Շողիկ Թորոսեան
Սոփրանօ Շողիկ Թորոսեան Մեծի Տանն Կիլիկիոյ կաթողիկոսութեան «Շնորհալի» եւ Համազգայինի «Գուսան» երգչախումբերու մենակատարուհին է: Միաժամանակ ամէն կիրակի կ'երգէ Պէյրութի Սբ. Նշան մայր եկեղեցւոյ մէջՙ կատարելով հայկական հոգեւոր երգեր:
| Շողիկ Թորոսեան | |
|---|---|
| Ծնած է | 26 Հոկտեմբեր |
| Ծննդավայր | Պէյրութ, Լիբանան |
| Ազգութիւն | Հայ |
| Մասնագիտութիւն | Սոփրանօ երգչուհի, դասական երաժշտութիւն |
| Գործունէութիւն | Մեծի Տանն Կիլիկիոյ կաթողիկոսութեան «Շնորհալի» եւ Համազգայինի «Գուսան» երգչախումբերու մենակատարուհի |
| Աշխատավայր | երգի ուսուցչուհի Armenian Evangelical Central High School [1] |
| Ամուսին | Ռաֆֆի Թորոսեան |
Կենսագրութիւն
ԽմբագրելՇողիկ Թորոսեանի մայրը Խարբերդէն է, հայրը՝ Մարաշէն[2]: Ծնողքի քաջալերանքներով հետեւած է երաժշտական ուսման: 16 տարեկանին կը սկսի հետեւիլ ձայնամարզութեան դասընթացքներու: Թագուհի Թեքեան եղած է իր ուսուցչուհին: Երաժշտական կրթութիւն ստացած է «Բարսեղ Կանաչեան» երաժշտանոցին մէջ, որ գերազանցութեամբ աւարտած է 2007-ին: Կարճ ընթացք մը կը վարէ «Ռատիո Սեւան»ի «Մանուկներու աշխարհ» հաղորդաշարը[3]:
Յաճախած է Լեւոն եւ Սոֆիա Յակոբեան վարժարան ապա Ամերիկեան Համալսարան American University of Beirut (AUB):
Շողիկ Թորոսեանի ամուսինը՝ Ռաֆֆի Թորոսեան, որ մասնագիտութեամբ Ելեկտրականութեան-Ճարտարագէտ է, նոյնպէս երաժշտասէր է[2]:
Համերգներ
Խմբագրել2007-ին, կը սկսի իր համերգային գործունէութիւնը: 2009-էն սկսեալ գրեթէ ամեն տարի մենահամերգ կ'ունենայ Պէյրութի մեջ: Մենահամերգներով հանդէս եկած է Հայաստան, Պուլկարիա եւ ԱՄՆ: 2014 եւ 2015 թուականներուն յաջորդաբար կը հրաւիրուի ելոյթ ունենալու ՀՀ սփիւռքի նախարարութեան կազմակերպած «Իմ Հայաստան» փառատօնին: Հարկ է նշել, որ Շողիկ Թորոսեան միակն էր, որ ներկայացուց Լիբանանը «Երգում ենք Կոմիտաս» փառատօնին: 2015-ի Սեպտեմբերին ալ նշանակուած էր International Association of Singers-ի Լիբանանի ներկայացուցիչ[3]:
|
Ես դասական ոճի երգչուհի եմ եւ ծրագրիս մեջ ներառուած են հայկական ու եւրոպական դասական գործեր: Կոմիտասեան երգերն ինծի համար առանձնայատուկ նշանակութիւն ունին եւ ամէն համերգիս Կոմիտասը ներկայ է: Ձայնային տուեալներս թոյլ կու տան երգել նաեւ հայկական ռոմանսներ (Ռոմանոս Մելիքեան, Բարսեղ Կանաչեան, Նիկոլ Գալանտէրեան եւ այլն): Շատ կը սիրեմ «Անուշ» օփերան եւ երազանքս է Անուշի դերով հանդէս գալ Ալ. Սպենդիարեանի անուան օփերայի եւ պալեթի թատրոնի բեմի վրայ[3]: - Շողիկ Թորոսեան
|
|
Համերգ՝ Հայոց ցեղասպանութեան 100-ամեակին
ԽմբագրելՍոփրանօ Շողիկ Թորոսեանի դասական բարձրորակ համերգը տեղի ունեցաւ 28 Մարտ 2015-ին, կազմակերպութեամբ Համազգայինի Լիբանանի Շրջանային վարչութեան եւ հովանաւորութեամբ տէր եւ տիկին Յովիկ եւ Մարալ Քիւրքճեաններու, Պէյրութի ամերիկեան համալսարանի «Էսեմպլի հոլ» սրահին մէջ: Յայտագիրին առաջին բաժինը, որ նուիրուած էր Հայոց ցեղասպանութենէն վերապրած մեծ երաժիշտին` Կոմիտաս վարդապետին, Շողիկ Թորոսեան կրցաւ փոխանցել Կոմիտասի դիւթիչ երաժշտութեան արժէքը[4]:
Համերգ՝ Արցախեան քառօրեայ պատերազմի հերոսներուն
Խմբագրել7 Փետրուար 2018-ին, սոփրանօ Շողիկ Թորոսեան Երեւանի Կոմիտասի անուան կամերային տան մէջ համերգ ունեցաւ Հայաստանի սիմֆոնիկ նուագախումբին հետ` ղեկավարութեամբ Սերգէյ Սմբատեանի, նոր երգ թողարկած է` նուիրուած Արցախեան քառօրեայ պատերազմի հերոսներուն:
«Թալիշի դիրքերուն մէջ» կոչուող ստեղծագործութեան երաժշտութիւնը գրած է լիբանանահայ Վահրամ Էմմիեան, խօսքերը` արցախցի Միքայէլ Հաճեան: Երգը նուիրուած է Արցախեան քառօրեայ պատերազմի նահատակներ` Նորայր Հաջեանին եւ Սարգիս Խաֆալեանին [5]:
Պէյրութի նաւահանգիստի զոհերու յիշատակին
Խմբագրել2 Սեպտեմբեր 2020-ին, երեկոյեան ժամը 5:00-ին, Պէյրութի նաւահանգիստի պայթումի հանդիպակաց վայրին վրայ` «Պանդուխտ»ի յուշակոթողին դիմաց, տեղի ունեցաւ հոգեհանգստեան պաշտօն` պայթումի զոհերուն յիշատակին, ինչպէս նաեւ աղօթք բարձրացուեցաւ առ Աստուած` Լիբանանի վերականգնումի մաղթանքով եւ վիրաւորներու ապաքինման համար: Այս նախաձեռնութեան իրենց մասնակցութիւնը բերին Համազգայինի «Գուսան» երգչախումբը եւ սոփրանօ Շողիկ Թորոսեան[6]:
Համաշխարհային Երաժշտութեան Մրցոյթ, Վիեննա 2020 - «Ազգային Մրցանակ»
Խմբագրել7 Յուլիս 2020-ին, Վիեննայի մէջ տեղի ունեցած 28-րդ Համաշխարհային Երաժշտութեան մրցոյթի միջազգային դատական կազմի անդամները Շողիկ Թորոսեանին արժանացուցին «Ազգային Մրցանակ»ին՝ դառնալով Լիբանան առաջին մրցանակիրը [7]: WORLD MUSIC COMPETITION VIENNA 2020 "NATIONAL PRIZE" LEBANON'S 1-ST PRIZE - 28th world music competition.
Ծանօթագրութիւններ
Խմբագրել- ↑ Վերամուտի Պաշտամունք և Ճաշարանի Բացում
- ↑ 2,0 2,1 "ՍՓԻՒՌՔԻՆ ՄԵՋ ՄԻՇՏ Կը ՄԱՐՏՆՉԻՆՔ, ՈՐ ՀԱՅ ՄՆԱՆՔ"[permanent dead link]
- ↑ 3,0 3,1 3,2 ՇՈՂԻԿ ԹՈՐՈՍԵԱՆ. «ՀԱՅԱՍՏԱՆԸ ԴԱՐՁԱԾ Է ՄԵՐ ԱՄԵՆՕՐԵԱՅ ՄՏԱԾՈՒՄԸ»
- ↑ Շողիկ Թորոսեան Անզուգական Դասական Համերգով Գերեց Արուեստասէր Հասարակութիւնը[permanent dead link]
- ↑ երգչուհիին նոր երգը` նուիրուած Արցախեան քառօրեայ պատերազմի հերոսներուն [permanent dead link]
- ↑ Պէյրութի նաւահանգիստի զոհերու յիշատակին եւ աղօթք` Լիբանանի վերականգնման համար [permanent dead link]
- ↑ National Prize Lebanon Soprano Torossian Shoghig
Աղբիւրներ
Խմբագրել- Շողիկ Թորոսեան բացառիկ եւ տպաւորիչ դասական համերգով երաժշտական ուրոյն պահեր պարգեւեց արուեստասէրներուն (Լիբանան)
- ԲԱՐՍԵՂ ԿԱՆԱՉԵԱՆԻ «ԵՐԱԺՇՏԱԿԱՆ ԵՐԿԵՐՈՒ ԺՈՂՈՎԱԾՈՒ» ՀԱՏՈՐՆԵՐՈՒՆ ՇՆՈՐՀԱՀԱՆԴԷՍԸ ՏԵՂԻ ՈՒՆԵՑԱՒ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ
- Լիբանանահայութիւնը Մոմավառութեամբ Ոգեկոչեց Հայոց Ցեղասպանութեան Սուրբ Նահատակներուն Յիշատակը[permanent dead link]