Միութիւն (հանդէս)

«Միութիւն», հասարակական, քաղաքական եւ ուսումնական կիսամեայ հանդէս։ Զմիւռնիոյ Հաշտենից ընկերութեան հրատարակութիւն։ Լոյս տեսած է 1860 թուականին, Զմիւռնիոյ մէջ։ Խմբագիր՝ Ս․ Վանանդեցի։ Պաշտպանած է Ազգային սահմանադրութիւնը, ձգտած գաղթավայրի միաբանութեան։ Նպաստած է ազգային լուսաւորութեան ու առաջադիմութեան, դրականօրէն վերաբերուած Ա․ Ոսկանեանի «Արեւմուտք» դիրքորոշման։ Լուսաբանած է Զմիւռնիոյ վարժարաններու, «Վասպուրական» թատրոնի գործունէութիւնը, ներկայացուցած է եւրոպական գրականութիւնը։ Աշխատակցած են Տ․ Սաւանալեանը, Գ․ Կոստանդեանը, Հ․ Տէտէեանը, Մ․ Մամուրեանը, Ա․ Պալապանեանը, Ղ․ Մամուրեանը, Ա․ Չելեքեանը, Ա․ Ղոնճայեանը, Ս․ Փափազեանը եւ ուրիշներ։ 1861—1862 թուականներուն հրատարակուած է «Միութիւն սահմանադրական» անունով։ Մ․ Յակոբեան «Միութիւն», Հայկական բարեգործական ընդհանուր միութեան պաշտօնաթերթ։ Լոյս տեսած է 1912—1961 թուականներուն (1912—1927 թուականներուն՝ Գահիրէի, 1928—1940 թուականներուն՝ Փարիզի, 1947—1961 թուականներուն՝ Նիւ եորքի մէջ)։ 1961 թուականին «Միութիւն»-ի եւ «Յուշարար»-ի միաւորումով ստեղծուած է «Յուշարար-Միութիւն»-ը, որ պահպանած է «Միութիւն»-ի համարակալութիւնը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։