Հրաչեայ Սարուխան

Հրաչեայ Սարուխան;
Ծնած է	1 Յունուար 1947
Ծննդավայր	Մարգահովիտ, Գուգարքի շրջան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Մահացած է	8 Ապրիլ 2016 (69 տարեկանին)
Քաղաքացիութիւն	Հայաստան
Մասնագիտութիւն	բանաստեղծ, թարգմանիչ
Անդամութիւն	Հայաստանի Գրողներու Միութիւն

Հրաչեայ Սարուխան (1 Յունուար 1947(1947-01-01), Մարգահովիտ, Գուգարքի շրջան, Հայաստանի Խորհրդային Ընկերվարական Հանրապետութիւն, Խորհրդային Միութիւն - 8 Ապրիլ 2016(2016-04-08)), բանաստեղծ, թարգմանիչ, մշակոյթի վաստակաւոր գործիչ։

Կեանք եւ գործունէութիւն

Ծնած է Լոռիի մարզի Համզաչիման, այժմ` Մարգահովիտ գիւղը:

Աւարտած է Երեւանի Փանոս Թերլեմեզեանի անուան գեղարուեստի ուսումնարանի, այժմ` քոլեճ, գեղանկարչութեան բաժինը, ապա Վանաձորի մանկավարժական հիմնարկի լեզուագիտութեան բաժանմունքը:

1983-ին աւարտած է Մաքսիմ Կորքիի անուան գրականութեան հիմնարկի երկամեայ դասընթացքները:

Հայաստանի Գրողներու միութեան անդամ է 1978 թուականէն:

1990-ին եղած է միութեան Վանաձորի գրական բաժանմունքի պատասխանատու քարտուղարը, այնուհետեւ նշանակուած Ստեփան Զօրեանի տուն-թանգարանի տնօրէն:

Աշխատութիւններ

Հեղինակ է բանաստեղծական շարք մը ժողովածուներու`

«Եզրագծեր» (1977),
«Հրաշք օրեր» (1981),
«Վկայութիւններ» (1989),
«Աստծոյ առաւօտ» (1999),
«Ի տրիտուր» (2005) եւ այլն:

Անուրանալի է անոր վաստակը նաեւ թարգմանութեան ոլորտին մէջ: Թարգմանութեան ասպարէզին մէջ նշանակալի աւանդին համար 2015-ին արժանացած է Գրողներու միութեան եւ Մայր Աթոռ Ս. Էջմիածինի «Կանթեղ» մրցանակին:

Իր հերթին անոր բանաստեղծութիւնները թարգմանուած են անգլերէնի, ֆրանսերէնի, ռուսերէնի, գերմաներէնի եւ բազմաթիւ այլ լեզուներու^[1]:

Պարգեւներ

Պարգեւատրուած է «Մովսէս Խորենացի», Միխայիլ Լերմոնտովի անուան «Գրական վաստակի համար», Հայաստանի մշակոյթի նախարարութեան ոսկի մետալներով:

2011-ին արժանացած է Հայաստանի մշակոյթի վաստակաւոր գործիչի կոչման^[2]:

Ծանօթագրութիւններ

↑ «Հայրենի Կեանք – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-09-14
↑ Հայաստանի Հանրապետութեան պատուաւոր կոչումներ շնորհելու մասին

[1] «Հայրենի Կեանք – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2022-09-14

[2] Հայաստանի Հանրապետութեան պատուաւոր կոչումներ շնորհելու մասին

[1]

[2]

Հրաչեայ Սարուխան

Ծնած է	1 Յունուար 1947(1947-01-01)
Ծննդավայր	Մարգահովիտ, Գուգարքի շրջան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Մահացած է	8 Ապրիլ 2016(2016-04-08) (69 տարեկանին)
Քաղաքացիութիւն	Հայաստան
Մասնագիտութիւն	բանաստեղծ, թարգմանիչ
Անդամութիւն	Հայաստանի Գրողներու Միութիւն