Հերմինէ Ասատուր
Ասատուր Հերմինէ (26 Յունիս 1914, Ռուսէ, Պուլկարիա - անհայտ), դաշնակահարուհի:
| Հերմինէ Ասատուր | |
|---|---|
| Ծնած է | 26 Յունիս 1914 |
| Ծննդավայր | Ռուսէ, Պուլկարիա |
| Մահացած է | անհայտ |
| Քաղաքացիութիւն |
 Պուլկարիա |
| Մասնագիտութիւն | դաշնակահար |
Իր նախնական կրթութիւնը ստացած է Կ.Պոլիս Հայ Կղզիի Ազգային դպրոցը, այնտեղէն իր ծնողքին հետ Պուլկարիա վերադառնալով մտած է Լօվէժի Ամերիկեան գոլէճը, ուրկէ փայլուն վկայականով մը ընթարցաւարտ եղած է շատ երիտասարդ հասակին:
Կ.Պոլիս գտնուած միջոցին, 8 տարեկան հասակին մեծ փափաք ունեցած է նուագի: Այս ճիւղին մէջ իր առաջին դաստիարակուհին եղած է Սիրաքեան՝ Հայ-Կղզիէն, որ տեսնելով փոքրիկին նուագի հանդէպ ունեցած տաղանդը, յանձնարարած է, որ չընդհատեն դասերը եւ Պուլկարիա երբ վերադառնան, յանձնեն զինք լաւ ձեռքերու:
Հերմինէ Ամերիկեան գոլէճը լրացնելէն վերջ, մէկ տարի Սոֆիայի մէջ մասնաւոր դասընթացքի հետեւած է փրօֆ. Բէլէշէքի մօտ եւ յետոյ գոնգուրի քննութեան ներկայանալով, ընդունուած է գոնսերվաթուարը, ուրկէ՝ իր ընդունակութեան շնորհիւ, 3 տարիէն (1935-ին) շրջանաւարտ եղած է, բազմաթիւ ուսանողուհիներու մէջ առաջին հանդիսանելով: Իր անդրանիկ նուագահանդէսը տուած է Զինուորական Ակումբի սրահին մէջ նախարարներու, փրոֆէսէօրներու ներկայութեան, արժանանալով առաջնակարգ վկայականի եւ բազմաթիւ ծաղկեփունջերու:
Հերմինէ Ասատուր դաշնակի ճիւղը կատարելագործած է Վիեննայի մէջ նշանաւոր փրոֆէսէօրներու մօտ եւ Սոֆիայի դպրոցին մէջ մէկէ աւէլի անգամներ նուագահանդէս տուած է, ի նպաստ կարօտեալ ուսանողներու:
Պուլկար ազգը կը ճանչնայ այլեւս այդ տաղանդաւոր հայուհին, որովհետեւ շատ անգամ գրուած է իր մասին թերթերու մէջ եւ լուսանկարն ալ հրատարակուած: Օր. Հերմինէ Ասատուր բացի երաժշտութենէն եւ մայրենի լեզուէն, տիրացած է Ֆրանսերէն, գերմաներէն, պուլկարերէն եւ անգլերէն լեզուներուն:
Աղբիւրներ
Խմբագրել- «Հայ Հանրագիտակ», Հ. Մկրտիչ Վարդ. Պոտուրեան, Պուքրէշ,1938,էջ 221)