Յովհաննէս Շարամբէեան
Յովհաննէս Շարամբէեան (18 Օգոստոս 1926, Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն - 11 Մայիս 1986, Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), գեղանկարիչ եւ Հայաստանի արուեստի վաստակաւոր գործիչ[1]։
| Յովհաննէս Շարամբէեան | |
|---|---|
| Ծնած է | 18 Օգոստոս 1926 |
| Ծննդավայր | Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն |
| Մահացած է | 11 Մայիս 1986 (59 տարեկանին) |
| Մահուան վայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Ուսումնավայր |
Փանոս Թէրլեմէզեանի անուան գեղարուեստի ուսումնարան Երեւանի Պետական Գեղարուեստաթատերական հիմնարկ |
| Մասնագիտութիւն | գեղանկարիչ |
| Կայքէջ | sharambeyan.am |
Կենսագրութիւն
ԽմբագրելԾնած է Երեւանի: Նախնական կրթութիւնը ստացած է Երեւանի դպրոցներէն մէկուն մէջ եւ ապա ընդունուած է Փանոս Թերլէմէզեանի անուան գեղարուեստի ուսումնարան, ուրկէ շրջանաւարտ եղած է: Այնուհետեւ ուսումը շարունակած է Երեւանի Գեղարուեստի եւ թատրոնի կաճառէն ներս, ուրկէ շրջանաւարտ եղած է 1951 թուականին:
1947 թուականին Դիլիջանի մէջ հիմնած է նկարչական փոքր դասարան մը, որ ապագային վերածուած է նկարչական դպրոցի. անոր ջանքերով 1958-ին Դիլիջանի Երկրագիտական թանգարանին քով հիմնուած է արուեստի թանգարան:
1978-1986 թուականներուն ստանձնած է Հայաստանի Ժողովրդական արուեստի պետական թանգարանի տնօրէնի պաշտօնը:
Մշակոյթի կողքին Շարամբէեան զբաղած է մշակութային եւ հասարակական գործունէութեամբ: Տակաւին աշակերտական տարիներէն իբրեւ գլխաւոր գեղանկարիչ աշխատած է Դիլիջանի Յասմիկ Յակոբեանի անուան ժողովրդական թատրոնին մէջ: Իր նկարչական գործերով արուեստագէտը առաջին անգամ ցուցահանդէսի մասնակցած է 1953 թուականին, որմէ երեք տարիներ ետք՝ 1956 թուականին ընդունուած է իբրեւ Հայաստանի Նկարիչներու միութեան անդամ եւ ստանձնած է Գեղարուեստի խորհուրդի նախագահի պաշտօնը։
1967 թուականին դարձած է Հայաստանի Նկարիչներու միութեան վարչութեան անդամ եւ ստանձնած է Հայաստանի Ժողովրդական արուեստի պետական թանգարանի նախագահի պաշտօնը:
Նկարչութեան կողքին մասնակցած է Դիլիջանի յատակագիծի պատրաստման աշխատանքներուն եւ պատրաստած՝ շէնքերու նախագիծեր:
Գործերը
ԽմբագրելՅայտնի գործերէն են․
- «Յակոբ Բիձայի դիմանկարը»,
- «Հովիւ Պօղոսեանի դիմանկարը»,
- «Աշունը սարերում»,
- «Աշնանային տերեւներ»,
- «Էջմիածինի հին տուները» եւ այլ աշխատութիւններ, որոնք կը պահուին Հայաստանի Ազգային պատկերասրահին, ինչպէս նաեւ Ռուսական Տրետիակովեան պատկերասրահէն ներս:
Իր անհատական գործերով ցուցահանդէսներ ունեցած է Փարիզի, Պուլկարիոյ, Սեն Փեթերսպուրկի, Երեւանի եւ այլ վայրերու մէջ:
Կոչումներ
ԽմբագրելՇնորհիւ իր վաստակին, 1967 թուականին արժանացած է Հայաստանի Վաստակաւոր գեղանկարիչի, ինչպէս նաեւ Հայաստանի Արուեստի վաստակաւոր գործիչի կոչումներուն[2]:
Ծանօթագրութիւններ
Խմբագրել- ↑ «Շարամբէեան Յովհաննէս»։ web.archive.org։ 2016-11-02։ արխիւացուած է բնօրինակէն-էն՝ 2016-11-02-ին։ արտագրուած է՝ 2023-04-25
- ↑ «ՅՈՎՀԱՆՆԷՍ ՇԱՐԱՄԲԷԵԱՆ (1926-1986)»։ www.jamanak.com։ արտագրուած է՝ 2023-04-25