Յօզէֆշթաթ

Յօզէֆշթաթ
Բնակավայր
	Յօզէֆշթաթ
	գերմաներէն՝ Josefstadt
	Զինանշան
Երկիր	Աւստրիա
	Martin Fabisch?
Տարածութիւն	1,08 քմ²
ԲԾՄ	209 մեթր
Բնակչութիւն	25 021 մարդ (1 Յունուար 2020)
Փոստային ցուցանիշ	1080
Պաշտօնական կայքէջ	wien.gv.at/bezirk…(գերմ.)

Յօզէֆշթաթ, կամ Վիեննայի Ութերորդ թաղամաս, Վիեննայի ամենափոքր թաղամասն է: Ան 1850-էն ի վեր մաս կը կազմէ Վիեննայի եւ կը գտնուի քաղաքի կեդրոնը:

Աշխարհագրութիւն

Յօզէֆշթաթ մաս կը կազմէ Վիեննայի կեդրոնը գտնուող թաղամասերուն: Դրացի թաղամասեր՝

հիւսիսէն՝ 9-րդ Ալզէրկրունտ
արեւելքէն՝ Ներքին քաղաք
հարաւէն՝ 7-րդ Նօիպաու
հարաւ-արեւմուտքէն՝ 16-րդ Օդդագրինկ
հիւսիս-արեւմուտքէն՝ 17-րդ Հէրնալս

Անոր տարածութիւնը 1,08 քմ. ք. է, տիրանալով Վիեննայի ամենափոքր թաղամասի տիտղոսին:

Տարածքի գործածութիւն

Յօզէֆշթաթ Վիեննայի ամենէ խիտ շենքերով շինուած թաղամասն է: Տարածքին միայն թէ 2% կանանչութիւնով լեցուն է:

Տարածքի օգտագործութիւն 2001 (հեքդար)
Շէնքեր/շինուած կարոցուածքներ			Կանաչութիւն						Ջրային	Փոխադրամիջոցներու տրամադրուած
76,23			2,2						–	29,94
Բնակարան	Գործարաններ	հանրային Հաստատութիւններ	Գիւղատնտեսական	Զբօսայգի	Անտառ	Մարգագետին	Փոքր պարտէզներ	Ազատ ժամի պարտէզներ
64,81	0,44	10,98	–	2,09	–	–	–	0,12

Բաժանմունքներ

Թաղամասը բաժնուած է վեց այլ մասերու՝ Ալդլերխընֆելտ, Ալզերֆորշթաթ, Յօզէֆշթաթ, Պրայթընֆելտ, Սբ. Ուլրիշ (Սանքդ Ուլրիշ) եւ Շթրոցիկրունտ: Այս բաժանմունքները ներկայիս մեծ դեր չեն խաղար, սակայն պատմական մասերն են, որոնց միացումով հիմնուեցաւ Յօզէֆշթաթ թաղամասը:

Այս մասերէն միայն թէ Ալդլերխընֆելտ, Պրայթընֆելտ, Յօզէֆշթաթ, Շթրոցիկրունտ եւ Սբ. Ուլրիշէն փոքր մասեր կը կազմէին Յօզէֆշթաթը (այն ժամանակ 7-րդ թաղամաս): 1961 Վիտընի բաժանումէն ետք Յօզէֆշթաթ եղաւ 8-րդ թաղամասը, եւ 1962 անոր աւելցաւ Ալզերֆորշթաթի հարաւային մասը:

Ժողովրդագրութիւն

Բնակչութեան զարգացում

Յօզէֆշթաթ 1869 կը բնակէին 53012 մարդիկ: Մինչեւ 1910, բնակչութեան թիւը շատ չփոխուեցաւ եւ հասաւ իր գագաթնակէտին՝ 53804: Ատկէ ետք, բնակչութեան թիւը հետզհետէ կը պակսէր: 2001-ին միայն թէ 22572 անձեր կ'ապրէին: Այս նուազումի բուն պատճառը բնակատարածքի պակասն էր: 2020 Յօզէֆշթաթ կ'ապրէին 25021 մարդիկ:

Բնակչութեան տարիք

Յօզէֆշթաթի բնակչութեան տարիքի միջինը Վիեննայի միջին տարիքի շատ մօտ է: 2020-ին միջինը 41,2 տարեկան էր, իսկ Վիեննայի ընդհանուրը՝ 41 տարեկան:^[2]

Բնակչութեան ծագում

Յօզէֆշթաթի բնակչութիւնը մեծամասնութեամբ Աւստրիացի է (68,9%^[3]): 17% կու գան Եւրոպական Միութեան երկիրներէն, իսկ մնացած 14,1% այլ երկիրներէ:^[3]

Զինանշան

Յօզէֆշթաթի զինանշանը կը ներկայացնէ հինգ նախկին թաղապետութիւնները, որոնք 1850-ին միացան Վիեննայի եւ կազմեցին 8րդ (նախ. 7րդ 1850-61) թաղամասը՝

Զինանշանի մէջտեղը կը գտնուի Սբ. Յովսէփ եւ կը ներկայացնէ Յօզէֆշթաթ, որուն անունը առնուած է Կայսր Յօզէֆ Առաջինէն: Աջ ձեռքը բռնած է ճերմակ շուշան մը, իսկ ձախ ձեռքով՝ Յիսուս մանուկը:
Վերի ձախ մասը կը ներկայացնէ Ալդլերխընֆելտը (հայ.՝ հին-Լերխընֆելտ, հին Արտոյտներու դաշտ): Կարմիր հիմը բաժնուած է արծաթագոյն խաչէ, եւ ամեն մէկ մասի վրայ կը գտնուին ոսկէգոյն արտոյտներ:
Վերի աջ մասը կը ներկայացնէ Ալզերֆօրշթաթ: Պատկերին վրայ կայ Կաչաղակ մը, նստած թուփի մը վրայ:
Վարի աջ մասը կը ներկայացնէ Շթրոցիկրունտը: Պատկերը կը ներկայացնէ Շթրոցի կոմսի զինանշանը՝ կարմիր հիմը երկուքի բաժնուած արծաթէ գերանէ մը:
Վարի ձախ մասը կը ներկայացնէ Պրայթընֆելտը: Պակերի վրայ կը գտնուի Սբ. Մարիա, կեցած ամպի մը վրայ: Ան հագած է ոսկէ հագուստ մը կարմիր վերարկուով: Անոր բռնած է ոսկէ արքայացուպ մը եւ խաչ մը գունտի մը վրայ (Reichsapfel, հայ.՝ կայսրութեան խնձորը): Պատկերը առնուած է «Շօթըն» թեմի զինանշանէն, որոնք այստեղ բազմաթիւ ժողովներ կը գումարէին:^[4]

Պատմութիւն

Յօզէֆշթաթ 1830-ին

Յօզէֆշթաթի այսօրուայ շրջանը պատմութեան մէջ շատ ուշ բնակեցուած է: Միայն Ներքին քաղաքի մօտ միջնադարէն ի վեր կար անանուն բնակավայր մը: 17-րդ դարէն սկսեալ, այս շրջանի մէջ սկսան բնակիլ մարդիկ: 1700 Վիեննա քաղաքը այս շրջանը վերածեց քաղաքի արուարձան եւ անոր անունը եղաւ Յօզէֆշթաթ (Կայսր Յօզէֆ Ա-ի անունով): 1801-ին Շօթընշթիֆթի միաբանութիւնը կը ծախէ իր այս տարածքի մէջ ունեցած կալուածները որպէսզի տեղ բացուի նոր շինարարութիւններու:

1850-ին Յօզէֆշթաթ կը միացուի Վիեննայի իբր 7-րդ թաղամաս: 1861 Վիտընի բաժանումէն ետք, Յօզէֆշթաթ կը դառնայ 8-րդ թաղամաս եւ 1862-ին անոր կը միանայ Ալզերֆորշթաթի հարաւային մասը:

Յօզէֆշթաթ շուտով դարձաւ քաղքենի դասակարգի բնակավայր: Այստեղ բնակած են եւ կը բնակին բազմաթիւ քաղաքական գործիչներ եւ պաշտօնեաներ: Հայնց Ֆիշըր, Աւստրիոյ նախագահը 2004-2016, նմանապէս կը բնակեր Յօզէֆշթաթի մէջ: Թաղամասը նոյնպէս ճանչցուած է իբր մտաւորականներով, արուեստագէտներով, դերասաններով եւ գրագէտներով լեցուն թաղամաս մը:

Քաղաքականութիւն

Համաշխարհային երկրորդ պատերազմէն ետք 1945-2005 Աւստրիոյ Ժողովրդական Կուսակցութիւնը (ԱԺԿ) Յօզէֆշթաթի բոլոր ընտրութիւնները շահած է, եւ ատեններ նոյնիսկ քուէներու մեծամասնութեամբ: Սակայն 90-ական թուականներէն սկսեալ ԱԺԿ-ի եւ Աւստրիոյ Սոցիալ-Դեմոկրատական Կուսակցութեան (ԱՍԴԿ) ձայները հետզհետէ կը պակսէին: Աւստրիոյ Ազատական Կուսակցութիւնը (ԱԱԿ) փախդատած այլ թածամասերու Յօզէֆշթաթի մէջ մեծ դեր չէ խաղցած: 2005-ին Կանաչները, գլխաւորութեամբ Հերիպերդ Ռահճեանի (հայ պանդոկապետ մը), հաղթեցին ընտրութիւնները եւ Ռահճեան դարցաւ թաղապետ: 2010-ի ընտրութիւններուն Ռահճեան հիմնեց նոր կուսակցութիւն՝ «Էխթ Կրիւն - Լիսդէ Հերիպերդ Ռահճեան»: 2010 եւ 2015 նորեն հաղթեց ԱԺԿ-ն իսկ 2020-ի ընտրութիւնները հաղթեցին Կանաչները:

Ծանօթագրութիւններ

↑ Statistik Austria - Bevölkerung zu Jahresbeginn 2002–2020 nach Gemeinden (Gebietsstand 1.1.2020)
↑ ktv_fbiechele։ «Die Josefstadt in Zahlen - Statistiken zum 8. Bezirk»։ www.wien.gv.at (գերմաներեն)։ արտագրուած է՝ 2021-07-02
↑ ^3,0 ^3,1 Յօզէֆշթաթը թիւերով 2020 (Die Josefstadt in Zahlen 2020): Արտագրուած է՝ 2021-09-03
↑ «Bezirk Josefstadt»։ www.viennatouristguide.at։ արտագրուած է՝ 2021-09-03

[[https://statistik.at/wcm/idc/idcplg?IdcService=GET_NATIVE_FILE&RevisionSelectionMethod=LatestReleased&dDocName=123069_Statistik_Austria_-_Bevölkerung_zu_Jahresbeginn_2002–2020_nach_Gemeinden_(Gebietsstand_1.1.2020)]<span_class="wef_low_priority_links"></span><div_style="display:none"></div>-1] Statistik Austria - Bevölkerung zu Jahresbeginn 2002–2020 nach Gemeinden (Gebietsstand 1.1.2020)

[:0-2] tv_fbiechele։ «Die Josefstadt in Zahlen - Statistiken zum 8. Bezirk»։ www.wien.gv.at (գերմաներեն)։ արտագրուած է՝ 2021-07-02

[:1-3] 3,0 ^3,1 Յօզէֆշթաթը թիւերով 2020 (Die Josefstadt in Zahlen 2020): Արտագրուած է՝ 2021-09-03

[4] «Bezirk Josefstadt»։ www.viennatouristguide.at։ արտագրուած է՝ 2021-09-03

[1]

[2]

[3]

[4]