Գրական թերթ, հասարակական-քաղաքական, գրական-գեղարուեստական շաբաթաթերթ։ Հայաստանի գրողներու միութեան վարչութեան օրգան։ Կը հրատարակուիէ 1932 թուականէն, Երեւանի մէջ։

Գրական թերթ
Գրական թերթ
Տեսակ շաբաթաթերթ
Լեզու հայերէն
Հիմնադրուած է 1932
Երկիր  Հայաստան
Հրատարակման վայր Երեւան
ISSN 1829-1627
Կայք grakantert.am

Պատմութիւն Խմբագրել

«Գրական թերթ» մինչեւ Հայաստանի սովետական գրողներու միութեան ստեղծումը (1934) հանդիսացած է Հայաստանի խորհրդային գրողներու ֆեդերացիայի, իսկ այնուհետեւ՝ Հայաստանի խորհրդային գրողներու, երաժիշտներու եւ կերպարուեստագէտներու միութեան օրգանը։ Կը լուսաբանէ սովետահայ գրականութեան ստեղծագործական, տեսական-քննադատական աշխատանքները, կը պայքարի գրականութեան եւ արուեւստի կուսակցականութեան, ժողովուրդներու ինտերնացիոնալ կապի, սոցիալիստական ռեալիզմի սկզբունքներու ամրապնդման համար։

Թերթը կ՜արձագանգէ ՀԽՍՀ կեանքի գրեթէ բոլոր ոլորտներու նշանակալից երեւույթներուն, առաջ կը քաշէ ժողտնտեսութեան եւ մշակոյթի համար էական նշանակութիւն ունեցող խնդիրներ։ Թերթը կը ղեկավարէ գրական նոր սերունդի ստեղծագործական աճի գործընթացը, բանավէճեր կը վարէ արձակի ու պոեզիայի հարցերու մասին։ Պարբերաբար էջեր կը նուիրէ սովետական հանրապետութիւններու գրականութեան, կը նշէ հայ եւ համաշխարհային գրականութեան դասականներու հոբելեանական տարեթիւերը, կը տպագրէ թարգմանական նմուշներ արտասահմանեան դասական եւ ժամանակակից հեղինակներու գործերէն, տեղ կը յատկացնէ սփիւռքահայ գրողներու ստեղծագործութիւններուն։

Հրատարակման տարբեր շրջաններուն «Գրական թերթ»-ի շուրջը համախմբուած են ու ակտիւօրէն աշխատակցած հայ եւ սովտական անուանի գրողներն ու գրականագէտները՝ Եղիշէ Չարենցը, Աւետիք Իսահակեանը, Ալեքսանդր Շիրուանզադէն,Դերենիկ Դեմիրճեանը, Վահրամ Ալազանը, Ստեփան Զօրեանը, Նայիրի Զարեանը, Պարոյր Սեւակը եւ ուրիշներ։

Հայրենական պատերազմի շրջանին (1941-1944 թուականները) թերթը լոյս չէ ընծայած։ «Գրական թերթ» խմբագրած են․ Հ․ Մկրտչեան (1932, 1935-1936 թուականներուն), Եղիա Չուբար (1932-1933 թուականներուն), Ն․ Դաբաղեան (1933 թուականին), Վ․ Ալազան (1933-1935, 1936-1937 թուականներուն), Տենրի Գաբրիէլեան, (1937 թուականին), Տ․ Մելիքեան (1937-1939 թուականներուն), Գ․ Րորեան (1939-1940 թուականներուն), Գ․ Ոսկանեան (1940-1941 թուականներուն), Գ․ Յովսէփեան (1941 թուականին), Ա․ Բաբայեան (1944-1948 թուականներուն), Վ․ Մնացականեան (1948–1953 թուականներուն), Գ․ Տէր-Գրիգորեան (1953-1955 թուականներուն), Յ․ Յովհաննիսեան (1955-1959 թուականներուն), Մ․ Սարգսեան (1959-1963 թուականներուն), Վահագն Դաւթեան (1963-1965 թուականներուն), Համօ Սահեան (1965-1967 թուականներուն), Միքայէլ Շաթիրեան (1967-1969 թուականներուն), Ս․ Տարութիւնեան (1969 թուականից)։

Արտաքին յղումներ Խմբագրել

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։