Միհրան Մելիքեան

Միհրան Մելիքեան (1922, Թուրքիա, Բալու), լուսանկարիչ, 1930-ին եկած է Հալէպ: Շրջանաւարտ Կիւլպէնկեան Ազգային Վարժարանէն: Ուսուցիչը տարած է զինք Տէրունեան լուսանկարչատունը. հայր Տէրունեան, արուեստի բծախնդիր այդ մարդը, գաղտնի բոլոր դռները բաց կը ձգէր իրեն դիմող պատանիներուն առջեւ։ 1939-ի պատերազմի պատերազմի օրերուն, վարպետը զինք կը փոխադրէ Պէյրութի լուսանկարչատունը, ուր կը ստանձնէ գործին հսկողութիւնը։ Աշխատած է նաեւ Փարամաունթ լուսանկարչական հաստատութեան մէջ։ Ապա կը հիմնէ իր սեփական սթիւտիոն։

Միհրան Մելիքեան
Ծնած է	1922
Ծննդավայր	Թուրքիա, Բալու
Ազգութիւն	Հայ
Աշխատավայր	Լուսանկարչութիւն

Արուեստագէտ լուսանկարիչ մը, որ իր թեքնիք գիտելիքներով եւ արուեստի խորունկ զգայնութեամբ, մնայուն հետաքրքրութիւն ստեղծած է ու պահած իր անունին շուրջ։ Շրջան մը զբաղած է նաեւ շարժուն կեանքի լուսանկարչութեամբ, լուսանկարելով այլազան պահերու ամենագեղեցիկ վայրկեաններ։ Հաւասար յաջողութեամբ բոլոր ճիւղերուն մէջ ինքզինք արժեցուցած արուեստի այս նուիրեալը, կը մնայ տիրական դէմքերէն մէկը լիբանանեան լուսանկարչութեան։