Մարուան Խուրի

Մարուան Խուրի (արաբերէն՝ مروان خوري‎‎ ծնած է 3 Փետրուար 1968), լիբանանցի երգիչ, գրող, յօրինող եւ երգահան: Իր յօրինածները երգած են նշանաւոր երգիչներ արաբական աշխարհի եւ օտար երկիրներու մէջ, ինչպէս՝ Թուրքիա: Իր յօրինած երգերը երգած են Մաժիտա Էլ Րումի, Սապեր Րուպաի, Նաուալ Ալ Զողպի, Ասալա Նասրի, Նաժուա Քարամ, Ֆատել Շեքեր, Էլիսա, Գարոլ Սամահա, Պասիմա եւ Միրիամ Ֆարես:

Մարուան Խուրի արաբերէն՝ مروان خوري‎
Ծննդեան անուն	արաբերէն՝ مروان طانيوس كميل الخوري‎
Ծնած է	3 Փետրուար 1968 (48 տարեկան)
Ծննդավայր	Մազրաադ Դեֆահ, Զղարդա, Լիբանան
Քաղաքացիութիւն	Լիբանան
Ազգութիւն	Լիբանան
Մայրենի լեզու	Արաբերէն
Կրօնք	Մարունի Քրիստոնեայ
Ուսումնավայր	Holy Spirit University of Kaslik?
Տեսակ	փոփ երաժշտութիւն
Մասնագիտութիւն	երգիչ, երգահան, յօրինող

Կենսագրութիւն

Մարուան Խուրի ծնած է Մազրաադ Էլ Դեֆֆահ, Զղարդա, Լիբանան, քրիստոնեայ մարոնիթ ընտանիքի մէջ: Ան Դանիուսի եւ Նասիմա Խուրիի հինգ զաւակներէն երրորդն է: Ունի 2 մեծ քոյրեր՝ Լինա եւ Մոնա եւ երկու պզտիկ եղբայր՝ Գլոտ, որ հեռատեսիլի տնօրէն է եւ Տէնի՝ երգահան:

1986-ին Խուրի Սենթ Էսբիրիթ Քասլիքի Համալսարանը ուսանած է, Լիբանանի մէջ, ուր սորված է դաշնակ, երաժշտաբանութիւն, երաժշտութեան պատմութիւն: Իր համալսարանական տարիներուն երաժշտութիւն յօրինելու մրցումը շահած եւ նախկին նախագահ Էմին Ժըմայէլի ձեռամբ ստացած է մրցանակը:

1988-ին Խուրի իր առաջին ալպոմը հրապարակեց «Kasak Habibi» (Կենացդ Սիրելիս), որուն բառերը եւ երաժշտութիւնը ինք յօրինած է: Ան միայն երգիչ չէր, այլ նաեւ դաշնակահար եւ նուագախումբի ղեկավար: Ան իր մասնակցութիւնը բերաւ հեռատեսիլի յայտագիրներուն: Մինչեւ 1996 դաշնակ եւ ստեղնաշար կը նուագէր եւ կ'ընկերակցէր երգիչներու հետ: Այդ շրջանին Խուրի երգեր յօրինեց եւ երգեց «Fik Yamma Balak»:

1997-ին ան երգեր գրեց եւ յօրինեց ու ելոյթներ ունեցաւ:

Իր երկրորդ մեներգը «Lasbor Ala Welah» (Համբերեմ)ն է: 1999-ին Խուրի Նաուալ Զողպիին համար երկու երգ յօրինեց «Tia» (Թիա) եւ «Dalouna»: 2001-ին պաշտօնապէս իր առաջին ալպոմը հրապարակուեցաւ «Khayal El-Omer» (Կեանքի Երազանքը): Յաջորդ տարին Խուրի իր առաջին տեսերիզը նկարեց «Ya Shog»:

Խուրի երկու անգամ Մուրեքս Տ'որ մրցանակը շահած է՝ 2003-ին եւ 2004-ին իբր տաղանդաշատ արուեստագէտ (երգիչ, յօրինող, երաժշտութեան տեսերիզ, երգ եւ ալպոմ): «Kil Al Asayed» (Բոլոր Բանաստեղծութիւնները) ամէնաշատ ծախուած ալպոմն էր 2004-ին:

2005-ին Խուրի 5 տարուան համաձայնագիր ստորագրած է Րոթանա երգի ընկերութեան հետ: Իսկ ամէնակարեւոր ալպոմը՝ «Kil Al Asayed» (Բոլոր Բանաստեղծութիւնները) հրապարակուած է Մայիս 2005-ին: Ալպոմը եւ երգը շատ յաջող էին եւ իր համբաւը արագ տարածուեցաւ: Այս ալպոմով Խուրի նշանաւոր դարձաւ արաբական աշխարհին մէջ։

2006-ին Խուրի հրապարակեց ուրիշ ալպոմ մը՝ «Asr El Sho»: Իր երրորդ ալպոմը «Ana Wl Leil» (Ես եւ Գիշերը) հրապարակուեցաւ 2008-ին: Այս ալպոմին մէջ երգին բառերը «Lawla L Hawa» (Առանց Սիրոյ), նշանաւոր բանաստեղծ Ճենան գրած է: Խուրիի վերջին ալպոմը Րոթանա Րեժէյն կը պարունակէր 10 երգեր եւ հրապարակուած էր 2010-ին:

Յունուար 2011-ին ան յայտարարեց թէ Րոթանայի հետ համաձայնագիրի ժամկէտը աւարտեցաւ եւ ինք կը մտածէ առանձին աշխատիլ:

Մարուան Խուրի կը նկատուի արդի Լիբանանցի երգահան եւ երգիչ: Ան ելոյթներ ունեցած է Գահիրէի Օփերայի Տանի մէջ եւ Քըրդաճ Ֆիլմ Փառատօնին Թունուզի մէջ:

Անձնական Կեանք

Մարուան երգիչ է: Շատ լուրեր տարածուեցան թէ ան Գարոլ Սամահային հետ է, նկատի ունենալով որ երկուքը միասին երգեցին, բայց այս լուրը սուտ էր եւ իրենք բարեկամներն են եւ երաժշտական նոյն ժանրը ունին:

Տիսքոկրաֆի

Ալպոմ

Տարի	Ալպոմի Անուն	Թիւը
2002	Khayal El-Omer (Կեանքի Երազանքը)	6
2004	Kil Al Asayed (Բոլոր Բանաստեղծութիւնները)	9
2006	Asr El Sho	10
2008	Ana Wil-Lail (Ես եւ Գիշերը)	12
2010	Rajain	10
2014	El 'Ad el 'Aksi	15

Առանձին Երգերը

Տարի	Անունը
1988	"Kasak Habibi" (Կենացդ Սիրելիս)
1994	"Fik Yamma Balak" (ՀետդԿամ Առանց Քեզ)
1997	"Lasbor Ala Welah" (Սպասեմ Աստուած)
2007	"Ya rab" (Տէր Իմ)
2007	"Dawayer"
2007	"El-Arab"