Պօղոս Ապաճեան
Պօղոս Ապաճեան (19 Դեկտեմբեր 1939, Հալէպ, Սուրիա - 12 Ապրիլ 2009, Հալէպ[1]), հալէպահայ խմբավար-երաժշտագէտ։
| Պօղոս Ապաճեան | |
|---|---|
| Ծնած է | 19 Դեկտեմբեր 1939 |
| Ծննդավայր | Հալէպ, Սուրիա |
| Մահացած է | 12 Ապրիլ 2009 (69 տարեկանին) |
| Մահուան վայր | Հալէպ |
| Մասնագիտութիւն | խմբավար, դաշնակահար, երաժշտագէտ |
Կենսագրական գիծեր
ԽմբագրելԾնած է Հալէպ: Հայրը մուսալեռցի՝ Պետրոս Ապաճեան, ծնած է 1907-ին, Եօղուն Օլուք գիւղը: Մայրը՝ Աղաւնի Վանայեան, արմատներով մուսալեռցի, Եօղուն Օլուք գիւղէն, ծնած է 1918-ին, Փորթ Սաիտ, Եգիպտոս:
Պօղոս Ապաճեան իր նախնական կրթութիւնը ստացած է Ուսումնասիրաց եւ Բեթէլ վարժարաններուն, իսկ երկրորդական ուսումը՝ Հալէպի Ամերիկեան քոլէճին մէջ (Aleppo College), զոր աւարտած է «Freshman» վկայականով, 1958-ին:
Ձայնամարզութեան (solfège) առաջին ուսուցիչը եղած է Վեր. Լութֆի Հայտոսթեան, իսկ Հալէպի Քոլէճի տնօրէն Ուիվըր, որ եղած է միաժամանակ դաշնամուրի ու երաժշտութեան ուսուցիչ, յայտնաբերած է Պօղոսին երաժշտական մեծ ընդունակութիւնը ու քաջալերած զայն:
1959-1965 տարիներուն Ապաճեան հետեւած է Երեւանի Կոմիտասի անուան Երաժշտանոցի ստեղծագործական, խմբավարական, դաշնակի եւ երաժշտական նիւթերու դասաւանդման ճիւղերուն:
1965-ին վկայուած է երգչախումբի ղեկավարման եւ երաժշտական նիւթերու դասաւանդման մասնագիտութեան տիտղոսով: Աշակերտած է երաժշտահան փրոֆ. Անուշաւան Տէր Ղեւոնդեանի, խմբավար փրոֆ. Թաթուլ Ալթունեանի, երաժշտահան, անուանի արուեստագէտ Էդուարդ Միրզոյեանի, երաժշտահան Մարտին (Մարտիրոս) Մազմանեանի, երաժշտահան Փրոֆ. Ղազարոս Սարեանի, որ եղած է երաժշտանոցի տնօրէնը իր ուսանողական տարիներուն եւ այլ երաժշտագէտներու:
Ծանօթագրութիւններ
ԽմբագրելԱղբիւրներ
Խմբագրել- «Արարատ» օրաթերթ, 27 Նոյեմբեր 1959, էջ 2։[1]