Գանձասար (Շաբաթաթերթ)

Գանձասար, Բերիոյ Հայոց Թեմի Ազգային Առաջնորդարանի (Ամենայն Հայոց Մեծի Տանն Կիլիկիոյ Կաթողիկոսարան) Պաշտօնաթերթ, Համայնքային (Սուրիահայ համայնք), հասարական, մշակութային, գրական շաբաթաթերթ։

Տեսակ	Շաբաթաթերթ (նախկին՝ երկշաբաթաթերթ)
Պատկանելիութիւն	Բերիոյ (Հալէպի) Հայոց Թեմի Առաջնորդարան, Մեծի Տանն Կիլիկիոյ Կաթողիկոսութիւն
Գլխաւոր խմբագիր	Զարմիկ ՉիլԱբօշեան-Պօղիկեան
Լեզու	Հայերէն
Քաղաք	Հալէպ՝ Սուրիա
Քոյր թերթեր	Ազդակ Օրաթերթ (Լիբանան), Ապարաժ (Արցախի Ազատ Անկախ Հանրապետութիւն), Ալիք (Իրան), Ազատ-Օր (Յունաստան, Հորիզոն (Գանատա, Օրակարգ (Միացեալ Նահանգներ), Երկիր-AM (Հայաստանի Հանրապետութիւն)
Կայքէջ	http://kantsasar.com/news/pdf/

Նկարագրութիւն

Լոյս կը տեսնէ 1978 թուականէն ի վեր (1978-էն 1981-ը՝ «Պարբերաթերթ» անունով, 1982-էն 1991-ը՝ «Օշական» անունով), 1993-ին «Գանձասար» անունով՝ մկրտուելով այն ժամանակուան՝ յաղթական Ազատամարտի օրերուն, Արցախի «Գանձասար Վանք»-ին անունով, Սուրիոյ Հալէպ քաղաքին մէջ։ «Գանձասար»ի մէջ լոյս կը տեսնէ թէ սփիւռքահայ թէ հայրենի գրողներու յօդուածներ:

Խմբագիրներ՝

• Զարմիկ Չիլաբօշեան-Պօղիկեան (ներկայ Խմբագրապետուհի, 2014 թուականէն ի վեր)։
• Խաժակ Մկրտիչեան
• Մարի Մերտխանեան։
• Խաչիկ Շահինեան-Տարագճեան։

Կը տպագրէ եկեղեցական, կրօնաբարոյական, ազգային, հասարակական-քաղաքական, գրական, մշակութային, մարզական և այլ նիւթեր։ Կ՚անդրադառնայ Հայ դատին, Հայաստանի Հանրապետութեան եւ աշխարհի մէջ տեղի ունեցող կարեւոր իրադարձութիւններուն, վերջին տարիներուն Սուրիոյ մէջ տիրող պատերազմական իրավիճակին, Սուրիահայութեան կացութեան։ «Գանձասար» խմբագիրներն ու սրբագրիչները կը հետեւին մեսրոպեան աւանդական ուղղագրութեան, շատ զգոյշ են այս գծով, ատոր համար «Գանձասար»-ը Արեւմտահայերէնի պահպանման ամէնէն կարևոր ազդակներէն մէկը կը համարուի։ «Գանձասար»ը ունի իր կայքէջը 2005-էն ի վեր, «Գանձասար»ը կը տպուի ազգային տպարան «Արևելք»ի մէջ: Շաբաթաթերթը իր երեսնամեայ գործունէութեան ընթացքին յաջողած է դառնալ Միջին Արևելքի հայկական մամուլի կարևոր ներկայացուցիչներէն մէկը:

Թերթը ունի «Կկու» մանկապատանեկան ներդիրը, որ կը հրատարակուի պատկերազարդ 4 էջով, իւրաքանչիւր թիւի հետ։ «Կկու»-ի խմբագիրները եղած են՝ Այտա Պէրէճիքլեան- Մինասեան, Ռիթա Կաղեան-Տիքպիքեան, իսկ ներկայիս՝ Մարմանդ Աշոտեան-Շահինեան։ Ամէն տարեվերջին կը հրատարակուի «Գանձասար»-ի Բացառիկ հատորը, որ կ՚ընդգրկէ համայնքի տարուան զարգացումները, ազգային, կրթական եւ միութենական կեանքին համայնապատկերը, ինչպէս նաեւ թերթի աշխատակից գրողներու քաղաքական, հրապարակագրական եւ գեղարուեստական յօդուածներ։

Տե՛ս Նաեւ

• Ազդակ (օրաթերթ)
• Վտանգուած Լեզու
• Սարդարապատ (շաբաթաթերթ)

Արտաքին յղումներ

• Գանձասար Շաբաթաթերթի կայքէջ - Գանձասար – http://kantsasar.com/news/pdf/
• Ազդակ Օրաթերթի (Լիբանան) Կայքէջ - https://www.aztagdaily.com/
• Զարթօնք Օրաթերթ (Լիբանան-ՌԱԿ) - https://zartonkdaily.net/
• Ապառաժ Կայքէջ (Արցախի Ազատ ու Անկախ Հանրապետութիւն) - https://aparaj.am/
• Ալիք Առցանց Իրան - https://alikonline.ir/
• Ազատ-Օր Օրաթերթի (Յունաստան) Կայքէջ - https://azator.gr/
• Հայրենիք Ընկերակցութեան Կայքէջ (Անգլերէն՝ Hairenik Association) - https://armenianweekly.com/
• Գանատահայ Հորիզոն Շաբաթաթերթի երեք լեզուով կայքէջ - https://horizonweekly.ca/en
• Օրակարգ՝ ՀՅԴ Արեւմտեան Ա․ Միացեալ Նահանգներու Պաշտօնաթերթ (Երկլեզու՝ Հայերէն, Անգլերէն) - https://www.oragark.com/#pll_switcher
• Եռագոյն (Հայերէն, Անգլերէն) - http://yerakouyn.com/category/english/
• Ակունք՝ Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն - https://akunq.net/am/
• Ռատիօ Եան (անկախ Հայատրոփ համացանցային ձայնասփիւռ) - http://www.radioyan.com/
• Երկիր - https://www.yerkir.am/hy
• Երկիր Մէտիա Կայանի Կայքէջ - https://yerkirmedia.am/hy Archived 2023-06-01 at the Wayback Machine.