Արա Արծրունի
Արա Արծրունի (11 Նոյեմբեր 1932, Պէյրութ, Լիբանան - 29 Հոկտեմբեր 2018, Պէյրութ, Լիբանան), լիբանանահայ արձակագիր, թատերագիր եւ հրապարակագիր։
| Արա Արծրունի | |
|---|---|
 | |
| Ծնած է | 11 Նոյեմբեր 1932 |
| Ծննդավայր | Պէյրութ, Լիբանան |
| Մահացած է | 29 Հոկտեմբեր 2018 (85 տարեկանին) |
| Մահուան վայր | Պէյրութ, Լիբանան |
| Մասնագիտութիւն | գրագէտ |
| Երեխաներ | Արսէն Արծրունի |
Կեանք եւ գործունէութիւն
ԽմբագրելԾնած է Պէյրութ՝ վանեցի ծնողքէ[1]։ ուսումը ստացած է Համազգայինի Նշան Փալանճեան ճեմարանին մէջ: Գրական գործերով աշխատակցած է «Բագին» եւ «Կամար» հանդէսներուն, «Սփիւռք» եւ «Արծիւ» շաբաթաթերթերուն, ինչպէս նաեւ «Ազդակ» օրաթերթին:
Հրապարակագրական յօդուածները լոյս տեսած են «Ազդակ»-ի եւ «Արծիւ»-ի մէջ: Անդամ եղած է Հայաստանի գրողներու միութեան` 2012 թուականէն:
Գիրքեր
ԽմբագրելՀրատարակուած գիրքերն են`
- «Վիրաւոր ծիծեռնակը» (պատմուածքներ), Պէյրութ, 1967,
- «Եղեռնի հետքերով» (հրապարակագրական), Պէյրութ, 1972,
- «Ես զոհ, ես դահիճ» (4 թատրերգութիւններու հաւաքածոյ), Ա. տպագրութիւն` Երեւան, 1993, Բ. տպագրութիւն` Պէյրութ, 1995,
- «Անաւարտ վէպը» (թատրերգութիւն), Պէյրութ, 2006,
- «Ողջոյն…», «Պահածոյի տուփերը» (թատրերգութիւններ), Անթիլիաս, 2006,
- «Մարիօ՛, ծաղկա՛ծ են ծառերը», թատրերգութիւն), Պէյրութ, 2008,
- «Թատրերգութիւններ» (երկու հատոր, ինը թատրերգութիւն), Երեւան, 2010,
- արեւելահայերէնի վերածուած, «5 թատրերգութիւններ», Պէյրութ, 2012,
- «Ծուէնները» (Երեւակայածին վէպ), Պէյրութ, 2017:
Թատերախաղեր
ԽմբագրելԱրծրունի գլխաւորաբար ճանչցուած է իր հեղինակած թատերախաղերով: 2018-ին Յակոբ Տէր Ղուկասեանի բեմադրութեամբ Համազգայինի «Գասպար Իփէկեան» թատերախումբը բեմ բարձրացուցած է Արծրունիի «Կոնտոլիզա, իմ սէր» թատերախաղը․ դարձեալ Յակոբ Տէր Ղուկասեանի բեմադրութեամբ, նոյն տարին, բեմադրուած է անոր «Մժեղը» թատերախաղը, արաբերէնով:
Պարգեւներ եւ շքանշաններ
Խմբագրել- 2010 թուականին պարգեւատրուած է Հայաստանի Հանրապետութեան սփիւռքի նախարարութեան կողմէ` իր թատրերգութիւններուն արեւելահայերէնի վերածուելուն առիթով,
- 2017-ին արժանացած է Մեծի Տանն Կիլիկիոյ կաթողիկոսութեան «Ս. Մեսրոպ Մաշտոց» շքանշանին,
- 2018-ին պարգեւատրուած է Համազգայինի կեդրոնական վարչութեան շքանշանով[2]:
Ծանօթագրութիւններ
Խմբագրել- ↑ ««Կոնտոլեզիա` Իմ Սէր» Թատրերգութեան Կալա Եւ Արա Արծրունիի Պարգեւատրում – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-03-20
- ↑ «Մեր Կորուստները. Գրող Արա Արծրունի Կնքեց Իր Մահկանացուն – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-03-20