Տիգրան Ժամկոչեան

Տիգրան Ժամկոչեան (Ծնած է 1940, Պէյրութ) Լիբանանահայ երգիչ

Տիգրան Ժամկոչեան
Ծնած է	1940
Ծննդավայր	Պէյրութ, Լիբանան
Կրօնք	Քրիստոնեայ
Մասնագիտութիւն	երգիչ

Կենսագրութիւն

Տիգրան Ժամկոչեան ծնած է Պէյրութ, 1940-ին։ Պետական Երաժշտանոցը աւարտելէ ետք, մասնագիտանալու համար մեկնած է Իտալիա, ուր Վենետիկի Պետական Երաժշտանոցի Հինգ տարուան դասընթացքը աւարտած է երկու տարիէն, արժանանալով «Մաեստրօ» տիտղոսին, բարձրագոյն պատուով։ Վենետիկի Երաժշտանոցի պատմութեան մէջ առաջին աշակերտը եղած է, որ նման նուաճում մը կատարած է։ Տիգրան Ժամկոչեան իր առաջին երգահանդէսը տուած է Զուիցերիոյ մէջ 1962-ին։ Այնուհետեւ երգահանդէսները տուած է Իտալիոյ, Աւստրիոյ, Հոլանտայի, Թուրքիոյ, Հայաստանի եւ Լիբանանի մէջ։

Գործունէութիւն

1964-ին մասնակցած է Վենետիկի օգոստոսեան միջազգային փառատօնին։ Մասնակցող 60 երգիչ-երգչուհիներու եօթը լաւագոյններէն մէկը հանդիսացած է եւ արժանացած է Իտալիոյ արտաքին գործոց նախարարութեան մրցանակին։

1965-ին Վենետիկի փառատօնին, Տիգրան Ճամկոչեան հանդէս եկած է Հայկական տարազով եւ մեծ հետաքրքրութիւն ստեղծած է ունկնդիրներու մէջ։

1965-ին երեւանին Համերգային մեծ դահլիճին մէջ Հայաստանի պետական սեմֆոնիք նուագախումբի ընկերակցութեամբ արուեստասէր հասարակութեան կողմէ։

Երեք տարի աշակերտած է Լիբանանի Պետական Երաժշտանոցին, ուսուցիչ ունենալով Ալեքսի Քարնաուքոֆը։ Մասնակցած է Եւրոպայի 18-րդ Երաժշտական մրցումին որ տեզի ունեցած է Ժընեւի մէջ մասնակցութեամբ 36 երկիրներէ եկած 327 ամաթէօր եւ փրոֆեռիոնէլ երգիչներու։ Մրցումը տեղի ունեցած է 23 Սեպտ., 1962-ին հեղինակաւոր երաժշտագէտներէ բաղկացած դատական կազմի մը հսկողութեամբ։ Զտումի մնացած 18 արուեստագէտներէն մին կ'ըլլայ Տիգրան։

Լիբանանահայ պարիթոն Տիգրան Ժամկոչեան բազմաթիւ ուրիշ յաջողութիւններու կարգին՝ երկու տարի յաջորդարար շահած է Իտալիոյ Արտաքին Նախարարութեան Ա. մրցանակը (200 տոլար) մասնակցելով Վենետիկի միջազգային փառատօնին։ Ան Հրաւիրուած է Մոսկուա 1965 Հոկտ.ին, ինչպէս նաեւ Հայաստան, ուր տուած է երգահանդէս մը ընկերակցութեամբ Երեւանի Ֆիլհարմոնիք նուագախումբին։

Տիգրան Ժամկոչեան իսկապէս պատիւ բերած է Հայ ժողովուրդին եւ Լիբանանին։