Արարատ (թերթ)

Արարատ; Արարատ
Տեսակ	թերթ
Լեզու	հայերեն
Խմբագիր	Արմենակ Էլոյան, ; Արսեն Կիտուր, ; Միհրան Սեֆերյան, ; Արմեն Դարիպ, ; Վահան Տոնապետյան, ; Հովսեփ Ճիռյան, ; Ասատուր Էլճանյան, ; Հրանա Գանգրունի, ; Ժիրայր Նայիրի, ; Ահարոն Շխրտմյան, ; Ավետիս Փոշողլյան
Հիմնադրուած է	12 Նոյեմբեր 1937
Երկիր	Լիբանան
Հրատարակման վայր	Պէյրութ
Կայք	araraddaily.com

«Արարատ», ազգային, քաղաքական եւ գրական երկօրեայ, յետագային՝ օրաթերթ, Լիբանանահայ օրաթերթ եւ պաշտօնական օրկան Լիբանանի Սոցիալ դեմոկրատ Հնչակեան կուսակցութեան (Ս.Դ.Հ.Կ.-ի)։ Հիմնադրուած է Նոյեմբեր 1937-ին Պէյրութի մէջ (Լիբանան)։ Ունեցած է քաղաքական, լրատուական, մշակութային եւ մարզական հարուստ բովանդակութիւն։ Կարեւոր եւ ազդեցիկ դեր ունեցած է Լիբանահայ կեանքին մէջ։

Յունիս 2001-էն կը շարունակէ լոյս տեսնել որպէս շաբաթաթերթ։ Արտօնատէրեր՝ Գրիգոր Հաճընլեան, 1992-էն՝ «Մասիս» հրատարակչական ընկերութիւն։ Պատասխանատու տնօրէններ՝ Օննիկ Ճամպուլեան, 1992-95-ին՝ Ժիրայր Նայիրի (Թոսունեան) եւ 1995-էն՝ Հրանա Գանգրունի (Աբիսալոմ Գրըշըքեան)։ Խմբագիրներ՝ Արմենակ Էլոյեան, Արսէն Կիտուր, Միհրան Սեֆերեան, Արմէն Դարիպ, Վահան Տօնապետեան, Յովսէփ Ճիռեան, Ասատուր Էլճանեան, Հրանա Գանգրունի, Ժիրայր Նայիրի, Ահարոն Շխրտմեան, Աւետիս Փոշօղլեան։

Նիւթեր Խմբագրել

Կը տպագրէ նիւթեր Հնչակեան կուսակցութեան պատմութեան եւ արդի գործունէութեան վերաբերեալ, կ՚անդրադառնայ արեւմտահայութեան պատմական ճակատագրի հարցերուն։ Կը լուսաբանէ հայկական, լիբանանեան եւ միջազգային քաղաքական, տնտեսական, մշակութային, գիտական եւ մարզական անցուդարձը։ Նոր տարուան առիթով կը հրատարակէ բացառիկ համարներ։ Յատուկ համարներ հրատարակած է նաեւ Եղեռնի 50-ամեակի եւ արաբերէնով՝ 80-ամեակի առիթով։ Տարբեր ժամանակներու լոյս ընծայած է «Արարատ շաբաթօրեակ» (1949-54, խմբագիր՝ Յակոբ Պարսումեան), «Արարատ գրական» (1956-65, խմբագիր՝ Յակոբ Նորաշխարհեան), «Արարատ մարզական» (1956-58, խմբագիր՝ Գէորգ Տարօնի. վերահրատարակուած է 1992-ին, խմբագիրներ՝ Գրիգոր Քէօշկերեան, Կարօ Գոճաւագեան, Աւետիս Փոշօղլեան) եւ «Արարատ երիտասարդական» (1985-92, խմբագիրներ՝ Եղիկ Ճէրէճեան, Աւետիս Փոշօղլեան) յաւելուածները։

Նշումներ Խմբագրել

Kevork Yazdjian, Lebanese-Armenian press in 2002, Yerevan, 2004, 47 p. ISBN 99930-4-293-5

Արտաքին յղումներ Խմբագրել

Պաշտօնական կայքը

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։