Պէյպի պումըր

Պէյպի պումըր (անգլ․՝Baby boomers), անգլիական եզր․ կը բնորոշէ Լուռ սերունդին յաջորդող եւ X սերունդին նախորդող ժողովրդագրական խումբը։ Պէյպի պումըր սերունդը կը ներկայացնէ ընդհանրապէս Ամերիկայի եւ Եւրոպայի այդ անձերը որոնք ծնած են 1946-1964 միջեւ։

Երկրորդ Համաշխարհային Պատերազմէն ետք, ծնունդներու մեծ աճ մը կ՛արձանագրուի։ Տարբեր լրագրողներ, յետ պատերազմեան բնակչութեան աճը նկարագրած են որպէս պայթիւն մը, ինչպէս օրինակ՝ Սիլվիա Ֆ․ Բորթըր «Նիու Եորք Բոսթ» 4 Մայիս 1951-ի իր յօդուածին մէջ։ Ան յենուած է Ա․Մ․Ն․ բնակչութեան աճի եղելութեան վրայ՝ 2 357 000 նոր ծնունդներ 1950-ին։

«Պէյպի պումըր» որպէս խումբ, իրմէ նախորդող բոլոր սերունդներէն եղած է ամենէն հարուստը եւ աւելի մարզուածը։ Առաջին սերունդն է որ մեծնալով կը տեսնէ ծողովուրդին վիճակին բարելաւումը։ Սակայն, այդ սերունդն է որ քննադատուած է իր գերսպառողութեան համար։

Կարեւոր եղելութիւններ ձեւակերպած են Պէյպի պումըր ժամանակաշրջանի մշակոյթը, ինչպէս օրինակ՝ Պաղ Պատերազմը, զանազան շարժումներ (բնութեան միջավայրի, հակապատերազմական, բնապահպանման, եւայլն)։

Պէյպի պումըր եզր

Պէյպի պումըր եզր առաջին անգամ գործածուած է Daily Press-ին մէջ՝ 28 Յունուար, 1963։ Իսկ Օքսֆորտ համալսարանի Անգլիական բառարանը եզրին արդի մեկնաբանումը կը ժամանակագրէ Ուաշինկթոն Բոսթ թերթին մէջ 23 Յունուար, 1970-ին լոյս տեսած մէկ յօդուածին մէջ։ Բիու Ուսումնասիրութիւններու Կեդրոնը, որպէս պէյպի պումըր կը բնորոշէ անոնց որ ծնած են 1946-1964 միջեւ։ Ա․Մ․Ն․ Ժողովրդագրական Գրասենեակը որպէս պէյպի պումըր կը բնորոշէ՝ «այդ անձերը որ ծնած են Ա․Մ․Ն․ մէջ 1946-1964 տարիներուն ընթացքին»։ Ա․Մ․Ն․ Պահեստի Դաշնակցային Խորհուրդը 1946-1964 ժամանակաշրջանը կը գործածէ բնորոշելու համար պէյպի պումըը-ները։ Աւստրալիոյ վիճակագրական Սպասարկութիւնը, ինչպէս նաեւ Աւստրալիոյ Ընկերական Ուսումնասիրութիւններու Կեդրոնը պէյպի պումըր կը բնորոշեն այդ անձերը, որոնք ծնած են 1946-1964 միջեւ։

^[1] ^[2] ^[3] ^[4] ^[5] ^[6] ^[7] ^[8] ^[9] ^[10]

Ծանօթագրութիւններ

[1] The Atlantic․ Ո՞ւր կը սկսի իւրաքանչիւր սերունդ եւ ո՞ւր կը վերջանայ, հետեւելով փաստերը Պամպ Ֆիլիփ, 24-3-2014(անգլերէն)

[2] Սերունդները բնորոշելով, Մայքլ Տիմոք, 17-1-2019(անգլերէն)

[3] Ինչպէս Պէյպի պումըրս, X սերունդը եւ Միլենիալս առին իրենց անունները, Օսթին Թոմսըն, 10-4-2024(անգլերէն)

[4] Տէյլի Բրես, 28-1-1963 Պէյպի Պումըրս(անգլերէն)

[5] «baby boomer»- բառարան Oxford English Dictionary. 1974(անգլերէն)

[6] Ինչպէ՞ս Պէյպի պումըրս Ամերիկայի ապագան քանդեցին․ Ալեքս Պլէյնս, Յունիս 29, 2013(անգլերէն)

[7] Ա․Մ․Ն․ Ժողովրդագրական Գրասենեակ, Տնական հարստութիւնը 1989-էն ետք(անգլերէն)

[8] TIME Magazine. Տնտեսութիւնը՝ Պէյպի պում, 9-2-1948(անգլերէն)

[9] The Australian Journal of Emergency Management Մեծ Փոփոխութիւնը, Սալթ, Պերնարտ Նոյեմբեր 2003(անգլերէն)

[10] Աւստրալիոյ ժողովրդագրութեան վիճակագորթիւն Յունիս 2019, 19-12-2019(անգլերէն)

[1]

[2]

[3]

[4]

[5]

[6]

[7]

[8]

[9]

[10]