Լուսաղբիւր (Յուշարձան, Երեւան)

Լուսաղբիւր, աղբիւր-յուշարձան Երեւանի Էրեբունի վարչական շրջանի Նուպարաշէն խճուղիին վրայ՝ Մեծ Եղեռնի ռումտիկինցի զոհերու յիշատակին։ Յուշարձանը ընդգրկուած է Էրեբունի վարչական շրջանի պատմութեան եւ մշակոյթի անշարժ յուշարձաններու ցանկին մէջ:

Պատմութիւն

1975-ին՝ Մեծ Եղեռնի 60-ամեակի կապակցութեամբ, Երեւանի Էրեբունի համայնքի Նուպարաշէն խճուղիին վրայ կանգնեցուած է «Լուսաղբիւր» յուշարձանը ի յիշատակ Կեսարիոյ նահանգի Ռումտիկին գիւղի նահատակուած բնակիչներուն։ Նշանաւոր եղած է Ռումտիկինի Լուսաղբիւր սրբավայրը Հալիս գետի ափին, ուր, ըստ աւանդութեան, մարմարէ աւազանին մէջ մկրտուած է Գրիգոր Լուսաւորիչը։ 1915-ին գիւղի բնակիչներուն մեծ մասը նահատակուած է, իսկ փրկուածները յետագային ապաստանած են Հայաստան։

Յուշարձանը կարմիր տուֆէ կերտուած ուղղանկիւն կտրուածքով քիվազարդ սիւնակոթող է, որու ստորոտին կառուցուած աղբիւրէն ջուրը կը թափի առջեւը տեղադրուած փոքր աւազանի մէջ։

Տուեալներ

Արծուի թեւի վրայ բարձրացող յուշակոթողի վրայ մակագրուած է.

Աղբիւր-յուշարձան 1915 թուի Ռումտիկինի նահատակների յիշատակին:

Հեղինակ

• Ճարտարապետ՝ Ռաֆայէլ Իսրայէլեան

Պատկերասրահ

• 
• 
• 
• 
• 

Արտաքին յղումներ

• Մայրաքաղաքին մէջ կը բարեկարգուին Եղեռնի զոհերու յիշատակին նուիրուած յուշարձանները