Երուանդ Մանարեան

Երուանդ Մանարեան (10 Օգոստոս 1924(1924-08-10), Արաք, Կենտրոնական նահանգ, Իրան - 19 Փետրուար 2020(2020-02-19), Երեւան, Հայաստան), հայ դերասան, բեմադրիչ, շարժանկարներու ուրուագիծ գրող։ ՀՀ արուեստի վաստակաւոր գործիչ (2003)։ Բեմադրիչ՝ Արման Մանարեանի եղբայրը, Քրիստ Մանարեանի հայրը։

Երուանդ Մանարեան
Ծնած է	10 Օգոստոս 1924(1924-08-10)
Ծննդավայր	Արաք, Կենտրոնական նահանգ, Իրան
Մահացած է	19 Փետրուար 2020(2020-02-19) (95 տարեկանին)
Մահուան վայր	Երեւան, Հայաստան
Քաղաքացիութիւն	Խորհրդային Միութիւն  Հայաստան
Մասնագիտութիւն	դերասան, գրագէտ, հեղինակ, բեմադրիչ
Երեխաներ	Քրիստ Մանարեան

Կենսագրութիւն

Երուանդ Մանարեան, ծնած է Արաք՝1924-ին։ Նախնական կրթութիւնը ստացած է տեղի Հայկազեան դպրոցին մէջ, ապա՝ Թեհրանի Ամերիկեան եւ պարսկական քոլէճներուն մէջ։ 1946-ին, ներգաղթած է Հայաստան։ Սորված է Երեւանի գեղարուեստա-թատերական հիմնարկէն ներս, որու բեմադրական կամ բեմավարութեան բաժանմունքը աւարտած է 1952-ին:

Իբրեւ դերասան եւ բեմադրիչ՝ աշխատած է Երեւանի Յ. Պարոնեանի երաժշտական կոմիտէի եւ Գ. Սունդուկեանի թատրոններուն մէջ։ 1957-1959 թուականներուն, եղած է Յովհաննէս Թումանեանի անուան տիկնիկային թատրոնի գլխաւոր բեմադրիչը։ 1988-էն՝ «Ագուլիս» տիկնիկային թատրոն-արուեստանոցի գեղարուեստական ղեկավարը։ 1959-1961 թուականներուն, նոյն պաշտօնը վարած է «Գորիս»ի թատրոնին մէջ:

2007-էն՝ Քիեւի տիկնիկային հայկական թատրոնի հիմնադիր-գեղարուեստական ղեկավար եղած է։ Այնուհետեւ, աշխատած է Երեւանի փաստագրական շարժանկարներուն արուեստանոցին մէջ եւ «Երեւան» համախմբման մէջ։ Երեւանի պետական տիկնիկային թատրոնի գլխաւոր բեմադրիչն է։

Շուշիի մէջ, բացուած է Երուանդ Մանարեանի անուան տիկնիկային թատրոն։

Ստեղծագործական ուղի եւ ճանաչում

Նկարահանած է վաւերագրական եւ գեղարուեստական շարք մը շարժանկարներ, ինչպէս՝ «Հայկական Մանրանկարչութիւն», «Միքայէլ Նալպանտեան», «Կառամատոյցի կրպակը», «Լոյս», «Դեղերու Ծնունդը», «Նորէն եկաւ Ամառը» եւ այլն։

Գրած է պատմութեան թատերական ուրուագիծներ՝ «Տժվժիկ», «Տէրն ու Ծառան», «Սպիտակ Ափեր» եւ այլ շարժանկարներու համար։ Մամուլին մէջ հրատարակուած է պատմուածքներ եւ յօդուածներ։

Մրցանակներ եւ պարգեւներ

• 2003 - ՀՀ արուեստի վաստակաւոր արուեստագէտ
• 2005 - ՀԹԳՄ «Արտաւազդ» մրցանակ

Բեմադրութիւններ

• Յովհաննէս Թումանեանի «Հազարան բլբուլ»
• Յովհաննէս Թումանեանի «Անյաղթ Աքլորը»
• Երուանդ Մանարեան, «Ժամանակ էն ժամանակն էր» («Բարեկամութեան Ջահ» միջազգային տօնահանդէսի մրցանակ, Զեստաֆոն, Վրաստան, 1987)
• Շիրուանզադէի «Պատուի համար»

Ֆիլմագրութիւն

Դերերը Կինոյի մէջ

Տարեթիւ	Շարժանկար	Դեր
1997	Հարսնացուն Ջերմուկէն
1992	Ընկեր Փանջունի	Սարսափունի
1985	Կապիտան Առաքել	Կապիտան Առաքել
1983	Մասնաւոր Դէպք
1978	Եւս Հինգ Օր	Աթաեան
1978	Արեւիկ	Մարտուն
1977	Խոհարարները եկած են Մրցոյթի	Երուանդ
1967	Նորէն Ամառ եկաւ	Սողօ
1975	Հարսնացուն Հիւսիսէն	Երուանդ
1973	Քաոս	Սուլեան
1972	Վերադարձ	փրօֆ. Բաբգէն Սէթեան
1969	Մորկանի խնամին	Բեռնար
1967	Կարինէ	Լուսանկարիչ
1966	Մեր Քաղաքի Մարդիկ. Քայլերթ

Բեմադրիչ

Տարեթիւ	Ֆիլմ
1976	Ժառանգները
1975	Նորէն Ամառ Եկաւ
1975	Ծիածանի Բոլոր Գոյները
1971	Борозда Маркара
1969	Լոյս
1968	Միքայէլ Նալպանտեան
1968	Ларёк на перроне
1967	Դեղանիւթի Ծնունդը
1967	Հոկտեմբերեան Օրերը Հայաստանի մէջ
1967	Քննութիւններ
1966	Հայկական Մանրանկարներ

Շարժանկարներու Ուրուագիծ Գրող

Տարեթիւ	Ֆիլմ
1985	Քափիդան Առաքել
1977	Խոհարարները Եկած են Մրցոյթի
1975	Նորէն Ամառ Եկաւ
1975	Հանապազօրեայ Մեր Ջուրը
1973	Լոյսը եւ Ստուերները
1968	Ларёк на перроне
1968	Հանդիպում Ցուցահանդէսին Մէջ
1967	Դեղանոյթի Ծնունդը
1967	Հոկտեմբերեան Օրերը Հայաստանին Մէջ
1967	Քննութիւններ
1962	Տէրն ու Ծառան
1961	Տժվժիկ
1959	Հայրենի Հողի Վրայ

Արտաքին Յղումներ

• Երուանդ Մանարեանի մասին kino-teatr.ru կայքին մէջ
• Մեր Կորուստները. Սահացած Է Անուանի Դերասան, Բեմադրիչ Երուանդ Մանարեանը Archived 2021-01-27 at the Wayback Machine.