Լեռնանիստ

Լեռնանիստ
Գիւղ
	Լեռնանիստ
Երկիր	Հայաստան
Մարզ	Կոտայքի մարզ
Այլ անուանումներ	Վերին Ախտա
ԲԾՄ	1980 մեթր
Պաշտօնական լեզու	հայերէն
Բնակչութիւն	3072 մարդ
Կրօնական կազմ	Հայ Առաքելական եկեղեցի
Ժամային գօտի	UTC+4։00

Լեռնանիստ, գիւղ Հայաստանի Կոտայքի մարզին մէջ, մարզի կեդրոնէն 5 քմ. հարաւ-արեւելք, Երեւանէն 45 քմ., իսկ Հրազդանէն՝ 7 քմ. հեռաւորութեան վրայ, Մենակսար լերան հիւսիսային կանաչապատ ու ծաղկաշատ լանջին։

Պատմութիւն

Լեռնանիստ գիւղը հիմնադրուած է 1828 թուականին։ Նախապէս կոչուած է Վերին Ախտա, 25 Յունուար 1978-ին վերակոչուած է Լեռնանիստ։ Լեռնանիստ համայնքը բարձր լեռնային բնակավայր է, ձմեռնային ամիսներուն ձիւնածածկ է: Ունի թեք լեռնալանջեր, որոնք կը նպաստեն դահուկավազքի եւ ձմեռնային այլ մարզաձեւերու զարգացման: Համայնքի տարածքին կան նաեւ քարանձաւներ, ինչպէս՝ Երթիկով քարանձաւը:

Բնակչութիւն

Բնակչութեան նախնիներուն մէկ մասը 1828-1829 թուականներուն գաղթած է Խոյի, Մակուի ու Սալմաստ գիւղերէն։

Լեռնանիստի ազգաբնակչութեան փոփոխութիւնը.^[1]

Տարի	1831	1897	1926	1939	1959	1970	1989	2000	2004	2018
Բնակիչ	349	1624	2442	3028	748	2300	2447	2920	3168	2877

Տնտեսութիւն

Բնակչութիւնը կը զբաղի անասնապահութեամբ եւ բանջարաբուծութեամբ։

Զբօսաշրջիկութիւն

Վերջին տարիներուն գիւղին մէջ արագօրէն զարգացաւ զբօսաշրջիկութեան ոլորտը։ 2017 թուականին յատուկ ներդրումներով Լեռնանիստի մէջ կառուցուեցաւ դահուկավազքի սահուղի եւ 350 մեթր երկարութեամբ ճոպանուղի^[2]։

Հայաստանի կառավարութեան պաշտօնական հրապարակումին համաձայն, Լեռնանիստը նախատեսուած է դառնալ ձմեռնային զբօսաշրջիկութեան կեդրոն։ Միայն 2019 թուականի Յունուար ամսուն գիւղը ընդունած է մօտ 1000 զբօսաշրջիկ^[3]։

Մշակոյթ

2015 թուականին, գիւղին մէջ կառուցուեցաւ ազգագրութեան թանգարան, որ կը գործէ համայնքի մշակոյթի տան մէջ։

Լեռնանիստի տարածքին կը գտնուին բազմաթիւ պատմամշակութային յուշարձաններ, մատուռներ: Գիւղին մէջ կը գտնուին 1892 թուականին կառուցուած «Սուրբ Աստուածածին» եկեղեցին եւ 1861 թուականին կառուցուած «Սուրբ Յակոբ» մատուռը^[2], որ յայտնի է «Սուրբ Աւազան» աղբիւրի բուժիչ ջուրով, «Զօրաւոր» մատուռը (միջնադար), Սուրբ Մատուռը (2013), սրբատեղի «Աւետարան» (19-րդ դար), սրբատեղի «Սուրբ Կարապետ» (19-րդ դար), «Ամենափրկիչ» մատուռը, հին գերեզմանոց դամբարանադաշտը, դամբարաններ (Ք.Ա. 2-րդ հազարամեակ), տապանաքարեր (14-17 դարերուն) եւ բազմաթիւ յուշարձաններ:

Պատկերասրահ

Սահուղի Լեռնանիստ գիւղին մէջ, 2019
Ապրէյի լիճ, Լեռնանիստ

Ծանօթագրութիւններ

[hay_gyux-1] «Հայաստանի Հանրապետութեան բնակավայրերու բառարան, էջ 87»։ արխիւացուած է բնօրինակէն-էն՝ 2014-09-12-ին։ արտագրուած է՝ 14 Ապրիլ 2014

[champord-2] 2,0 ^2,1 «ԼԵՌՆԱՆԻՍՏ. ՁՄԵՌՆԱՅԻՆ ԶԲՕՍԱՇՐՋԻԿՈՒԹԵԱՆ ՆՈՐ ԿԵԴՐՈՆ ՀԱՅԱՍՏԱՆԻ ՄԷՋ»։ 16.01.2019

[3] «Կոտայքի մարզի Լեռնանիստ համայնքը նախատեսուած է դառնալ ձմեռնային զբօսաշրջիկութեան կեդրոն»

[1]

[2]

[3]