Վարուժան Հերկելեան

Արքեպիսկոպոս

Վարուժան արք․ Հերկելեան (Պօղոս Հերկելեան, 18 Մայիս 1946(1946-05-18), Այնճար, Զահլեի շրջան, Պեքաա, Լիբանան), հայ արքեպիսկոպոս։ Ունեցած է կեղեցական, կրթական, հրատարակչական եւ գրական գործունէութիւն։

Վարուժան Հերկելեան
Varoujan Arkebisgobos.jpg
Ծնած է 18 Մայիս 1946(1946-05-18) (75 տարեկան)
Ծննդավայր Այնճար, Զահլեի շրջան, Պեքաա, Լիբանան
Ուսումնավայր Մեծի Տանն Կիլիկիոյ Կաթողիկոսութեան Դպրեվանք
Մասնագիտութիւն արքեպիսկոպոս, կղերական

Կենսագրական գիծերԽմբագրել

Ծնած է 1946-ին Այնճար՝ աւազանի անունով Պօղոս: Նախնական կրթութիւնը ստացած է ծննդավայրին մէջ որմէ ետք յաճախած է Կիլիկիոյ Կաթողիկոսութեան դպրեվանքը զայն աւարտելով 1967-ին:

Ծառայած է որպէս ուսուցիչ եւ տնօրէն Այնճարի, Զահլէի եւ Թռչնոց Բոյնի մէջ: Իբրեւ հոգեւորական իր ծառայութիւնները տարածուած են Լիբանանի, Կիպրոսի եւ Յունաստանի մէջ:

1997-ի Օգոստոսէն 2014-ի Մայիսը եղած է Կիպրոսի Հայոց Թեմի Կաթողիկոսական փոխանորդ[1]: 2003-ին ստացած է Արքեպիսկոպոսի կոչում[2]:

ԳործունէութիւնԽմբագրել

Տ. Վարուժան Սրբազան ունեցած է բեղուն եկեղեցական, կրթական, հրատարակչական եւ գրական գործունէութիւն: Ան հիմնադիրն է «Գառնի» մատենաշարին որ լոյս ընծայած է 41 հատորներ: 1993-էն սկսեալ կը հրատարակէ «Արծիւ» ամսաթերթը (www.ardziv.com) որ կը շարունակուի մինչեւ այսօր:

1997-էն ի վեր կը հրատարակէ Կիպրոսի Առաջնորդարանի «Գեղարդ» լրատուն: Սփիւռքահայ մամուլին մէջ հանդէս եկած է բազմաթիւ յօդուածներով՝ ազգային-կրթական եւ մշակութային թեմաներով: Ցարդ հրատարակած է հինգ հատորներ․-

  • «Հայաստանեայց Եկեղեցին Կիպրոսի Մէջ» (2003),
  • «Ատանայի Վկաները եւ Ս. Ստեփանոս Վկայարանը – 1909» (2010),
  • «Թղթակցութիւն Սահակ Բ. Կաթողիկոսի եւ Պետրոս արք. Սարաճեանի» (2010),
  • «Կիպրոսի Թեմի Հովուական Կարգը եւ Թեմական Կազմաւորումը» (2011),
  • «Տարագրութիւն, Որբեր, Մելգոնեան Հաստատութիւն» (2011)։

Անոր «Աւագ շաբաթ» հատորը լոյս տեսած է 2015-ին (846 էջ)։ Հատորը կ'ընդգրկէ Աւագ շաբթուան ընթացքին կատարուող եկեղեցական բոլոր աղօթքներն ու շարականները: Ան նուիրուած է Հայոց ցեղասպանութեան 100-ամեակին առիթով սրբադասուած նահատակներու յիշատակին:

«Դիւան Նոր Ջուղայի Ս. Ամենափրկիչ վանքի» մաս Բ., Էջմիածնի կաթողիկոսներու կոնդակներ (1705-1800)  հատորը լոյս տեսած է Վարուժան արքեպիսկոպոսի աշխատասիրութեամբ:

Յաջորդ հատորները լոյս տեսած են Անթիլիասի տպարանէն` իբրեւ «Գէորգ Մելիտինեցի» գրական մրցանակի հրատարակութիւններ:

ԾանօթագրութիւններԽմբագրել

  1. «The Church | CYPRUS ARMENIANS | GIBRAHAYER»։ www.hayem.org (անգլերէն)։ արտագրուած է՝ 2021-11-25 
  2. «Մուսալեռցի - Այնճարցի Գրագէտներ»։ mousaleranjar.org (hy-AM)։ արտագրուած է՝ 2021-11-25