Պետրոս Շուժունեան
Պետրոս Շուժունեան (1957, Լենինական, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ երաժշտահան եւ երաժշտագէտ:
| Պետրոս Շուժունեան | |
|---|---|
 | |
| Ծնած է | 1957 |
| Ծննդավայր | Լենինական, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Հայաստան |
| Ուսումնավայր | Քվեբեկի կոնսերվատորիա? |
| Մասնագիտութիւն | երգահան, երաժիշտ, ջութակահար |
Կենսագրութիւն
ԽմբագրելԾնած է Գիւմրի: Յաճախած է անգլիական թեքումով դպրոց: Վեց տարեկանէն սկսած է ջութակ նուագել: 11 տարեկանին գրած է իր առաջին ստեղծագործութիւնը, որ մինչ օրս կը պահպանուի: Մինչեւ Քանատա մեկնիլը, 8-10 գործ գրած է՝ փոքրածաւալ ստեղծագործութիուններ ջութակի համար, սենեկային, քառեակ, երգչախմբային ստեղծագործութիւն Նարեկացիի «Մատեան ողբերգութիւն»-էն:
Աւարտած է Կոմիտասի անուան երաժշտանոցըը, ապա ընդունուած է Կարա-Մուրզայի անուան երաժշտական ուսումնարանը՝ ստեղծագործութեան եւ ջութակի դասարան, որուն ուսումնական 3-րդ տարին, 1976-ին, արդէն 18 տարեկան էր, երբ կը մեկնի Գանատա:
1972-1976 մաս կազմած է Գիւմրիի Սուրբ Աստուածածին եկեղեցւոյ դպրաց դասին:
1976-ին Պետրոս Շուժունեան ընդունուած է «Conservatoire de musique du Québec», ուսանած է քանատացի հանրածանօթ երգահան Ժիլ Թրամպլէյի (Gilles Tremblay) դասարանը՝ ստանալով երաժշտութեան մագիստրոսի աստիճան, 1982-ին[1][2]:
Ստեղծագործական կեանք
ԽմբագրելԵրգահան Շուժունեան սկսած է ստեղծագործել շատ խանուխ: Փորձառութիւն ձեռք բերած է հայկական երգչախմբային երաժշտութեան մէջ:
Ան հեղինակ է աւելի քան 100 ստեղծագործութիւններու, այդ շարքին․
- «Արարատ պոէմ» սիմֆոնիքը,
- «Կոմիտասին»,
- «Սայաթ-Նովա» հարուածային համերգային փունջը,
- 4 լարային քառեակ՝ ներշնչուած հայ շարականներէ,
- «Մաշտոց» զոյգ դաշնամուրային գործը,
- «Երեք մինիաթիւր» (Three pieces of ancient Armenian liturgical music) գրուած լարային քառեակի համար եւ այլն:
Իր ստեղծագործութիւնները կատարուած են քանատական նուագախումբերու կողմէ, հնչած են ձայնասփիւռներէն եւ հրատարակուած են տարբեր տեղեր:
Քանատայի հայ համայնքէն ներս Փրոֆ. Պետրոս Շուժունեան ունեցած է իր ներդրումը:
Ղեկավարած է Մոնթրէալի երկու հայկական երգչախումբեր՝ Համազգայինի «Քնար» երգչախումբը (1976 -1991) եւ Տիրամայր Նարեկի Հայ Կաթողիկէ եկեղեցւոյ «Ալէմշահ» երգչախումբը (1985-1996): Յիշեալ տարիներուն սոյն երգչախումբերուն հետ ձայնագրած եւ հրատարակած է հայ երաժշտահաններու ստեղծագործութիւններու արձանագրութիւները, գրառումները եւ Սուրբ Պատարագը: Ան պաշտօնավարած է Մոնթրէալի հայկական վարժարաններէն ներս, որպէս երաժշտութեան դասախօս՝ 1976-1985 Սուրբ Յակոբ Վարժարանին մէջ եւ 1985-1988՝ Նարեկ Վարժարանին մէջ:
Որպէս հաստատուած գանատացի երաժշտահան, Շուժունեան տարիներու ընթացքին աշխատած է բազմաթիւ նուագախումբերու հետ, ինչպէս՝ I Musici de Montreal, NEM, Kitchener, London (Ontario), Laval, եւ Marie-Josée Simard, Pierre Jasmin, Jean Laurendeau եւ այլ մեներգիչներու:
Անոր հետաքրքրութեան առանցքը կազմած է նուագախմբային, դաշնամուրային, սենեկային եւ երգչախմբային երաժշտութիւնը: Եղած է դասախօս Քեպէքի «Universite du Quebec a Montreal» համալսարանին մէջ: 1987-1988 եղած է Մոնթրէալի միջազգային օփերային փառատօնի գեղարուեստական ղեկավարի օգնական, 1988-1990՝ Մոնթրէալի Մեթրոփոլիթէն նուագախումբի աշխատակազմի ղեկավար:
1997-ին Label:SNE (Société Nouvelle d’Enregistrement) հրատարակած է ձայնասկաւառակ մը, ուր ներկայացուած են Պետրոս Շուժունեանի գործերը. սկաւառակը 1999 թուականին Լոս Անճելըսի «AMFA»-ի կողմէ արժանացած է «Best Modern International Award»-ին[3]:
Ծանօթագրութիւններ
Խմբագրել- ↑ «Petros Shoujounian» (անգլերէն)։ Musicaunica։ արխիւացուած է բնօրինակէն-էն՝ 11 April 2013-ին։ արտագրուած է՝ 17 March 2013
- ↑ Encyclopedia of Canada's Peoples Paul Robert Magocsi, Multicultural History Society of Ontario - 1999 - Page 224 "Armenians ...... composer; Gerard Kantarjian, violinist and former concertmaster with the Toronto Symphony Orchestra; Aline Kutan, ... Hratchia Sevadjian, violin teacher; Bedros Shoujounian, composer and choir director; and Zaven Zakarian, clarinetist."(անգլերէն)
- ↑ «Հայութեան հպարտանքներէն՝ երաժշտահան, երաժշտագէտ Պետրոս Շուժունեան - Darperag21» (en-US)։ 2023-08-22։ արտագրուած է՝ 2023-10-16