Յովհաննէս Յովհաննիսեանի տուն-թանգարան


Յովհաննէս Յովհաննիսեանի տուն-թանգարան, կը գործէ որպէս Եղիշէ Չարէնցի անուան գրականութեան եւ արուեստի թանգարանի մասնաճիւղ 1948-էն։ Թանգարանը կը գտնուի Էջմիածնի այն տան մէջ, ուր երկար տարիներ ապրած եւ ստեղծագործած է բանաստեղծ Յովհաննէս Յովհաննիսեանը։ Թանգարանը ընդգրկուած է Վաղարշապատի պատմութեան եւ մշակոյթի անշարժ յուշարձաններու ցանկին մէջ:

Յովհաննէս Յովհաննիսեանի տուն-թանգարան
Տեսակ հուշային թանգարան?
Երկիր  Հայաստան[1]
Տեղագրութիւն Վաղարշապատ[1]
Կազմուած է Յուշարձան Յովհաննէս Յովհաննիսեանի
Հիմնադրուած է 1948
40°09′49″N 44°17′35″E / 40.163561°N 44.292969°E / 40.163561; 44.292969
Կայքէջ ejmiatsin.am/our-city/9/
Քարտէս
Քարտէս

Պատմութիւն Խմբագրել

Տունը Յովհաննէս Յովհաննիսեանի տուն-թանգարանի վերածուած է Էջմիածնի քաղաքային խորհուրդի գործադիր կոմիտէի որոշմամբ 9 Փետրուար 1948-ին բանաստեղծի դստեր եւ թանգարանի առաջին տնօրէն Եւա Յովհաննիսեանի ջանքերով։

Բանաստեղծի հայրական տունը պահպանուած է նոյնութեամբ, միայն արտաքուստ երեսպատուած է հայկական տուֆաշերտով։ Այն 1.5 յարկանի 215 քմ շինութիւն է, ունի չորս սենեակ, միջանցք, խոհանոց, ընդարձակ պատշգամբ, նկուղներ, ուր պահուած են Արարատեան դաշտի բարիքները։

Միւս երկու սենեակներուն մէջ ցուցադրուած են գրողի գրական-հասարակական, մանկավարժական գործունէութեան վերաբերող փաստաթուղթեր, երկերու հրատարակութիւններ, կեանքին ու գործին նուիրուած ուսումնասիրութիւններ, լուսանկարներ, իրեր։ Տան պարտէզին մէջ կանգնեցուած է գրողի կիսանդրին (քանդակագործ՝ Ղուկաս Չուբարեան

1978-ին թանգարանը մասնակի վերանորոգուած է, 2011-ին լիովին հիմնանորոգուած է Էջմիածնի քաղաքապետ Կարէն Գրիգորեանի կողմէ։

Ցուցադրութիւն Խմբագրել

Թանգարանի սրահներուն մէջ (աշխատասենեակ, ննջարան, սեղանատուն, հիւրասենեակ) կը ցուցադրուին եւ պահոցներուն մէջ կը պահուին մօտ 700 հիմնական նիւթեր, որոնք կը ներկայացնեն Յովհաննէս Յովհաննիսեանի կեանքի ուղին, ուսումնառութեան, գրական, հասարակական եւ մանկավարժական գործունեութեան տարիները, անոր երկերու ստեղծման պատմութիւնը եւ այլն։ Թանգարանին մէջ կը ցուցադրուին նաեւ երկերու հրատարակութիւններ, լուսանկարներ, անձնական իրեր, բանաստեղծի ինքնագրեր, անոր նուիրուած ուսումնասիրութիւններ, գեղանկարչական աշխատանքներ եւ այլն[2]։

Ծանօթագրութիւններ Խմբագրել

  1. 1,0 1,1 Wiki Loves Monuments monuments database — 2017.
  2. Յովհաննէս Յովհաննիսեանի տուն - թանգարան
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։