Վարդան Մարաշլեան
Վարդան Մարաշլեան (8 Յուլիս 1975), հայ հասարակական եւ պետական գործիչ, «Վերադարձ Հայաստան» հասարակական կազմակերպութեան գործադիր տնօրէն[1]։
| Վարդան Մարաշլեան | |
|---|---|
| Ծնած է | 8 Յուլիս 1975 (49 տարեկան) |
| Մասնագիտութիւն | տնտեսագէտ, հանրային գործիչ |
Կենսագրական գիծեր
ԽմբագրելԾնած է Հայաստան: Աւելի քան քսանհինգ տարի ապրած է Մոսկուա: 2010-ին ընտանիքին հետ տեղափոխուած է Հայաստան եւ այժմ կ'ապրի Երեւան իր կնոջ եւ երկու զաւակներուն հետ:
Գործունէութիւն
ԽմբագրելՎարդան Մարաշլեան ունի աւելի քան 18 տարուան փորձառութիւն թէ, պետական եւ թէ սեփական մարզերու մէջ: 1997-ին Մարաշլեան աւարտած է Ելեւմտական Ակադեմիան, տիրանալով միջազգային տնտեսագիտութեան վկայականին: 2000- ին տիրացած է տնտեսագիտութեան դոկտորական վկայականին, Մոսկուայի Պետական Համալսարանէն:
Նախքան «Repat Armenia» հիմնադրամի ստեղծումը, Մարաշլեան Սփիւռքի նախարարի տեղակալը եղած է, ինչպէս նաեւ պատասխանատուն՝ ԱՊՀ –ի տարածքի հայկական համայնքներուն հետ ծրագիրներ մշակելու, համահայկական մասնագիտական համաժողովներու կազմակերպման եւ Սփիւռքի ուղղուած ծրագիրներ ստեղծելու. այս բոլորը կը նպատակադրեն պատրաստել երիտասարդ ղեկավարներ եւ լրագրողներ:
Մարաշլեան աշխատած է նաեւ իբրեւ տնտեսական խորհրդական Միջազգային Զարգացման Բրիտանական Բաժանմունքին, ինչպէս նաեւ օգնական Հայաստանի Հանրապետութեան վարչապետին:
Մարաշլեան յանձնառու է Հայ Դատի ուղղութեամբ տարուած աշխատանքներուն: Գործօն անդամներէն եղած է Մոսկուայի հայկական գաղութին, Մոսկուայի հայ երիտասարդ մասնագէտներու կազմակերպութեան վարչական կազմին, ինչպէս նաեւ խորհրդական ՝ Մոսկուայի Պետական Համալսարանի հայ ուսանողներու միութեան:
Ծանօթագրութիւններ
Խմբագրել- ↑ Վարդան Մարաշլյան // Repat Armenia Archived 2015-02-28 at the Wayback Machine. (անգլերէն)