Սիրուշօ
Սիրանուշ Յարութիւնեան (ծնած է 7 Յունուար 1987-ին, Երեւան), յայտնի է որպէս Սիրուշօ, հայ փոփ երգչուհի-երգահան, ՀՀ վաստակաւոր արուեստագէտ։
| Սիրանուշ Յարութիւնեան | |
|---|---|
 | |
| Ծնած է | 7 Յունուար 1987 |
| Ծննդավայր | Երեւան |
| Քաղաքացիութիւն |
 Հայաստան |
| Ուսումնավայր | Երեւանի Պետական Համալսարան |
| Տեսակ | փոփ երաժշտութիւն, Հոգեւոր երաժշտութիւն, Ժամանակակից «Ար եւ Պի», Ժամանակակից ժողովրդական երաժշտութիւն, Հայկական երաժշտութիւն, ռոմանս? եւ փոփ֊ֆոլք? |
| Մասնագիտութիւն | երգչուհի, Հեղինակ ու կատարող |
| Ամուսին | Լեւոն Քոչարեան? |
| Ծնողներ | Սիւզան Մարգարեան, Հրաչեայ Յարութիւնեան |
| Երեխաներ | Ռոպէր Քոչարեան |
| Կայքէջ | sirusho.am[1] |
Ասպարէզ եւ մրցանակներ Խմբագրել
Ան սկսած է իր ասպարէզը 7 տարեկանին, երգելով Հայաստանի եւ Գանատայի բեմերուն վրայ։ 9 տարեկանին ստացած է իր առաջին երաժշտական մրցանակը «Լուսաբաց» երգին համար։ «Սիրուշօ» կոչուող առաջին խտասալիկը լոյս տեսած է 2000 թուականին, որուն յաջորդած է «Շերամ» ձայնասկաւառակը 2005 թուականին։ Նոյն տարին ան ստացաւ 3 մրցանակ Հայկական Ազգային Երաժշտական մրցանակաբաշխութեան ընթացքին։ 2007 թուականին լոյս տեսաւ երգչուհիին «Հիմա» կոչուող երրորդ խտասալիկը։
2008 թուականի Մայիսին Սիրուշօն իր «Քելէ Քելէ» երգով ներկայացուց Հայաստանը Եւրատեսիլ 2008 երգի մրցոյթին եւ գրաւեց 4-րդ հորիզոնականը։ 2009 թուականին ան հրապարակեց իր «Erotas» կոչուող յունալեզու երգը, որ բաւական մեծ արձագանգ ունեցաւ Յունաստանի եւ Կիպրոսի մէջ։ Նոյն թուականին երգչուհի Էլէնա Տոմաշնիչի եւ իսրայէլցի երգիչ Բոազ Մաուդայի հետ Սիրուշօն ձայնագրած է «Time to pray» երգը։ Յաջորդ տարի երգչուհին հրապարակած է իր չորրորդ խտասալիկը, որ կոչուած է «Հաւատում եմ»։
2012 թուականի Դեկտեմբերին Սիրուշօն հրապարակած է իր «ՊռեԳոմեշ» երգը, որ գրաւելով շարք մը առաջնակարգ առաջին հորիզոնականները եւ ունեցած է 2 միլիոնէն աւելի դիտում Եութիւպի մէջ։ 2013 թուականի Դեկտեմբերին ան հրապարակած է «See» երգը՝ համագործակցութեամբ յոյն երգիչ Սաքիս Ռուվասի հետ։
Կենսագրութիւն Խմբագրել
1987-2004 - Մանկութիւնը եւ ասպարէզի սկիզբը Խմբագրել
Սիրանուշ Յարութիւնեանը ծնած է 7 Յունուար 1987-ին Երեւան[2]։ Անոր հայրը՝ Հրաչեայ Յարութիւնեանը անուանի դերասան խմբավար է Հայկական Տրամայի Թատրոնին մէջ, ՀՀ Ազգային արուեստագէտ Է։ Մայրը՝ Սիւզան Մարգարեանը, երգչուհի է, ՀՀ վաստակաւոր արուեստագիտուհի։
Սիրուշօն մանկութենէն իր առաջին քայլերը առած է դէպի երգ եւ երաժշտութիւն[3]։ 7 տարեկանին ան սկսած է գրել իր առաջին երգերը, իսկ արդէն 9 տարեկանին ան «Լուսաբաց» երգի համար ստացաւ Հայկական ազգային երաժշտական մրցանակ։ Ան իր առաջին խտասալիկը որ կոչուած է «Սիրուշօ» հրապարակած է 13 տարեկանին։
2008-2009 - Եւրատեսիլ երգի մրցոյթ Խմբագրել
2008 թուականին Սիրուշօն ստացաւ իր 4-րդ «Լաւագոյն երգչուհի» տիտղոսը Ազգային երաժշտական մրցանակաբաշխութեան։ Նոյն տարուան Մայիսին ան ներկայացուց Հայաստանը Եւրատեսիլ 2008 երգի մրցոյթին, իր «Քելէ Քելէ» երգով։ Երգը գրուած էր Սիրուշոյի եւ գանատահայ երգահան եւ արտակարգող Դեր-Հովայի կողմէ։ Մրցոյթի եզրափակիչին քուէարկութեան արդիւնքով Սիրուշօն գրաւեց 4-րդ հորիզոնականը՝ հաւաքելով 199 կէտ[4]։
2009 թուականի Ապրիլին երգչուհին ներկայացուց իր յունալեզու «Erotas» երգը։ Երգի երաժշտութիւնը գրած է երգիչ Հայկօն, իսկ խօսքերու հեղինակն է՝ Նաթալիա Գերմանուն։ Երգը յայտնի դարձաւ ո՛չ միայն Հայաստանի մէջ, այլ նաեւ Յունաստանի եւ Կիպրոսի մէջ։ 2009-ին Սիրուշօն ձայնագրեց երգ մը Եւրատեսիլ 2008-ի մասնակիցներ Բոազ Մաուդայի եւ Էլէնա Տոմաշնիչի հետ միասին։ Երգին անունն է “Time to pray”, որուն խօսքերու հեղինակն է Իսրայէլի նախագահ Շիմոն Բերեսը։
2010-2012 - «Հաւատում եմ» Եւ «ՊռեԳոմեշ» Խմբագրել
2010 թուականի Փետրուարին Սիրուշօն հրաւիրուած էր Մալթա՝ որպէս յատուկ հիւր, ուր իր այցելութեան ընթացքին մասնակցեցաւ Եւրատեսիլ 2010 երգի մրցոյթին Մալթայի ազգային ընտրութեան։ 2010-ի Մայիս ամսուն կայացաւ երգչուհիին «Հաւատում եմ» կոչուող չորրորդ խտասալիկի առաջին ներկայացումը[5]։ Խտասալիկը փոփ եւ R&B ժանրերուն մեջ է, որ ներառուած է «Erotas», «Հաւատում եմ», «Time to pray» եւ քանի մը այլ մեծ յաջողութիւն ունեցած երգեր։
2010-ին Սիրուշօն գրեց «Судьба Зима» կոչուող երգը յայտնի ռուս երգիչ Գրիգորի Լեպսի համար։
2011 թուականին երգչուհին ձայնագրեց իր «I like it» երգը[6][7]։ Նոյն տարուան Դեկտեմբերին ան յատուկ հիւր էր Երեւանի մէջ տեղի ունեցած Մանկական Եւրատեսիլ երգի մրցոյթին։
2012 թուականի Դեկտեմբերին երգչուհին ոգեշնչուելով Կոմիտասի «Լոռուա գութան» ստեղծագործութեամբ, ներկայացուց իր «ՊռեԳոմեշ» երգը[8], որ դարձաւ շատ յայտնի եւ երկար ժամանակ գրաւեց առաջնակարգ երգաշարքերուն առաջին հորիզոնականները։
2013-էն ետք՝ Ասպարէզի շարունակութիւն Խմբագրել
2013 թուականի Հոկտեմբերին ամերիկեան «W» ամսագիրը Սիրուշոյին ընդգրկեց իր «6 ոչ-ամերիկացի տաղանդներ» ցանկին մէջ[9]։ Նոյն տարուան Դեկտեմբերին յոյն երգիչ Սաքիս Ռուվասի հետ ան հրապարակեց «See» երգը[10]։
2014 թուականի Ապրիլ ամսուն տեղի ունեցած է Համաշխարհային Երաժշտական Մրցանակաբաշխութիւնը (World Music Awards), որուն կը մասնակցին աշխարհի լաւագոյն արուեստագէտները։ Այդտեղ Սիրուշօն ներկայացուած էր երեք տարբեր անուանակարգերուն մէջ, որպէս եւրոպական արուեստագէտ՝ «Լաւագոյն երգչուհի», «Լաւագոյն երգ» («ՊռեԳոմեշ»), «Լավագոյն տեսահոլովակ» («ՊռեԳոմեշ») անուանակարգերու։
2014 թուականի Մայիսի 11-ին՝ Գալիֆորնիոյ մէջ, տեղի ունեցաւ World Armenian Entertainment Awards 2013 մրցանակաբաշխութիւնը, ուր Սիրուշօն արժանացաւ "Queen of Armenian Pop Music" մրցանակին։
2014 թուականի Յուլիս 19-ին՝ ԱՄՆ-ի մէջ լոյս աշխարհ եկաւ Սիրուշոյի եւ Լեւոն Քոչարեանի անդրանիկ զաւակը։
2014 թուականի Նոյեմբեր 9-ին Լոս Անճելոսի NOKIA թատրոնին մէջ տեղի ունեցաւ Սիրուշոյի մենահամերգը։
Նոյն թուականին տեղի ունեցաւ Սիրուշոյի եւ Յարութ Փամպուքճեանի «Տարիներ» երգի եւ տեսահոլովակի առաջին ներկայացումը։
2015 թուականի Մարտին Սիրուշօն վերադարձաւ Հայաստան եւ սկսաւ աշխատիլ իր նոր երգին ու տեսահոլովակին վրայ։ Ընդամէնը 2 շաբթուան ընթացքին պատրաստ էր անոր նոր երգն ու տեսահոլովակը՝ «Կգա մի օր» («Where were you»)։ Երգը եւ տեսահոլովակը նուիրուած են Հայոց Ցեղասպանութեան 100 ամեակին։
Ձայնասկաւառակներ Խմբագրել
- «Սիրուշօ» (2000)
- «Շերամ» (2005)
- «Հիմա» (2007)
- «Հաւատում եմ» (2010)
Մեներգեր Խմբագրել
- 2005 - «Շորորա»
- 2005 - «Սէրը մեր»
- 2006 - «Մայրիկ»
- 2006 - «Հեռանում եմ»
- 2007 - «Հիմա»
- 2007 - «Արժանի է»
- 2007 - «Մեզ ոչինչ չի բաժանի»
- 2008 – «Քելէ-Քելէ»
- 2009 - «Erotas»
- 2009 - «Time to pray»
- 2010 - «Հաւատում եմ»
- 2011 - «I like it»
- 2012 - «ՊռեԳոմեշ»
- 2013 - «See»
- 2014 - «Տարիներ»
- 2014 - «Անտարբեր Աշխարհ»
- 2015 - «Where were you (Կգա մի օր)»
Ծանօթագրութիւններ Խմբագրել
- ↑ https://www.musik-sammler.de/artist/sirusho
- ↑ «Այսօր Սիրուշոյի ծննդյան օրն է»։ ArmStar։ hy։ 7 January 2013։ արխիւացուած է բնօրինակէն-էն՝ 23 September 2015-ին։ արտագրուած է՝ 2013 թ․ դեկտեմբերի 29
- ↑ «Սիրուշո [Sirusho]» (հայերեն)։ AV Production։ արխիւացուած է բնօրինակէն-էն՝ 2016-03-02-ին։ արտագրուած է՝ 2013 թ․ դեկտեմբերի 28
- ↑ «Մարսել Բեզենկոնի մրցանակ Շվեդիայի կողմից»։ արխիւացուած է բնօրինակէն-էն՝ 2016-03-02-ին։ արտագրուած է՝ 2015-08-10
- ↑ Սիրուշո. Հավատում եմ, տեսահոլովակի պրեմիերա esctoday. 2014.05.17
- ↑ «SIRUSHO NEW ! - I Like It (Official Music Video) HD 2011»։ YouTube։ 11 November 2011։ արտագրուած է՝ 2013 թ․ դեկտեմբերի 29
- ↑ SIRUSHO NEW ! - I Like It (Official Music Video) HD 2011 YouTube. 2011.11.11
- ↑ «Sirusho presented her new song –"PreGomesh"»։ 1in.am։ 10 December 2012։ արխիւացուած է բնօրինակէն-էն՝ 31 December 2013-ին։ արտագրուած է՝ 2013 թ․ դեկտեմբերի 29
- ↑ McGarry Kevin (29 October 2013)։ «6 Un-American Idols: The Beyoncé of Brazil, the Gaga of Serbia»։ W։ արխիւացուած է բնօրինակէն-էն՝ 19 April 2015-ին։ արտագրուած է՝ 2013 թ․ դեկտեմբերի 29
- ↑ Սիրուշոն եւ Սակիսը ձայնագրում են "See" երգը