Մեթանա (յուն․՝ Μέθανα), Մեթանա թերակղզին կը գտնուի Պելոպոնեսի հիւսիս-արեւելեան մասը, Սարոնիքոսի ափին։ Թերակղզին ծանօթ է իր ջերմային լոգարաններով եւ Քամենի Հորա գիւղը գտնուող Քամենի Վունօ հրաբուխով։ Բնակչութեան թիւն է 1 967։

Թերակղզի
Մեթանա
Μέθανα
Մեթանա թերակղզի
Երկիր  Յունաստան[1]
Երկրամաս [[Պելոպոնես, Յունաստան]]
Բնակչութիւն 1 967 մարդ
Կը գտնուի ափին Սարոնիքոս ծոցին
Պաշտօնական կայքէջ methana.gr
Մեթանայի դիրքը

Ընդհանուր տեղեկութիւններ Խմբագրել

Տարածութիւնն է 44 քլ․²։ Պելոպոնեսին կապուած է 300 մեթր լայնք ունեցող նեղուցով մը։ Համաչափ եռանկիւնի նմանող բոլորաձեւ թերակղզի է։ Անոր երեք ծայրամասերուն կը գտնուին յաջորդաբար Փանաղիա կամ Քրասոփանաղիա հրուանդանը (արեւմուտք), Այիոս Եորղոս հրուանդանը (հիւսիս-արեւելք) եւ Փունտա հրուանդան (հարաւ-արեւմտեան)։

Մեթանային բարձրագոյն գագաթն է Հելոնա (740 մ․) եւ շրջապատուած է համապատասխան բարձրութեամբ գագաթներով՝ 713 մ․, 700 մ․ եւ 692 մ․։

 
Քամենօ Վունօ, ստեղծուած Ք․Ա․ 3-րդ դարուն տեղի ունեցած հրաբխային ժայթքումին ընթացքին․ Քամենի Հորա

Հրաբխային գործունէութիւն Խմբագրել

Մեթանան կը գտնուի Էգէականի հրաբխային գօտիին հիւսիս-արեւմտեան ծայրը եւ Սուսաքիին, Էղինային ու Փորոսին հետ կը կազմեն Սարոնիքոսի հրաբխային խումբը։ Մեթանան կը բաղկանայ 32 հրաբխային գմբեթներով։

Անոր ընդծովեայ հիւսիս-արեւմեան մասին՝ 1,5 - 2 քլ․ հեռաւորութեամբ եւ 143 մ․ խորութեամբ, 1987-ին յայտնաբերուած է Փաֆսանիաս հրաբուխը (12քլ²․ տարածութիւն) 6 հրաբխային գմբեթներով։ Հրաբերանի խորութիւնն է 300 մ․։ Փաֆսանիաս եւ Մեթանա թերակղզիին միջեւ 62 մ․ խորութեամբ կը գտնուի փոքրիկ հրաբխային գմբեթ մը։

 
Մեթանա․ Այի Անարղիրի ջերմաբուժարանը
 
ծծնբային լոգանք ծովուն մէջ, Մեթանա

Ջրաջերմական Խմբագրել

Մեթանայի հրաբխային գործունէութեան հետեւանքն է ներկայիս թերակղզիին տարածքին երեք ծրջաններու մէջ գտնուին երկրաջերմական ջերմուժի աղբիւրներ․ առաջինը՝ Լութրա (հարաւ), երկրորդը՝ Այիոս Նիքոլաոս (հիւսիս) եւ երրորդը՝ Լութրա դու Փաֆսանիա կամ Փալէա Լութրա (հիւսիս-արեւելք)։

Բուսական աշխարհ Խմբագրել

Վայրի թերակղզի է, ցիր ու ցան ծառերով, գլխաւորաբար՝ շոճիներ, մաթուզենիներ, կանանչ կաղնիներ ու մացառներ։ Քամենի Հորա (այսինքն՝ այրած քաղաք) գիւղին սրճագոյն հրաբխային ժայռերը գրեթէ ամբողջութեամբ մերկ են, տեղ տեղ միայն կը գտնուին հալեպեան եղեւնիի խումբեր եւ քանի մը ծառեր։

 
Քունուփիցա

Թերակղզիին վրայ արձանագրուած են 620 բոյսի տեսակ, որոնցմէ 30-ը Յունաստանի տեղայատուկ են։

Մեթանայի տարածքին կը մշակուին ձիթենի, որթատունկ եւ նշենի։

Մեթանա քաղաքապետութիւն Խմբագրել

Մեթանայի քաղաքապետութիւնը բաժնուած է չորս համայնքներու․ համապատասխան գիւղերով-

  • Քունուփիցա (Քունուփիցա, Այիոս Եորղոս, Այիոս Նիքոլաոս, Մաքրիլոնկոս, Փալէա Լութրա)
  • Քիփսելի (Քիփսելի, Այի Թէոտորի)
  • Լութրոփոլի Մեթանոն (Մեթանա, Տրիցայիքա)
  • Մեղալոհորի (Մեղալոհորի, Վաթի, Քամենի Հորա, Մեղալօ Փոթամի)
 
Աքրոփոլիս Փալէոքասթրօ

Պատմական ակնարկ Խմբագրել

Թերակղզին առաջին բնակավայրը՝ Վաթի գիւղին մօտերը, ստեղծուած է Ք․Ա․ 1500 - 1300։ Յայտնաբերուած են բաւական հնագիտական յուշարձաններ եւ իրեր, ինչպէս օրինակ՝ Փալէոքասթրօ Աքրոփոլիս եւ լայն գահ մը։ Ք․Ա․ 4-րդ դարավերջին, Մեթանա ունեցած է իր դրամը։ Ք․Ա․ 425-ին Պելոպոնեսեան Պատերազմին ընթացքին, Աթէնք թերակղզին կը գրաւէ եւ անոր նեղուցը կը պարսպապատէ։ Ք․Ա․ 3-րդ դարուն Մեթանա կը գտնուի Սփարթիին հովանին տակ։ Այնուհետեւ թերակղզիին պատմութիւնը կը հետեւի Պելոպոնեսի պատմութեան։

Տեսարժան վայրեր Խմբագրել

[2] [3] [4] [5] [6] [7] [8] [9] [10] [11]

Ծանօթագրութիւններ Խմբագրել