Ուիքիփետիա:Ամսուան Իրադարձութիւնները/11-2021

Իրանի նախաձեռնած «Պարսից ծոց-Սեւ ծով» միջազգային փոխադրամիջոցային միջանցքի ծրագիրը, որուն կը մասնակցի նաեւ Հայաստանը, աստիճանաբար կը ձեւաւորուի: Իրագործման պարագային աշխարհաքաղաքական յաւակնութիւններ ունեցող այս մեծ նախագիծը կրնայ Հնդկաստանէն մինչեւ Արեւելեան Եւրոպայի երկիրներ երկարող տարանցիկ մեծ ճամբայ ձեւաւորել։
Թուրքիոյ Հանրապետութեան սահմաններուն մէջ գտնուող հայկական Մշոյ Ս. Առաքելոց վանքը այցելած շարք մը քաղաքացիներ, տեղւոյն իշխանութիւններուն կոչ ուղղած են` վերականգնելու կիսաւեր վանքը:
21 Նոյեմբերին տեղի ունեցած է Քաթարի կրան փրին, որ կ՛իյնայ «Ֆորմիւլա-1»-ի 2021-ի աշխարհի ախոյեանութեան ծիրին մէջ: Աշխարհի գործող ախոյեան անգլիացի Լուիս Հեմիլթըն հանդիսացած է առաջին, մինչ անոր ետին յաջորդաբար երկրորդ եւ երրորդ դիրքերը գրաւած են Մաքս Վերսթափեն եւ Ֆերնանտօ Ալոնսօ: