Նարեկ Ալեէմէզեան

Նարեկ արք․ Ալեէմէզեան (աւազանի անունով՝ Մանուկ, 10 Մայիս 1962(1962-05-10), Պէյրութ, Լիբանան), Մեծի Տանն Կիլիկիոյ Կաթողիկոսութեան միաբանութեան անդամներէն։

Նարեկ Ալեէմէզեան
Ծնած է	10 Մայիս 1962(1962-05-10) (62 տարեկան)
Ծննդավայր	Պէյրութ, Լիբանան
Քաղաքացիութիւն	Լիբանան
Մասնագիտութիւն	կղերական

Կենսագրական գիծեր

Ծնած է Պէյրութ, Լիբանան: Նախակրթութիւնը ստացած է Վահան Թէքէեան վարժարանին մէջ:

1973–1974 կրթական տարեշրջանին ընդունուած է Մեծի Տանն Կիլիկիոյ կաթողիկոսութեան դպրեվանքը:

21 Յունիս 1981-ին կուսակրօն քահանայ ձեռնադրուած է եւ անդամակցած Մեծի Տանն Կիլիկիոյ կաթողիկոսութեան միաբանութեան:

Գործունէութիւն

1981-1985 դպրեվանքին մէջ վարած է հսկիչի եւ ուսուցիչի պաշտօններ ու դասաւանդած է Սահակեան-Լեւոն Մկրտիչեան քոլեճին մէջ:

1985-1986 եղած է Գարեգին Բ. կաթողիկոսի գաւազանակիրը:

1986-1991 աստուածաբանական բարձրագոյն ուսումը շարունակած է Վանքուվըրի (Քանատա) մէջ եւ իբրեւ հովիւ ծառայած է տեղւոյն համայնքին:

1991-1997 իր հովուական ծառայութիւնը շարունակած է Նիւ Ճըրզիի (Ամերիկայի Միացեալ Նահանգներ) մէջ:

12 Մայիս 2002-ին եպիսկոպոս ձեռնադրուած է Արամ Ա. կաթողիկոսի ձեռամբ:

31 Հոկտեմբեր 2010-ին ստացած է արքութեան տիտղոս:

9 Մայիս 2011-ին ստացած է դոկտորական վկայական Պրիթիշ Քոլոմպիայի համալսարանի Վանքուվըրի Աստուածաբանական դպրոցէն:

1997-2014 վարած է Մեծի Տանն Կիլիկիոյ կաթողիկոսութեան միջեկեղեցական եւ միջկրօնական յարաբերութիւններու վարիչի պաշտօնը:

2013-2014 վարած է Մեծի Տանն Կիլիկիոյ կաթողիկոսութեան դրան եպիսկոպոսի պաշտօնը:

2014-2015 եղած է Կիպրոսի հայոց կաթողիկոսական փոխանորդ:

31 Օգոստոս 2018-ին ընտրուած է Լիբանանի հայոց առաջնորդ:

Հեղինակ է հայ եկեղեցւոյ ծէսին ու վարդապետութեան նուիրուած հատորներու եւ յօդուածներու։