ մշակոյթի վաստակաւոր գործիչ (2014)։

Մարթին Ահարոնեան
Ծնած է	24 Մարտի 1954
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Խորհրդային Միութիւն  Հայաստան
Ազգութիւն	Հայ
Ուսումնավայր	Փանոս Թէրլեմէզեանի անուան գեղարուեստի ուսումնարան Երեւանի Պետական Գեղարուեստաթատերական հիմնարկ Ժողովրդական արվեստների հեռակա համալսարան?
Մասնագիտութիւն	Փանոս Թերլեմեզեանի անուան գեղարուեստական ուսումնարան եւ Երեւանի պետական գեղարուեստաթատերական հիմնարկ
Աշխատավայր	երգահան, կիթառահար, նկարիչ
Անդամութիւն	Հա­յաս­տա­նի Նկա­րիչ­նե­րու Միու­թիւն

Կենսագրութիւն

1967-1970 թթ. յաճախեր է կիթառի մասնաւոր դասընթացքներու՝ փրոֆեսոր Սուրէն Ադամեանի մօտ։ 1969-1973 թթ. ուսանած է Երեւանի Փանոս Թերլեմեզեանի անուան գեղարուեստի ուսումնարանի գեղանկարչութեան բաժինը, 1973-1974 թթ.` Երեւանի թիւ 26 փրոֆթեքնիքական ուսումնարանը, 1974-1979 թթ.` Երեւանի գեղարուեստա-թատերական հիմնարկի արդիւնաբերական (aesthetics) գեղագիտութեան բաժինը։ 1979 թուականին հեռակայ ուսանած է նաեւ Մոսկուայի Ժողովրդական արուեստներու հեռակայ համալսարանի (composition) երգագրութեան եւ էսթրատային խումբերու ղեկավարման բաժինը։ 1981-1988 թթ. եղեր է ՀՀ մշակոյթի նախարարութեան հանրապետական գիտամեթոտական կեդրոնի ցուցադրական (agitation) շարժումի, հետագային՝ կերպարուեստի եւ կիրառական արուեստի բաժնի վարիչը։ 1982 թուականին յաճախեր է Մոսկուայի արուեստի գործիչներու վերապատրաստման դասընթացքներուն։ 1985 թուականին Մոսկուայի՝ երիտասարդութեան եւ ուսանողութեան 12-րդ միջազգային փառատօնի ժամանակ, եղեր է Հայաստանի տաղաւարի կիրառական արուեստի բաժնի պատասխանատուն եւ արժանացեր մետալի ու պատուոյ գիրի։

Երաժշտական գործունէութիւն

Նուագեր է տարբեր վոքալ գործիքային համոյթներուն՝ որպէս մենակատար կիթառահար։ 1975-1979 թթ. ղեկավարեր է «Արեգակ» եւ «Տեքա» վոքալ գործիքային խումբերը, շրջագայեր եւ մասնակցեր է բազմաթիւ համերգային ծրագիրներու։ Ստեղծագործական տարիներուն համագործակցեր է հանրաճանաչ եւ լեկենտար անձանց հետ։ Ունի շուրջ 150 բազմաժանր երգեր եւ շուրջ 50 գործիքային ստեղծագործութիւններ։ Իր ստեղծագործութիւններուն մէջ ընդգրկուած են նաեւ ֆիլմի երաժշտութիւններ, հեռուստանախագիծերու հիմներ, մենակատար, զուգերգ եւ խմբային կատարողական երգեր, ունի նաեւ եզակի իր բնոյթի մէջ ռոք-օրաթորիա՝ նուիրուած Հայաստանի մէջ քրիստոնէութեան ընդունման 1700-ամեակին։ 1988-2000 թթ. եղեր է «Փարատիզ» ընկերութեան երաժշտական խմբագիրը, 2000-2004 թթ.` «Փրոմեթեւս» հեռուստաընկերութեան «Ձեղնայարկ» հանրամատչելի հեղինակային հաղորդաշարի վարիչ-տնօրէնը եւ հեղինակը, 2010-2018 թթ.` «Հայհեղինակ» հասարակական կազմակերպութեան խորհուրդի անդամ։

Նկարչական գործունԷութիւն

1983 թուականէն ԽՍՀՄ Նկարիչներու միութեանը կից արուեստագէտներու եւ նկարիչներու երիտասարդական միաւորման անդամ է։ 2006 թուականէն Հայաստանի նկարիչներու միութեան անդամ է։ Մասնակցեր է բազմաթիւ համահայկական, համամիութենական, միջազգային նկարչական ցուցահանդէսներու։

Պարգեւներ

• Սայաթ-Նովայի անուան համահայկական երգի փառատօնի դափնեկիր (2000, 2001, 2003)
• Հայաստանի Հանրապետութեան մշակոյթի վաստակաւոր գործիչ (2014)