Նշան Գալֆայեան
Նշան Գալֆայեան (16 Ապրիլ 1865, Պոլիս, Օսմանեան Կայսրութիւն - 17 Յունուար 1933, Թեհրան, Իրան), ճարտարագէտ, երկրագործ, հանրային գործիչ։ 1924-ին տեղափոխուած է Յունաստան, 1927-ին գացած է Իրան որպէս շահի կալուածներու գիտական ճիւղի պետ: Ընտրուած է ֆրանսական ակադեմիայի թղթակից անդամ[1]:
| Նշան Գալֆայեան | |
|---|---|
| Ծնած է | 16 Ապրիլ 1865 |
| Ծննդավայր | Պոլիս, Օսմանեան Կայսրութիւն |
| Մահացած է | 17 Յունուար 1933 (67 տարեկանին) |
| Մահուան վայր | Թեհրան, Իրան |
| Ուսումնավայր |
Սկիւտարի Ճեմարան Պէրպէրեան Վարժարան |
| Մասնագիտութիւն | Խմբագիր |
Կեանք եւ գործունէութիւն
ԽմբագրելԾնած է Պոլիս։Ննախնական կրթութիւնը ստաած է Սկիւտարի ճեմարանին մէջ, ապա յաճախած է Պէրպէրեան վարժարանը, աւարտած 1882 թուականին, մեկնած է Ֆրանսա եւ ուսած Երկրագործական բարձրագոյն ուսումնարանին մէջ։
Վերադառնալով Պոլիս, պաշտօնավարած է երկրագործական վարժարաններու մէջ։ Յօդուածներ տպագրած է թէ՛ եւրոպական, թէ Ճափոնի մէջ հրատարակուող շերամապահական հանդէսներու մէջ։
1904-1906 թուականներուն Պոլսոյ մէջ խմբագրած է «Ռեսիմլի զրաաթ ղազեթասը» պատկերազարդ թրքերէն շաբաթաթերթը։
Աշխատակած է «Արեւելք» թերթին։ Ապա պաշտօնավարած է Կարին քաղաքի Սանասարեան վարժարանին մէջ։ 1910 թուականին թուրք գիւղատնտես Սուլէյման Պէյի հետ հրատարակած է «Զրաաթ թաքվիմի» պարբերականը։
Սերտօրէն կապուած եղած է հայ հասարակական կեանքի հետ։ 1924 թուականին տեղափոխուած է Յունաստան, աշխատած է իր մասնագիտութեամբ։ 1927-ին հրաւիրուած է Իրան իբրեւ շահի կալուածներու գիտական ճիւղի պետ։
Ֆրանսական մամուլին մէջ գրած է շարք մը յօդուածներ։ Ընտրուած է ֆրանսական ակադեմիայի թղթակից անդամ։
Ծանօթագրութիւններ
ԽմբագրելԱղբիւրներ
Խմբագրել- Գառնիկ Ստեփանեան (1973), «Կենսագրական բառարան», Ա․ հատոր, Երեւան, էջ 223։