Հայկազուն Գալուստեան

Հայկազուն Գալուստեան (1920 - 1985), Պոլսոյ մէջ աւելի քան քառորդ դար տեւող գրական գործունէութիւնը ունեցած է, աշխատակցելով թերթերու, պարբերականներու եւ հանդեսներու, ապա՝ 1965-ին տեղափոխուած է Հայաստան։

Հայկազուն Գալուստեան
Ծնած է 1920
Ծննդավայր Պոլիս
Վախճանած է 1985
Մահուան վայր Երեւան, Հայաստանի Խորհրդային Սոցիալիստական Հանրապետութիւն, Խորհրդային Ընկերվարական Հանրապետութիւններու Միութիւն
Քաղաքացիութիւն Flag of Turkey.svg Թուրքիա
Ազգութիւն Հայ
Կրօնք Քրիստոնեայ
Ուսումնավայր Մեսրոպեան Վարժարան
Ազգային Կեդրոնական Վարժարան (Պոլիս)
Ստամբուլի համալսարան
Երկեր «ՔԱՐԻՒՂԻ ԼԱՄԲԱՐԸ»,
«ԳՈՐԾԻՍ ՃԱՄԲՈՒՆ ՎՐԱՅ»
Մասնագիտութիւն Փիլիսոփայութիւն

Բացի իր բանաստեղծութիւններէն, տուած է քանի մը պատմուածք, գրական յօդուածներ ու տոմսակներ։ 1942-ին իր գրչեղբօր Կ. Ճանճիկեանի հետ հրատարակած է Թրքերէն Պալքսըս անուն բանաստեղծութիւններու հաւաքածոյ մը։ Իր բանաստեղծութիւններէն մաս մը ամփոփուած են երկու գրքոյկներու մէջ. «ՔԱՐԻՒՂԻ ԼԱՄԲԱՐԸ» (1948) եւ «ԳՈՐԾԻՍ ՃԱՄԲՈՒՆ ՎՐԱՅ» (1962): Գործածած է Ա. Երէցեան, Անդրանիկ Սարգսեան, Տիգրան Կարապետեան եւ Գանձիչ գրչանունները։

Հայկազուն Գալուստեան ծնած է Պոլիս։ Իր նախակրթոթիւնը ստացած է Կէտիկ Փաշա Թաղին Ս. Մեսրոպեան վարժարանին մէջ։ Յետոյ երկու տարի յաճախած է Ազգ. կեդրոնական վարժարան: Ստիպուած է հեռանալ դպրոցէն, ընտանիքին ապրուստը հոգալու համար։ Տարիներ ետք, ինքնաշխատութեամբ շարունակած է իր ուսումը եւ ստացած է է լիսէի վկայական։

1960-ին պաշտոն ստանձնած է Գարակէօզեան Որբանոցին մէջ, միեւնոյն ատեն հետեւելով Իսթամպուլի Համալսարանի Գրական Ֆաքիւլթէի դասընթացքներուն։ 1964-ին վկայուած է Փիլիսոփայութեան ճիւղէն։

Յաջորդ տարի կը մեկնի Հայաստան եւ Երեւանի համալսարանին մէջ կը հետեւի Մարքսիզմի։ Այնուհետեւ պաշտօնի կը կոչուի Հայաստանի ՍՍՀ Գիտութիւններու Ակադեմիայի Արեւելագիտութեան բաժնին մէջ։

Իր մահկանացուն կը կնքէ Հայրենիքի մէջ, ժառանգ թողելով բազմաթիւ անտիպ գործեր եւ գիտական ուսումնասիրութիւններ։

Հայկազուն Գալուստեանի բանաստեղծութիւնները պարզ են բայց խորիմաստ եւ ազդու։ Ան պաշտպանն է զրկեալին ու խոնարհին։ Ինքնատիպ, յստակ եւ տպաւորիչ ոճով կը նկարագրէ մարդկային տկարութիւնները։

ԱղբիւրներԽմբագրել

Սփիւռքահայ արդի գրականութիւն (խմբ. խմբագրող և համադրող՝ Սեդա Ծաղիկեան-Տէմիրճեան), Միշիկըն էջ 483։