Namib-Naukluft ազգային պուրակ

Namib-Naukluft ազգային պուրակ
Ազգային պուրակ
	Namib-Naukluft ազգային պուրակ
	Namib-Naukluft ազգային պուրակ
Երկիր	Նամիբիա
Հիմնադրուած է՝	1907
Տարածութիւն	49,768քլ քմ²

Namib-Naukluft ազգային պուրակ (անգլ․՝Namib-Naukluft National Park)․ կը գտնուի արեւմտեան Նամիպիա, Ադլանտեան Ովկիանոսի ափին եւ հարաւային Ափրիկէի Մեծ Զառիթափին միջեւ։ Կը պարփակէ Նամիպիոյ անապատէն մաս մը (կը սեպուի աշխարհի ամենէն հին անապատը), Naukluft լեռնաշղթան եւ Sandwich Harbour-ի ծովալիճը։ Հիմնադրուած է 1907-ին։ Պուրակին ամենէն ծանօթ եւ զբօսաշրջիկներ գրաւող մասը Sossusvlei-ն է՝ կաւէ հողաւազան մը, աւազակոյտերէ շրջապատուած, ինչպէս նաեւ Tsauchab վաղանցուկ գետի Sesriem ձորը։ Պուրակին մէջ հաստատուած է Gobabeb՝ անապատի գիտական հետազօտութեան կայանը։

Դիրք եւ նկարագրութիւն

Namib-Naukluft ազգային պուրակ

Namib-Naukluft ազգային պուրակին տարածութիւնը 49,768քլ²։ Կ՛ընդգրկէ Ադլանտեան Ովկիանոսին ծովեզրէն ցամաքամաս մը որ իր մէջ պարփակած է 1․609քլ ծով։ Հիւսիսէն դէպի հարաւ երկարութիւնը 600 քլ է․ Swakop գետէն մինչեւ B4 ճամբան (Նամիպիա)՝ դէպի Lüderitz քաղաքը։

Նամիպ «բաց վայր» կը նշանակէ եւ Նամիպիա անունը յառաջացած է Նամիպ անապատէն․ Նամիպիա՝ «բաց տարածքներու երկիրը»։

Աշխարհագրութիւն

Շրջանը կը յատկանշեն բարձր եւ մեկուսացած որձաքարէ ժայռաբլուրները, որոնք հարուստ են պնդաքարով եւ աւազաքարով։ Ադլանտեան Ովկիանոսէն եկած մառախուղը խոնաւութիւն կ՛առաջացնէ որ իր կարգին անձրեւի նման կը տեղայ շրջանին մէջ (Փետրուարէն՝ Ապրիլ)։

Աւազին վառ նարնջագոյն գոյնը կը ցուցնէ անոր տարիքը։ Ծովեզրին մօտ են բրգաձեւ աւազակոյտերը, իսկ անոր երկայնքին գտնուող ծովալիճերը, խոնաւ տարածութիւնները եւ ցեխոտ տափաստանները կը ներգրաւեն անհամար թռչուններ։

Պատկերասրահ

Աւազակոյտեր
Kuiseb Canyon
Kuiseb գետ եւ ստեղծուած ծովալիճեր
Sesriem
Sesriem Canyon
Sesriem

Վայրի կեանք

Էակներու բազմաթիւ տեսակներ կ՛ապրին այդ անջրդի շրջանին մէջ, ինչպէս օրինակ՝ օձեր, քարաթոթոշներ, արտառոց միջատներ, բորերիներ, ափրիկեան յամոյրներ, ոստնող վիթեր, ընձառիւծներ, ափրիկեան վայրի կատուներ, ափրիկեան աղուէս, շանագլուխներ (baboons), լուսաններ, թակականջ աղուէսներ (bat-eared fox) եւ գայլաշուներ։

Պատկերասրահ

^[1] ^[2] ^[3] ^[4] ^[5]

Ծանօթագրութիւններ

[1] Namib-Naukluft ազգային պուրակ(անգլերէն)

[2] Վայրի որդերէութեն ուղեցոյց(անգլերէն)

[3] Նապիպիոյ Namib-Naukluft ազգային պուրակ(ֆր.)

[4] Namib-Naukluft ազգային պուրակ - Նապիպիոյ բնապահպանման շրջան(անգլերէն)

[5] Namib-Naukluft ազգային պուրակ․ Արագ ուղեցոյց(անգլերէն)

[1]

[2]

[3]

[4]

[5]