Վերժինի Կիւյօ(ֆր.՝ Virginie Guyot, ծնած Վերժինի Պուասիէ ֆր.՝ Virginie Boissière, (30 Դեկտեմբեր, 1976, Անժէ):[1]) Ֆրանսական Օդային Բանակին մէջ «կործանիչ օդաչու»: 11 Մայիս, 2009-ին, առաջին կինը Ֆրանսական Ջոկատին մէջ[2] ։ Յետոյ Ֆրանսական Ջոկատի գլխաւոր օդաչու միակ կինը այդ պատասխանատուութեամբ՝ ճարտար օդաչուութեան ջոկատներուն մէջ։

Վերժինի Կիւյօ
Virginie-Guyot.jpg
Ծնած է 30 Դեկտեմբեր, 1976
Ծննդավայր Անժէ
Քաղաքացիութիւն Flag of France.svg Ֆրանսա
Ուսումնավայր Ազգային ռազմական ուսումնարան
Մասնագիտութիւն օդաչու, զինուորական
Աշխատավայր Ֆրանսական Օդային Բանակ

ԱսպարէզԽմբագրել

Վերժինի Կիւյօ 12 տարեկան էր, երբ առաջին անգամ ըլլալով կը թռչի եւ այդ մէկը մեծ ուրախութիւն կը պատճառէ իրեն:[3] ։ Կ՛ուսանի Օթանի Զինուորական Երկրորդական վարժարանին մէջ (Lycée militaire d'Autun)։ Նախ կը ցանկայ ուղղաթիռի օդաչու ըլլալ, սակայն բժշկական քննութիւնները չեն արտօներ իրեն շարունակել այդ ասպարէզը։ 1997-ին կը մտնէ École de l'Air (Սալոն տը Փրովանս - Salon-de-Provence), ուր կը հետեւի «կործանիչ»ի դասընթացքներուն։ 2002-ին կը միանայ «2/33 Savoie» ճանաչումի գունդին, Ռենսի (Reims) մէջ։ Հոն կը թռչի Mirage F1-CR օդանաւով։ 2007-ին կը դառնայ նաւախմբակի առաջնորդ, իսկ 2009-ին գունդի առաջնորդ։ Մասնակցած է մարտական գործողութիւններու Չադի, Տարֆուրի (opération « Épervier »), Տաճիկիստանի եւ Աֆղանիստանի մէջ (opération « Serpentaire »

2009-ին, 32 տարեկանին, առաջնորդ Վերժինի Կիւյօ կը մտնէ Ֆրանսական Ջոկատ -«Patrouille de France»-, ու կը դառնայ այս ճարտար օդաչուութեան ջոկատին առաջին կին օդաչուն[4]։ 25 Նոյեմբեր, 2009-ին, կոչուած է ջոկատի գլխաւոր օդաչուն։ Հոկտեմբեր 2010-ին, մէկ տարի Ֆրանսական Ջոկատը առաջնորդելէ ետք, առաջնորդութիւնը կը յանձնէ իր օգնականին՝ Սէտրիք Թրանշոնի։

Վերժինի Կիւյօ 2010-ին կը ստանայ «Ոսկեայ Կին» շքանշանը[5]։

Միջնորդութիւններ՝ Ֆրանսական Ջոկատ մուտք գործելու ատենԽմբագրել

Վեց ամիս մարզուելէ ետք, տեղեկատուութեան միջոցները շատ կը խօսին Վերժինի Կիւյոյի 2009-ին Ֆրանսական Ջոկատ ընդունուելուն մասին[6]։ Այսպէս ժողովուրդը կը ճանչնայ Ֆրանսական Ջոկատի առաջին կին օդաչուն. արդէն ճանաչում գտած էր Գարոլին Էկլը, որ 1999-ին դարձած էր առաջին «կործանիչ»ի Ֆրանսական Օդային Բանակի կին օդաչուն[7]։ Վերժինի Կիւյօ հպարտ է իր այս նշանակումով, բայց չ՛ուզեր կիներուն իտէալը դառնալ.այս պաշտօնին ստանձնումը կը նախընտրէ մեկնաբանելորպէս արդիւնք իր աշխատանքին,ինչպէս նաեւ քիչ մըն ալ բախտի կը հաւատայ[8]։

Վերժինի Կիւյօ Ֆրանսական Օդային Բանակէն 2015-ի ամրան կը մեկնի։

ԾանօթագրութիւններԽմբագրել

  1. Journée de la femme à l'hôtel de Brienne
  2. Gilles Halais Une première femme au sein de la Patrouille de France », France Info, 12 Մայիս, 2009-ին:.
  3. Gil Roy, « Virginie Guyot, du 2/33 Savoie à la Patrouille de France », sur aerobuzz.fr, 12 Յունուար, 2010.
  4. Thierry Vigoureux, « Virginie Guyot, première femme aux commandes de la Patrouille de France sur lepoint.fr, 26 Նոյեմբեր, 2009.
  5. « Virginie Guyot, femme en or », sur defense.gouv.fr, 12 Հոկտեմբեր, 2010.
  6. Sylvie Peres-Lugassy, « Elle est la 1ère femme pilote de la Patrouille de France », sur laprovence.com, 12 2009.
  7. « [...] Mais ce n'était pas la première femme à être brevetée pilote de chasse. C'était Élisabeth Boselli, brevetée à Tours en 1946 ». Cf. Le piège, Revue des anciens élèves de l'École de l'air, « Femmes pilotes militaires », Թիւ 191, Դեկտեմբեր 2007, էջ 5.
  8. « Pilote. Virginie Guyot, l'étoile montante », sur letelegramme.com, 13 Յուլիս 2009.