Հորմուզի Նեղուց

Հորմուզի Նեղուցը կը գտնուի Օմանի եւ Պարսից ծոցի միջեւ: Պարսից ծոցէն դէպի ովկիանոս բացուող միակ միջոցն է այս նեղուցը, որուն պատճառով ալ նկատուած է իբրեւ աշխարհառազմավարական կարեւորագոյն կէտերէն մէկը: Նեղուցի հիւսիսը կը գտնուի Իրանը, իսկ հարաւը՝ Արաբական Միացեալ Էմիրութիւնները եւ Օմանի արտագաւառը: Նեղուցի երկարութիւնը կը հասնի մօտաւորապէս 90 մղոնի (167քմ), իսկ անոր լայնութիւնը կը տարածուի մօտաւորապէս 21 (39քմ)-էն 52 մղոնի (96քմ) միջեւ: