Էլմա Պարսամեան
Էլմա Պարսամեան (23 Դեկտեմբեր 1929, Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն), Բիւրականի աստղադիտարանին մէջ աշխատող հայ աստղա-բնագէտ։
| Էլմա Պարսամեան | |
|---|---|
| Ծնած է | 23 Դեկտեմբեր 1929 (94 տարեկան) |
| Ծննդավայր | Երեւան, Հայաստանի Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն |
| Քաղաքացիութիւն |
 Խորհրդային Միութիւն Հայաստան |
| Ուսումնավայր | Երեւանի Պետական Համալսարան |
| Կոչում | փրոֆէսոր եւ թղթակից անդամ |
| Մասնագիտութիւն | աստղաֆիզիկոս, դասախօս |
| Աշխատավայր |
Բիւրականի Աստղադիտարան Խ. Աբովեանի Անուան Մանկավարժական Համալսարան |
| Անդամութիւն | Հայաստանի Գիտութիւններու Ազգային Ակադեմիա, Միջազգային աստղագիտական միութիւն, Եվրոպական աստղագիտական ընկերություն? եւ Նյու Յորքի գիտությունների ակադեմիա? |
Կենսագրութիւն
ԽմբագրելԾնած է Երեւան։ 1954 թուականին աւարտած է Երեւանի պետական համալսարանը։
1954 թուականէն աշխատած է Բիւրականի աստղադիտարանը, 1986 թուականէն՝ յառաջատար գիտաշխատող, 2000 թուականէն՝ գլխաւոր մասնագէտ, 1983-1987 թուականներուն, միաժամանակ՝ ՀՊՄԻ աստղագիտութեան եւ տեսական բնագիտութեան ամպիոնի վարիչ։ Միջազգային աստղագիտական միութեան (1976), Եւրոպական աստղագիտական ընկերութեան (1990), Նիւ Եորքի ԳԱ (1995) անդամ։
2000 թուականէն ՀՀ ԳԱԱ Վիկտոր Համբարձումեանի անուան ԲԱ-ի գլխաւոր գիտաշխատող, Բիւրականի աստղադիտարանի գիտական աստիճանաւորման խորհրդի նախագահ, «Աստղաֆիզիկա» հանդէսի խմբագրական կազմի անդամ[1]։
Գործունէութիւն
ԽմբագրելՀրատարակած է շուրջ 130 մասնագիտական յօդուածներ: 80-ական թուականներուն, իր մասնագիտութենէն հեռու, ուսումնասիրած է Մեծամօրը եւ հաշուարկած` «զիկկուրատ»-ի տարիքը` հիմնուած այն ենթադրութեան վրայ, որ անիկա ուղղուած է Շնիկի ծագումին:
Պարսամեան խորամանկօրէն նշած է, որ հաշուարկներուն մէջ գոյ է անորոշութիւն (uncertainty), որովհետեւ հարկ էր, որ հնադարեան աստղագէտը «ճիշդ» դիրքաւորուէր զիկկուրատի հարթակին վրայ, բայց ինչպէ՞ս: Բացի այդ, իր հաշուարկը կը համընկնէր դասական միջոցներով կատարուած հնագիտական ենթադրութիւններուն հետ: Այս առաջին աստղա-հնագիտական տեսութիւնն էր Հայաստանի մէջ:
Պարսամեան առաջարկած է նոյն մեթոտը գործածել Զօրաց քարերու պարագային, զորս կոչած է Քարահունջ կամ հայկական «Stonehenge»: Պարսամեան, սակայն, չէ շարունակած այդ ծրագիրը` թերեւս խուսափելով մասնագէտներու անբարենպաստ ակնարկներէն[2]:
Պարգեւներ
Խմբագրել- Անանիա Շիրակացի մետալ (2003),
- Աշխատանքի հերոսի մետալ (1971),
- ՀՀ ԳԱԱ պատուոգիր,
- ArAS/Բիւրականի աստղադիտարանի մրցանակ՝ աստղագիտութեան մէջ կատարած ներդրումներուն համար։
Ծանօթագրութիւններ
Խմբագրել- ↑ «Elma Parsamian»։ www.aras.am։ արտագրուած է՝ 2018-02-24
- ↑ «Աստղա-Հնագիտական Վարկածներ Զօրաց Քարերուն Շուրջ – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-06-30