Արքմենիկ Նիկողոսեան

Արքմենիկ Նիկողոսեան (14 Նոյեմբեր 1979(1979-11-14), Ծովակ, Վարդենիսի շրջան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ գրականագէտ, բանասիրական գիտութիւններու թեկնածու, «Անտարես» հրատարակչութեան գլխաւոր խմբագիր:

Արքմենիկ Նիկողոսեան
Ծնած է	14 Նոյեմբեր 1979(1979-11-14) (45 տարեկան)
Ծննդավայր	Ծովակ, Վարդենիսի շրջան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Խորհրդային Միութիւն  Հայաստան
Ուսումնավայր	Երեւանի պետական համալսարանի հայ բանասիրութեան բաժանմունք Հ.Հ. ԳԱԱ Գրականութեան համալսարան
Մասնագիտութիւն	գրականագէտ, Խմբագիր
Աշխատավայր	Գրական թերթ
Անդամութիւն	Հայաստանի Գրողներու Միութիւն

Կենսագրութիւն

Ծնած է Գեղարքունիքի մարզի (Վարդենիսի շրջան) Ծովակ գիւղը։ Սորված է տեղի միջնակարգ դպրոցը, որ աւարտելէ ետք ընդունուած է ԵՊՀ բանասիրական բաժանմունքը։ 2001-ին աւարտած է համալսարանը, 2003-ին՝ մագիստրատուրան, նոյն թուականին ընդունուած է ՀՀ ԳԱԱ Մ. Աբեղեանի անուան հիմնարկի ասպիրանտուրա (ստացիոնար)։

2001 թուականէն ուսման զուգահեռ «Հայ գրականութեան պատմութիւն» եւ «Գրականութեան տեսութիւն» դասաւանդած է Վարդենիսի մանկավարժական հիմնարկին մէջ։

2004-2005 թուականներուն աշխատած է «Գրական թերթ»ի խմբագրութեան որպէս բաժնի վարիչ, 2011 «թուականէն »«Անտարես» հրատարակչութեան գլխաւոր խմբագիրն է:

2008-ին «Առաքել Դավրիժեցիի «Պատմութիւնը» իբրեւ գրական երկ» թեմայով պաշտպանած է թեկնածուական ատենախօսութիւն եւ ստացած բանասիրական գիտութիւններու թեկնածուի աստիճան։

2008 թուականէն կ'աշխատի ՀՀ ԳԱԱ Մ. Աբեղեանի անուան գրականութեան հիմնարկի հայ հին եւ միջնադարեան գրականութեան բաժնին մէջ, որպէս՝ աւագ գիտաշխատող։

Մասնակցած է ՀԳՄ «Գրեթերթ» պարբերականի ստեղծման աշխատանքներուն։ 2004-05ին աշխատած է «Գրական թերթ»ի մէջ՝ իբրեւ գրաքննադատութեան բաժնի վարիչ։

2005 թուականէն Հայ գրականութիւն կը դասախօսէ Երեւանի Մաշտոցի անուան համալսարանը։ 2009 թուականէն ՀԳՄ վարչութեան ու նախագահութեան անդամ է։ Գրական մամուլի մէջ հանդէս եկած է քանի մը տասնեակ գրականագիտական յօդուածներով։

Աղբիւրներ

1. «Հայ գրատպություն և գրքարվեստ» (հանրագիտարան), Ե., 2015, էջ 804։